أحمد الناصر الشايع و صيّاف بن عوّاد الحربي على شرف صاحب السمو الملكي الأمير / نايف بن عبدالعزيز . بمزرعة الجمّاز في القصيم ،طريق حائل عام 1406هـ أحمد: سلام الله على الراس الكبير مْخَلِّصَ الأنشاب عدد ما هل هملول المخيله واسر ياساري على نايف ولد عبدالعزيز مْدَرِّبَ الهِيَّاب جمع صَفَّ القبيله بالقبيله واسر ياساري صياف: هلا يامرحبا ترحيبةٍ تقرا عليك كتاب كتاب اللي يسوقون الأصيله واسر ياساري عسى ربي يعز ملوكنا فَكَّاكَة الأنشاب فالأيام القصيره والطويله واسر ياساري أحمد: أنا بلعب وأقول الله لا يَتْكِل على الاسباب نبا ليله تِعُوْض بكل ليله واسر ياساري أنا من صاحبي صيَّاف رحت وخاطري ما طاب ولا يوفي العميل إلا عميله واسر ياساري صياف: تقول إنك رميت الذيب ياأحمد لَوِّ رَمْيِك صاب يديك خْفَافْ والبندق ثقيله واسر ياساري ترى دربي على أصحابي ولا لي دونهم مجناب أخَيْر الهيل وإلا الجنـزبيله واسر ياساري أحمد: ترى طول الزمان يْبَيِّن الصادق من الكذَّاب وانا أظن الجهل ما فيه حيله واسر ياساري ليا مِنَّا فتحنا الباب لا تغلق مجاري الباب عقيد القوم ياخذ له دليله واسر ياساري صياف: ترى الهرج الصحيح مْعَ الرجال يطوِّل الأرقاب ولا داعي لتوليع الفتيله واسر ياساري عليك تْسَوِّي دْلال الشرف وِيْجِي لها شَرَّاب عساها تروي كبودٍ عليله واسر ياساري أحمد: أنا أوحيت الرجال تْقول لي سوق الغلا جلاَّب وابو مطراش ما ينسى صميله واسر ياساري أنا أشوفك شِطَحْت يْسار دون الماقف الغَصَّاب وانا خابرْك ما نفسك بخيله واسر ياساري صياف: لقيت الفضَّه اللي عَلِّقوها في جناح غراب واقول الحمد لله بالعقيله واسر ياساري أنا حَصَّلت لي ناسٍ كبار ويلبسون ثياب والأرض مْهُوْد والشَّجْرَه ظليله واسر ياساري أحمد: يابوفضَّه قديمه فِكَّهَا من راعي المشعاب ولكن حجة الجمعه فضيله واسر ياساري وحِنَّا في رجاء ربٍّ كريمٍ سايله ما خاب مجرِّي كل سيلٍ مع مسيله واسر ياساري صياف: أنا بقول شرهتها عليك ونجمها ما غاب أَكَلْهَا اللي لَعَلَّه للأكيله واسر ياساري تواعِدنا وترسل يَمِّنَا سيفٍ بغير نْصَاب وهذي من طرفكم مستحيله واسر ياساري أحمد: تبا تلحقْك شرهتها كما إنك تفتل الاشناب زميلٍ سَدِّ في غيبة زميله واسر ياساري ................................................ .................................................. صياف: وألا ياشَجْرِةٍ خضراء جميله لونها جذَّاب وأخذها السيل الأحمر مع مسيله واسر ياساري بنيت الخيمه القشرا وجاها قَاطِع الأطناب صغيره ضيفنا ما تستوي له واسر ياساري أحمد: أنا صلّيت بالمسجد صلاة العصر أبومحراب وصلّيت الفريضه والنفيله واسر ياساري ترى الشرهه على الشِّـبَّان ما تاقع على الشِّـيَّاب ولا احب أبرهه وسنون فيله واسر ياساري صياف: تصلِّيها وتاخذ بعدها تمرٍ بوسْط جراب عَشر كيلات من تسعين كيله واسر ياساري ألا ياشايبٍ عند الزعل ما تمسك الأعصاب يجيك أبو لهب وإلا تجي له واسر ياساري أحمد: عطوك حروف مجهوله ولكن ما لهن إعراب وأنا ما هَمِّني كيلٍ تكيله واسر ياساري أظن الحبل يفجع كل رَجْلٍ قد قَرَصْهَ الداب تباها شرع وإلا بالفصيله واسر ياساري صياف: أنا ما هَمِّني زرعٍ يحشّه راعي المغراب ولا يصعب عليَّه وَارْتِكِي له واسر ياساري تبا تشرف على الجنَّه وتونس لذعة المشهاب وِتِرْمَى باوسط النار الشعيله واسر ياساري أحمد: نبا نقرا عليك الفاتحه مع سورة الأحزاب وأبو هَمٍّ عسى ربي يزيله واسر ياساري ولكنّ الوعد بكره متى ما وَصْلِكَ النَّجَّاب يجي صيّاف له يُوْمِي شليله واسر ياساري صياف: قريت الفاتحه وانته مقفَّل دونك الدولاب وكبدك كنَّها وسط المليله واسر ياساري أعَرْف إنك تبا تشرب من الـجَمَّه ثلاث اشْرَاب وترقى الضلع وتْصيبك سعيله واسر ياساري
في هذه السنة خصّص اليوم الثالث لصرف مكافآت حفل مهرجان الجنادرية، ولم تصل المكافأة لصياف وبعض الشعراء لعدم حضورهم يوم المكافآت (اليوم الثالث في المهرجان)، وكان صياف حاضر حفل آخر في يوم المكافآت. يشير لذلك أحمد الناصر: يا أبو فضة قديمة فكها من راعي المشعاب ولكن حجّة الجمعة فضيله واسر ياساري وقال صياف: أنا باقول شرهتها عليك ونجمها ماغاب أكلها اللي لعله للاكيلة واسر ياساري ويبيّن صياف زهده في المهرجان يقول: أنا ماهمني زرعٍ يحشه راعي المغراب ولايصعب عليّه وارتكي له واسر ياساري قال أحمد: ولكنّ الوعد بكرة متى ماوصلك النّجّاب يجي صياف يومي له شليله واسر ياساري ومعنى البيت أن هذا النجّاب (أي: المرسول) إذا دعاك السنة القادمة للحفل ستأتي رافعا طرف ثوبك لأجل يضع فيه ما تريد.
![Blox Fruits Dragon Rework Update [Full Stream]](http://i.ytimg.com/vi/EqDAp8udhm0/mqdefault.jpg)
أحمد الناصر الشايع و صيّاف بن عوّاد الحربي على شرف صاحب السمو الملكي الأمير / نايف بن عبدالعزيز . بمزرعة الجمّاز في القصيم ،طريق حائل عام 1406هـ
أحمد:
سلام الله على الراس الكبير مْخَلِّصَ الأنشاب
عدد ما هل هملول المخيله واسر ياساري
على نايف ولد عبدالعزيز مْدَرِّبَ الهِيَّاب
جمع صَفَّ القبيله بالقبيله واسر ياساري
صياف:
هلا يامرحبا ترحيبةٍ تقرا عليك كتاب
كتاب اللي يسوقون الأصيله واسر ياساري
عسى ربي يعز ملوكنا فَكَّاكَة الأنشاب
فالأيام القصيره والطويله واسر ياساري
أحمد:
أنا بلعب وأقول الله لا يَتْكِل على الاسباب
نبا ليله تِعُوْض بكل ليله واسر ياساري
أنا من صاحبي صيَّاف رحت وخاطري ما طاب
ولا يوفي العميل إلا عميله واسر ياساري
صياف:
تقول إنك رميت الذيب ياأحمد لَوِّ رَمْيِك صاب
يديك خْفَافْ والبندق ثقيله واسر ياساري
ترى دربي على أصحابي ولا لي دونهم مجناب
أخَيْر الهيل وإلا الجنـزبيله واسر ياساري
أحمد:
ترى طول الزمان يْبَيِّن الصادق من الكذَّاب
وانا أظن الجهل ما فيه حيله واسر ياساري
ليا مِنَّا فتحنا الباب لا تغلق مجاري الباب
عقيد القوم ياخذ له دليله واسر ياساري
صياف:
ترى الهرج الصحيح مْعَ الرجال يطوِّل الأرقاب
ولا داعي لتوليع الفتيله واسر ياساري
عليك تْسَوِّي دْلال الشرف وِيْجِي لها شَرَّاب
عساها تروي كبودٍ عليله واسر ياساري
أحمد:
أنا أوحيت الرجال تْقول لي سوق الغلا جلاَّب
وابو مطراش ما ينسى صميله واسر ياساري
أنا أشوفك شِطَحْت يْسار دون الماقف الغَصَّاب
وانا خابرْك ما نفسك بخيله واسر ياساري
صياف:
لقيت الفضَّه اللي عَلِّقوها في جناح غراب
واقول الحمد لله بالعقيله واسر ياساري
أنا حَصَّلت لي ناسٍ كبار ويلبسون ثياب
والأرض مْهُوْد والشَّجْرَه ظليله واسر ياساري
أحمد:
يابوفضَّه قديمه فِكَّهَا من راعي المشعاب
ولكن حجة الجمعه فضيله واسر ياساري
وحِنَّا في رجاء ربٍّ كريمٍ سايله ما خاب
مجرِّي كل سيلٍ مع مسيله واسر ياساري
صياف:
أنا بقول شرهتها عليك ونجمها ما غاب
أَكَلْهَا اللي لَعَلَّه للأكيله واسر ياساري
تواعِدنا وترسل يَمِّنَا سيفٍ بغير نْصَاب
وهذي من طرفكم مستحيله واسر ياساري
أحمد:
تبا تلحقْك شرهتها كما إنك تفتل الاشناب
زميلٍ سَدِّ في غيبة زميله واسر ياساري
................................................
..................................................
صياف:
وألا ياشَجْرِةٍ خضراء جميله لونها جذَّاب
وأخذها السيل الأحمر مع مسيله واسر ياساري
بنيت الخيمه القشرا وجاها قَاطِع الأطناب
صغيره ضيفنا ما تستوي له واسر ياساري
أحمد:
أنا صلّيت بالمسجد صلاة العصر أبومحراب
وصلّيت الفريضه والنفيله واسر ياساري
ترى الشرهه على الشِّـبَّان ما تاقع على الشِّـيَّاب
ولا احب أبرهه وسنون فيله واسر ياساري
صياف:
تصلِّيها وتاخذ بعدها تمرٍ بوسْط جراب
عَشر كيلات من تسعين كيله واسر ياساري
ألا ياشايبٍ عند الزعل ما تمسك الأعصاب
يجيك أبو لهب وإلا تجي له واسر ياساري
أحمد:
عطوك حروف مجهوله ولكن ما لهن إعراب
وأنا ما هَمِّني كيلٍ تكيله واسر ياساري
أظن الحبل يفجع كل رَجْلٍ قد قَرَصْهَ الداب
تباها شرع وإلا بالفصيله واسر ياساري
صياف:
أنا ما هَمِّني زرعٍ يحشّه راعي المغراب
ولا يصعب عليَّه وَارْتِكِي له واسر ياساري
تبا تشرف على الجنَّه وتونس لذعة المشهاب
وِتِرْمَى باوسط النار الشعيله واسر ياساري
أحمد:
نبا نقرا عليك الفاتحه مع سورة الأحزاب
وأبو هَمٍّ عسى ربي يزيله واسر ياساري
ولكنّ الوعد بكره متى ما وَصْلِكَ النَّجَّاب
يجي صيّاف له يُوْمِي شليله واسر ياساري
صياف:
قريت الفاتحه وانته مقفَّل دونك الدولاب
وكبدك كنَّها وسط المليله واسر ياساري
أعَرْف إنك تبا تشرب من الـجَمَّه ثلاث اشْرَاب
وترقى الضلع وتْصيبك سعيله واسر ياساري
من روائع المحاورات شكر
الله عليك ياصاحب القناة .
بحور تلاطم الله يرحمهم
الله يرحمهم ويغفرلهم
مساء الخير يا اخي الفاضل تحياتي واحترمي لك الله يرحم صاحب السمو الملكي الا مير نايف ابن عبدالعزيز الله يرحم الشعار العمالقه
عوايدك النوادر لا عدمناك
في هذه السنة خصّص اليوم الثالث لصرف مكافآت حفل مهرجان الجنادرية، ولم تصل المكافأة لصياف وبعض الشعراء لعدم حضورهم يوم المكافآت (اليوم الثالث في المهرجان)، وكان صياف حاضر حفل آخر في يوم المكافآت.
يشير لذلك أحمد الناصر:
يا أبو فضة قديمة فكها من راعي المشعاب
ولكن حجّة الجمعة فضيله واسر ياساري
وقال صياف:
أنا باقول شرهتها عليك ونجمها ماغاب
أكلها اللي لعله للاكيلة واسر ياساري
ويبيّن صياف زهده في المهرجان يقول:
أنا ماهمني زرعٍ يحشه راعي المغراب
ولايصعب عليّه وارتكي له واسر ياساري
قال أحمد:
ولكنّ الوعد بكرة متى ماوصلك النّجّاب
يجي صياف يومي له شليله واسر ياساري
ومعنى البيت أن هذا النجّاب (أي: المرسول) إذا دعاك السنة القادمة للحفل ستأتي رافعا طرف ثوبك لأجل يضع فيه ما تريد.
👏👏👏👏👏👏👏👏👏👏👏👏
اجتمع اثنين من اكثر الشعار غموض ودفن بعيد للمعنى، النتيجة طاروق من طواريق النخبة. اللهم اغفر لهم وارحمهم وارحم جميع شعراء الجيل الذهبي.
36 بيت اتحدى شاعر يجيب معنى فيها الحين وبيوت مثلهم
*نبى مطلق ومستور والزلامي والسواط والسيالي وبن تويم*
صياف الله يرحمه اخطأ وسرا الانشاب بدري