COLLAR代言活動足本訪問丨混血兒Day讚Candy素顏最靚 Marf平息fc風波：而家好和諧(

造星女團COLLAR出道唔夠1個月，已獲廣告商邀任代言人，今日(24日)佢哋出席運動飲料品牌活動，8女着露臍裝跳唱團歌《Call My Name!》。
Gao話嚟緊會出第二首團歌，但詳情幾時各樣都未清楚，大家都話好緊張，Ivy So就多謝大家欣賞，支持佢哋呢班出道冇幾耐嘅新人。問到有乜產品最想代言？阿Marf話最有興趣食嘢，Gao就話乜都得，最想係同瞓覺有關嘅，Winka即搶答：「枕頭、床褥，你搵我啦，搵我啦。」So Ching都係最想食嘢，笑言唔好理經理人阿Wing，keep住一路拍一路食。Gao坦言：「大部份團員都係處於發育階段，呢個食量係正常，同埋佢哋食極唔肥。」問到邊個最大食？Gao望住Ivy，抵死話：「唔講啦！」搞到Ivy尷尬笑。出道唔夠1個月已經咁忙，問到收入有冇激增？芯駖：「真係未知，我哋好乖，冇問，埋頭苦幹練習。」
至於Day被起底係混血兒，爸爸係尼泊爾人，媽媽係香港人，「冇乜特別嘅，自己唔想focus呢樣嘢，所以冇乜點睇，但又冇話覺得畀人起底，呢個係事實，朋友都知。」擔唔擔心再有舊相曝光？「都唔擔心要點樣應付，之前嘅都係我哋嘅過去，唔會唔承認。」Winka表示：「我成日覺得過去發生嘅事唔代表現在，最緊要我哋而家點樣，而我哋成為乜嘢嘅人。」
另外Marf被問到同fans club發生風波，佢表示：「我覺得應該係自己遲遲冇決定offical，又冇乜同佢哋溝通，因為自己初步接觸呢件事，我已經同admin溝通咗，同埋佢哋好sweet，發生小插曲時都叫我唔好理，專心練歌，同埋而家好和諧，我都好開心佢哋相信我。」
至於眾女素顏暴光，Day話覺得佢哋素顏個個都好靚，「大家每日都係見住大家素顏嘅樣，所以冇理排名，都冇驚嚇,我覺得我哋同化妝個樣冇好大分別。」問到邊個素顏最靚？Day表示，「我覺得Candy，因為佢最年輕，好年輕嘅皮膚。」
#造星女團 #winka #ivyso #芯駖 #gao #soching #candy #娛壹
-------------------------------------
即刻跟住Follow 晒我哋Channel：
FB： as1hk.ent...
IG： / as1.entertainment
YT： / @as1.entertainment