ليش المواصلات العامة بهولندا 🇳🇱 غالية جدا !؟
HTML-код
- Опубликовано: 13 сен 2024
- وفقا لوكالة الإحصاء الأوروبية يوروستات، فا خدمات النقل بهولندا هي الأغلى بالاتحاد الأوروبي بأكملو .. فا تعد خدمات النقل بهولندا أكتر تكلفة بنسبة 35 بالمية من المتوسط بالاتحاد الأوروبي.. وبالإضافة لوسائل النقل العام، بتندرج سيارات الأجرة وتذاكر الطيران كمان ضمن هي الفئة.
طيب عن أسباب هاد الارتفاع الهائل بالاسعار بقول (بيرت فان في) أستاذ سياسة النقل بجامعة دلفت للتكنولوجيا انو في 3 اسباب
والسبب الأول بعود لمدى دعم الحكومة لوسائل النقل العام .. فا ببلجيكا على سبيل المثال، وسائل النقل العام أرخص بكتير. و بلوكسمبورك شبه مجانية ..وهاد بوضح الفرق بين الحكومات بدعم قطاع النقل .
اما السبب التاني هو الازدحام الشديد لمنظومة القطارات بهولندا .. فا مع هاد الغلى بأسعار النقل العام الا انو القطارات بهولندا مزدحمة بشكل كبير وخصوصا بفصل الخريف والشتاء .. وهاد الشي بخلي الحكومة تصرف على هي المنظومة اكتر وبالتالي تفرض ضرائب اكتر وترفع الأسعار اكتر واكتر .
اما عن السبب الأخير فابقول فان فاي الجملة التالي: بهولندا منحصل على قيمة مقابل أموالنا .. وبيقصد بهاد الكلام جودة وسائل النقل بهولندا.. فا بالمقارنات الدولية تعتبر شركة القطارات ns الهولندية افضل من العديد من البلدان التانية .
