Посухи Бег Сабур ба мунаққидонаш

Бег Сабур, раиси Хадамоти алоқа ва қудои раиси ҷумҳури Тоҷикистон, ки пайваста барои фаъолиятҳои тиҷоратӣ ва маҳдудияти интернет танқид мешавад, ин дафъа сабаби ба кундӣ пеш рафтани сохтмони бузурги манзилҳо дар маҳаллаи Зарафшони пойтахтро тавзеҳ дод. Ҳарчанд қонунҳои Тоҷикистон ба соҳибкорӣ машғул шудани мансабдорони давлатиро манъ кардааст, ин сохтмон яке аз тиҷоратҳои Бег Сабур ва хонаводааш гуфта мешавад.Мақомдори тоҷик имрӯз дар маҳалли сохтмони нотамоми бинои 30-ошёна, ба чанд суоли Саривнози Руҳуллоҳ посух дод.