اية اللي ممكن تعملة لو الكهرباء قطعت عليك وانت في الاسانسير

تعمل اية لو الكهرباء قطعت عليك وانت في الاسانسر
عشان لاقدر الله مايحصلش اي مشكلة
خطوات لازم تاخد بالك منها كويس جدا
الموضوع مش هزار ولو ما اخذتش بالك منها ممكن تحصل كارثة
الناس كلها حاطة ايديها علي قلبها وخايفة من انقطاع الكهرباء عليهم وهما في الاسانسر
الموضوع مش بس اجهزة ممكن تبوظ حاجة تحصل في البيت
الموضوع وصل للحفاظ علي حياتك
وخصوصا ان الاسانسر بقا واحد من الاساسيات في الحياة
ومفيش بيت او عمارة او شركة الا وفيها اسانسر
معلومات مهمة لازم تاخد بالك منها وإجراءات ماينفعش ماتنفذهاش
اولا لازم تفضل تحافظ علي هدوئك علي قد ماتقدر
اوعي تتوتر او تخاف عشان مايحصلكش اي حاجة لاقدر الله زي هبوط في الدورة الدموية بسبب الخوف وتتعرض لفوبيا او من الخوف الشديد ممكن يحصلك مشاكل قلبية لا قدر الله
تاني حاجة لازم تعملها انك تنتظر خمس دقايق لان ممكن يكون راكب جهاز كنترول طواري الكهرباء اللي هيوصلك لاقرب باب وتقدر تخرج وفي حالة عدم وجود جهاز الطواري تضغط علي زر سرينة الطواري لانذار السكان وحارس العقار ان في شخص داخل الاسانسير ولو مفيش سرينة طواري
تحاول تتصل علي حارس العقار او فرد الامن اللي موجود في العمارة ولو معندكش حارس او فرد امن تحاول تتصل علي اقرب حد من السكان يكون متواجد في العمارة
عشان ينزل الاسانير بشكل يدوي ودة هيكون عن طريق ماكينة الاسانسر بفتح فرامل الماكينة وتحريك طارة الماكينة لتنزيل الاسانسر لاقرب دور وتقدر تخرج ولو مفيش اي حد وقتها تتصل فورا بالحماية المدنية او بشركة الصيانة القائمة علي صيانة الاسانسير واللي وقتها هيكون في استجابة فورية وسريعة وهيجوا ليك وينقذوك ولازم تكون هادي جدا جدا وماتستعجلش في الخروج الا اما الاسانسر يكون واقف مظبوط علي الدور واوعي تنزل مابين الادوار ايوي يعني ميكونش الاسانسير مابين الدور الخامس والرابع وحد يقولك نط المسافة دي او يجيب كرسي ليك وتنزل من علية اوتفكر تنزل باي شكل من الاشكال دي غلط وممكن وقتها تحصل كارثة ليك ومشاكل كبيرة لان ممكن للاسف يكون دائرة امان الابواب او شوكة الابواب ملغية والكهرباء تيجي فجاءة والاسانسير يتحرك ووقتها هتزعل جامد بشكل لم تتخيلة لاقدر الله
فلازم ماتخرجش الا اما الباب يفتح طبيعي ويكون المصعد واقف مظبوط علي الدور
وعشان اغلب العمارات دلوقتي فيها اسانسيرات وموضوع فصل الكهرباء حتي الان غير مرتبط بوقت معين ووارد تقطع في اي وقت وعشان كدة لازم وينصح ويفضل بشكل ضروري جدا وهام تدريب حارس العقار وفرد الامن علي كيفية تنزيل الاسانسير لاقرب دور بشكل يدوي من خلال ماكينة الاسانسير اعلي العقار ويفضل تركيب كنترول طواري الكهرباء او مولد يشتغل تلقائيا اول ما الكهرباء تقطع ويوصلك لاقرب دور وايضا يفضل تركيب سرينة انذار مع الشاحن لتعلم الاخرين في العقار انة يوجد شخص داخل الاسانسير ويحتاج للمساعدة
حفظكم الله ورعاكم
مع تحيات شركة الحاتم للمصاعد
*تابعونا وانتظرو منّا كل جديد
#الثقةالالتزام_الجودة_ قطع_الغيار_الاصلية
#الحاتم_للمصاعد_عالم_المصاعد_بين_إيديك .
#معا_نصعد_للقمة
#تركيب_صيانة_اصلاح_قطع_غيار_جميع_انواع_المصاعد
للتواصل والإستفسارات :
☎️ خدمة المبيعات :
⁨1010104436⁩
01092817192
** مقر الشركة : فرع الفيوم - الحادقة- اول الكوبري العلوي امام مستشفي التحرير بجوار بنك التجاري وفا وصيدلية الحكيم
**فرع القاهرة - حدايق الاهرام منطقة ط بجوار النادي والمول الجديد