Gulen vafot etdi

Turkiya 2016-yilgi hukumat to'ntarishiga urinish muallifi sifatida ko'rgan Fathulloh Gulen AQShning Pensilvaniya shtatida uzoq davom etgan hastalik ortidan vafot etdi. Dastlab Turkiyaning amaldagi prezidenti Rajab Toyyib Erdog'anning yaqin ittifoqchisi bo'lgan ulamo keyinchalik uning dushmaniga aylangan, uni avtoritar hukumat tuzayotgan diktatorlikda ayblab kelgan. Erdorg'an hukumati nazdida, Gulen hukumat to'ntarishini amalga oshirib, Turkiyada diniy davlat qurish ilinjidagi terrorchi.
Gulen 1999-yildan beri AQShda quvg'inda yashadi. Uylanmagan, farzandlari yo'q. Pasportiga ko'ra, 1941-yilning 27-aprelida tug'ilgan. Unga yaqin manbalarning aytishicha, Gulen aslida 1938-yil tug'ilgan. So'fiylikka asoslangan falsafa bilan yashagan Gulen demokratiya, ta'lim, ilm-fan va dinlararo totuvlikni targ'ib qilgan llider sifatida bilinadi.
2016-yilning 15-iyulida armiyaning ayrim bo'linmalari tanklar, harbiy samolyotlar va vertolyotlar vositasida hukumatni ag'darishga uringan. Kamida 251 kishi jon bergan, 2200ga yaqin odam jarohat olgan edi. Erdog'an hukumati muvaffaqiyatsiz kechgan to'ntarish ortida Gulen turganini iddao qilib, AQShdan uni ekstradistsiya qilishni so'ragan. Gulen ayblovni keskin inkor etgan. Yetarli asos va dalillar yo'qligini aytgan Vashington Gulenni Turkiyaga yo'llamagan edi.

[@ANTIYHUD]

Амеркага қочган бўлса аниқ фитначи ва тэрорчи экан.