Күйөөсүнө жалаа жапкан аялдар да бар

Аялдар калп айткан учурлар да болот. Зомбулук көрсөтүлбөсө деле балдарын өзүнө калтырып коюу үчүн, ажырашып жаткан болсо баласын атасына көрсөтпөш үчүн ушундай ыкманы жасашат. Бул жерде да тең карашыбыз керек да. Себеби, ажырашуу, зомбулук бул окуянын бир бөлүгү болсо, ажырашканда балага атанын да, энени да укугу тең экендиги экинчи бөлүгү. Биз аялдар эмоционалдуураак болобуз. “Мен атасына көрсөтпөйм баламды” дешет, эмнеге көрсөтпөйсүз десек “мен көрсөтпөшүм керек же аталык укуктан ажыратыш керек”, - дешет. Ал киши эмне кылды десек уруп, сабады дешет. Анан деталдуу текшерүү жүргүзүп келгенде андай факты жок болуп чыгат. Жалаа жапкан учурлар болот. Мындай фактыларды да кесипкөй катары караш керек, билиш керек.