Yarab Kisi Behen Se Baradar Juda Na Ho...By IMRAN ABIDI Mumbai 2014-15

[@sadik9250]

Can I upload Lyrics video also?

[@_btwits_aashi_]

Yeah plz 🙏

[@asgarabbas2456]

Ya rab kisi nhen se baradar juda na ho

[@MohdAli-nb6ql]

Hay bibi zainab s.a😭😭😭

[@tanveerbatliwala]

English Lyrics
Zainab ne apne bhai ke laashe pa ki dua
Ya rab kisi gareeb ka toote naa aasraa
Behno ki chaadaro se naa kismat ko bayr ho
Ya rab har ek rida ke muhaafiz ki khayr ho
Saare jawaano peer mere qatl ho gae
18 sher maut ki godi me so gae
mayne sahe hay deen ke shehdaaio ke gam
taa umr may na bhuloongi 2 bhaiyyo ke gam
ek bhai fauj e shaam ke narge me kho gaya
aur doosra furaat ke saahil pe so gaya
meri tarha bhi koi musibat zadaa naa ho
ya rab kisi behen se baraadar judaa naa ho
zainab ne apne bhai ke laashe pa ki dua
ay kaarwaan e daur e asiri thahar zara
ek sher so raha hay lab e nehr e alqama
wo naujawaa diler jari bhai hay mera
may laasha e husain se darya pe jaaoongi
abbas ko bandhe huwe baazu dikhaaoongi
jab khwaahar e husain soo e alqama chali
likhkha hay sar barehna thi haider ki laadli
aahat jari ne door se qadmo ki bhaapli
faryaad karke tadpa tan e zaigham e ali
logo furaat se meri basti ujaad do
mujhke uthaa ke gaur e garibaa me gaad do
ay bekasi bulaale mujhe apni god me
gayrat kahi chupaa le mujhe apni god me
phat jaa zamee samaa le mujhe apni god me
ay aasmaa uthaa le mujhe apni god me
may beridaa ko dekhoonga kyu kar taraaee par
saydaaniyaa aa rahi hay khule sar taraaee par
lehjaa ali ke sher ka dukhiyaari ne jab sunaa
zainab ko door se jo nazar aaee alqama
dekha idhar udhar badi hasrat se baar-haa
abbas ayna ayna ki chillaa ke dee sadaa
palko ke aage khoon ke aasoo tapakte the
darya pe do kate huwe baazoo tadapte the
darya kanaare binte ali aaee jiss ghadi
abbas ko pukaar ke laashe pa gir padi
aakho se aasuo ki lagi thi koi jhadi
ye dekh ke jari ko aziyyat huwi badi
aakho peeche ashk magar lab sile huwe
zainab ke haath the pas e gardan bandhe huwe
zehra ke dil ka chayn meri jaa toohi to hay
baba ali ke qalb ka armaa toohi to hay
aur zor e baazoo e shah e zeeshaa toohi to hay
behno ki chaadaro ka nigehbaa toohi to hay
baazoo kate to maut ki neend aagee tujhe
abbas jaane kiski nazar khaa gaee tujhe
zainab pukaari choom ke abbas ka gala
kuch apni bhi sunaa kya haal hay tera
goya bade adab se huwi laash e baa wafaa
mujraa mera qubool karo binte fatema
bibi moaaf kijiye apne gulaam ko
maathe pe haath rakh nahi sakta salaam ko
may apne haal kya kahoo shehzaadi e ajam
jab se furaat pe mere baazoo huwe qalam
jo chaand se azeez tha thandaa huwaa alam
mujh par guzar rahaa hay badaa hi shadeed gam
may kya kahoo mujhe badi takleef hoti hay
ek bibi nange sar mere laashe pe roti hay
dukhiya hay sogwaar hay be aasraa hay wo
ro ro ke ya bunayya ki deti sadaa hay wo
zainab tadap ke boli badi gamzadaa hay wo
abbas jaan lo meri maa fatemaa hay wo
turbat me bhi naa chayn se soegi fatema
abbas hashr tak tujhe roegi fatema
phir uthi padh ke naad e ali gamzada behen
boli dikhaake khoon me doobi huwi rasan
abbas mere bhai mere sher sab-shikan
lutkar aseer ho gaee naamoos e panjetan
chaadar sipaah e shaam ke narge me kho gaee
18 bhaaiyo ki behen qayd ho gaee
zainab ki baat hukm e sitamgar se kat gaee
fauj e yazeed chalne ko daryaa se hat gaee
khaamosh aasuo me aziyyat simat gaee
aarif ye kehke bhai se zainab lipat gaee
maatam to kar loo apni fidaaee ki laash par
jee bhar ke rone do mujhe bhai ki laash par

[@ayne3209]

Thanks!
God bless you! 🙌

[@arfeensayyed]

Jazakallah

[@FarheenMahdi]

Plz send me full noha lyrics ..plz🙏

[@FarheenMahdi]

Plz send

[@tanveerbatliwala]

lyrics now posted

[@Azadari-yt8wq]

Plz Noha lyric mil skti hai ?

[@tanveerbatliwala]

lyrics now posted

[@Zarinrizvi]

😭😭😭🙌

[@Zarinrizvi]

😭😭😭

[@tathirfatima6318]

😭😭😭😭😭😭💔

[@zameerabbas1895]

Ya Ali madad