Варя Кычкина "Дьүкээбил"

Леонид Попов тыллара
Туус маҥан табанан көтүтэн
Дьиэбэр мин чугаһаан иһэбин.
Хотугу саҕаҕы киэргэтэн
Умайан таҕыста дьүкээбил.
Xос ырыата:
Дьүкээбил умайда,
Күлүмнүү сыдьаайда,
Дьүкээбил умайда,
Күлүмнүү сыдьаайда.
Сулустаах, чолбонноох халлааммар
Субулла сүүрдүлэр кустуктар,
Солко күөх, уот кыһыл былааттар
Суугунуу сапсынар курдуктар
Хос ырыата.
Мин таптыыр хотугу дойдубар
Күлүмнэс ыйдаҥа буоланнар,
Үрдүбэр кытыаста турдулар
Үөмэхтэс, үллэҥнэс долгуннар.
Хос ырыата.