الشاعر مصلح بن عياد الحارثي - يالله ياللي بأمرك النور شعشاع - قصيدة قويه بدون موسيقى
HTML-код
- Опубликовано: 10 окт 2024
- #عذق_القصيد #مصلح_بن_عياد #مصلح_عياد
❶ - اٍشترك في القناة لمشاهدة المزيد ● Subscribe - اشتراك
❷ - فعل زر الجرس ليصلك المنشور عند رفع فيديو جديد ● 🔔 Bell
❸ - لا تنسي الاعجاب بالفيديو ● 👍 Like
❹ - ضع تعليق فية رأيك في الفيديو ● 💬 Comment
سناب شات : / a3thq_alqseed
انستغرام : / a3thq_alqseed
تويتر : / a3thq_alqseed
يالله ياللي بامرك النور شعشاع
يادامح الزلات يا قاضي الدين
يارب تغفر زلة مالها سناع
عليّه اثقل من جبال الامرين
يوم اتذكرها وانا لازم القاع
اقوم وادرج راسي يسار ويمين
تقول لاهبني على الكبد منزاع
وإلا مصوّبني على القلب سكين
عزالله اني من عنا الرب .. مرتاع
والنفس تجهدني على الزين والشين
يالله عساني في مطوعتك مطواع
يارب ساعدني على القلب و العين
المرجله ياهل المراجل لها انواع
ثلاث واربع يا نشاما .. وثنتين
خوف من الله واحترام وتشفاع
وحفظٍ على رزق اليتاما المساكين
وبر الثنين اللي خذو عنك الاوجاع
وسهروا على شانك من الليل ثلثين
وشجاعة ماهي شجاعة تفيراع
ليا ولع الشيطان نار الشياطين
راس القريب ما لها فيه مشلاع
على العداء ماهي على الربع الادنين
وصينية يلقابها الضيف مرباع
لاهزّعوا جيلانها بأم عصبين
برية تشرى من السوق وتباع
وسوالفٍ زينه من الخاطر الزين
والصبر والحكمه وزينات الاطباع
وامقابل الديّان في حزة الدين
وحاذور من كثر الغضب والتجزاع
عند المصايب واختلاف القوانين
وليا بدالك صاحبً فيك طمّاع
خله يسار الدرب وانته رح يمين
واجزع طريقٍ للرياجيل مجزاع
وخل الدناوه للضعوف الدنيين
لاصار شورك مايسبّعك سبّاع
مالوا عليك مرجّحين الموازين
لاصار مانته لازرق الجم شراع
خله لسبّاح ٍ يجنب عن الطين
والحذفه اللي ماله فيك ميقاع
تعدها لاتسبر الحذف من وين
وليااعترض لك حذفة ِ توجع اوجاع
رد السلف لمدور الصاع صاعين
ردٍ على بعض الرياجيل في ساع
اخير من بكره وبعده وبعدين
من عاد يقضي لك لزومك ليا ضاع
اعجل ليا شفت الرياجيل عجلين
وان زلت الفرصه توقع توقاع
لاتقتضي قرش ِغدالك بقرشين
ليا صارماهي لايمه فاقصر الباع
واخذ الدليل ليا اقنعوك الذويين
طرد ورى المقفى يعرّضك الارواع
وكثر السناوي ماتملي مواعين
للخير تبّــاع .. وللشر تبّــاع
وحاذور تنعس والرياجيل واعين
والذيب مايرقد هني ليا جاع
غصب على الراعي يحول على الضين
وصلاة ربي عد ماهب ذعذاع
على رسول الطيبين الموامين
الشاعر / مصلح بن عياد الحارثي
شاعر حكمة الله يكثر من امثاله،،
بيض الله وجهك يوم أنها بدون موسيقى
صح الله لسانك يا ذا الشاعر
ما عرفت انطلق في الشعر الا اذا سمعت قصايد مصلح بن عياد 💗💗
صحيح انا مثلك اول قصيده اعجبت بها بيت منها
بعض السوالف لبسوها شراعي مقعادها في بيت اهلها جميله
شاعره ؟
ونعم بالشاعر مصلح عزالله انه وافي ومصلح وقصيده هو القصيد اللي يحتاجه جيل هالزمان
شاعر في قمه الابداع تحيه لك من بلاد الرافدين❤️
لااله الاالله وحده لا شريك له له الملك وله الحمد وهو على كل شيء قدير
صح لسانك ويسلم راع الموقع
والله اثلجت صدورنا انك تنزل القصايد جزله بدون موسيقى
ربي يجزاك الجنه انت ووالديك
راس القريب مالها فيه مشلاع
على العدا ماهي على الربع الادنين
صح لسانك
استمر ولاتنقطع تكفى
تياك حلوه
أتمنى ياصاحبي تتخلى عن الآهات، نبي شعر صافي، مثل قصيدة ياالله يارافع سماك ارتفاعي لابن عون، تابعتك عشانها.
الله يسددك
ليا هزعو جيلانها بم عصبين
وش يعين ؟
وش يعني شجاعة تفيراع ؟
شجاعتن ما هي شجاعة تفيراع
يعني شجاعة من دون طيش و تهور و حماقة و هوج
الشجاعه الصحيحة هي اللي تكون ب ركازة و حكمة و الحذر من العواقب
@@hassanalnawaflah احسنت