鄭佩佩離世丨錢嘉樂感激前輩無私教導 佩佩姐事業高峰息影嫁人8次懷孕4次流產
HTML-код
- Опубликовано: 16 окт 2024
- 鄭佩佩離世丨錢嘉樂感激前輩無私教導 佩佩姐事業高峰息影嫁人8次懷孕4次流產
一代武打女星鄭佩佩喺美國時間7月17號離世,享年78歲。喺19號朝早,家人透過經理人公司發公告證實噩耗。佩佩姐愛女原子鏸喺社交平台發文盡現不捨之情。
錢嘉樂同佩佩姐相識多年,返回電影城錄節目時有憶述兩人相處點滴,佢話收到消息係非常難過、驚訝同不捨,嘉樂話佢哋經已有兩、三年冇見。當年自己有份參演電影《色戒》要感激佩佩姐,因為李安導演要面試識講普通話嘅演員,但嘉樂真係講唔到兩頁紙對白,最後求助佩佩姐,對方好好錄晒兩頁紙對白,最後佢就跟佩佩姐語氣同發音去同李安面試。
佩佩姐喺1963年畢業於南國寶驗劇團加入邵氏電影公司,首部演出電影係《寶蓮燈》,片中反串男角而被受矚目。喺1966年佩佩姐主演著名武俠片導演胡金銓名作《大醉俠》,奠定俠女形象。佩佩姐喺事業高峰期選擇嫁台灣商人原文通,婚後息影定居美國,並育有三女一子。佩佩姐喺1987年離婚後重返影壇,喺1993年憑電影《唐伯虎點秋香》飾演華夫人,跟周星馳經典對手戲令觀眾印象深刻。
2000年憑李安執導嘅《臥虎藏龍》,佩佩姐飾演碧眼狐狸再現武俠女星風範,憑角色獲得《香港電影金像獎》最佳女配角,佩佩姐喺2018年更獲《第24屆華鼎獎》「終身成就獎」,當日原子鏸更陪同媽咪盛裝赴會領獎。
除咗電影獎項,佩佩姐喺2015年獲頒「英藝獎」,以表揚香港藝人喺內地發展有好成績,佩佩姐領獎時指自己從演超過半世紀,自己代表香港人,無論去到世界邊個角落,都係香港演員,保持香港演員嘅專業。近年佩佩姐好少喺幕前演出,最後一套電影作品係2020年嘅真人版《花木蘭》中飾演媒婆。
佩佩姐同前夫育有四名仔女,兩位女兒原麗淇同原子鏸先後喺幕前發展,而孻仔原和玉身兼製作人同健身教練。佩佩姐思想傳統,曾經喺訪問中講過要為三代單傳嘅原家生一個仔,最終經歷八次懷孕四次流產,誕下三女一子。子女們對佩佩姐愛護有加,喺媽咪晚年時陪伴身邊。心胸豁達嘅佩佩姐早已看透生死,曾經透露離世後成為大體老師,遺愛人間。
#鄭佩佩 #離世 #證實噩耗 #原子鏸 #不捨之情 #錢嘉樂 #難過 #驚訝 #色戒 #普通話 #面試 #寶蓮燈 #大醉俠 #唐伯虎點秋香 #臥虎藏龍 #香港電影金像獎 #最佳女配角 #古裝類最佳女演員 #終身成就獎 #英藝獎 #香港演員 #八次懷孕 #四次流產 #陪伴身邊 #心胸豁達 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞
即刻Follow TVB 娛樂新聞台 Facebook專頁
/ tvbenews
登入myTV SUPER享受睇TVB自製節目7日包括娛樂新聞的免費點播
bit.ly/2TXLlM0
鄭佩佩女士,一路走好😮
多謝鄭前輩,同星爺一齊成就咗我地7,80後嘅一代經典嘅唐伯虎點秋香,同歡樂,願前輩一路好走!!
佩爺,多謝你❤ 我細嗰時候都經常睇佩爺啲電影,因為老豆鍾意睇...所以影響咗我。一路順風,佩爺...一代女中豪傑
RIP 鄭佩佩女士😢 多謝你對華語電影的貢獻及帶給我們的歡樂, 永遠懷念🙏
佩佩姐一路好走💐🙏
一代俠女,佩佩姐 RIP 💐
Rip
鄭佩佩一路好走
佩佩姐幕前及現實生活展現俠女風範,祝願這位香港影壇前輩一路好走
RIP🙏🙏🙏
鄭佩佩姐 R.I.P
鄭佩佩 希望家人幸福 2024年 7月20日 星期六 無記憶我留念
鄭佩佩,憑《卧虎藏龍》
奪得香港電影金像獎「最佳女配角」!
a great loss. rip
偉
4:25😢
rip 鄭佩佩. 一路走好
如果唔係其中四個胎兒不幸流產,佢應該有八個仔女!🤱🤱🤱🤱🤱🤱🤱🤱
Rest in peace🤍
1:15 三劍俠都不在人世,何惜!
紅過咪得囉,你有冇人識呀?😀
天堂冇痛苦往山极乐一路好走