Maicaam (Biakttheng Ser) Pawl Hi Nihin Khrihfa Bu Kan Ral An Si - Ord. Pst. Hoi Cung Tum

Maicam ti cu Khrihfa bu lengah pumpak in maw, a bu in maw thlacamnak biakttheng a sermi Cult thlacam bu an si i, O.T i biakttheng muisam i lak in a cawlcang mi an si. Hruaitu hi pa nak in nu an tam deuh, nihin Hakha le US hrawngah an hung pawt thluahmah lio a si. Pentecostal pawl nih an hun chuahpi tthanmi movement pakhat zong a si i, mizo ram lei tthiamtthiam in an i cawnmi hna an si.
Laimi Khrihfa bu caah ral an si i, a tha lo taktak. Cucaah kal le va tel ve ding a si lo i, mah Khrihfa bu cio te ah um in Pathian rianttuan kha a ttha bik cem. An kalning le an umning hi a hmaan lo caah doh zong an hau. Mah Khrihfa bu leng in a peomi an si.
Hi bantuk cawnpiaknak hmaan lo dotu dingah Chin Baptist Convention, Hakha nih biatak tein an dirttheoh caah lawmh a um hringhran. Daw te le lungnget tein kan um ahcun cawnpiaknak hmaanmi a dirpitu ding ah CBC, Hakha lawng hi Laimi huap in Convention kan ngeihmi a si caah, Bawipa nih hmang chinchin ko hna seh!
Video Credit: Chin Baptist Convention, Hakha