ESKAL (OFFICIAL) K-NAVAL 2021- 45 SOLDIERS

Kanaval 2021 : 45 Soldiers
Tit : ESKAL
Lid : The voice
Ak fòs lanati n fòje tèt nou
Fok latè peri pou n disparèt tou
Souri anpil moun poze sou tèt nou
Fanatik FOFA, estime yo beni
Sèl epidemi yo pa vle k gerii
Lavi ak respè pou sak show nou love
Koral ak lid : Dougé
Toujou la pou n vin fe w plezi
Moman difisil ou la, nou vin fè w rejwi
Sak renmen FOFA yo
N renmen nou back
Nou pran bòykotaj
Men domaj, nou pa pè obstak
Koral
Pou pwòp peyi nou n se danje
Nap viv ladan l tankou etranje
Se nou k piye l ki fè l pa avanse
Kòmsi nou pat ayisyen
Fè peyi n plis mal ke byen
Se se se
Rat kay la kap plede manje pay kay la
Ki fè n pèdi batay laa
Lid : M.I.C
Sonw ayisyen ki prezidan, se youn ki depite
Ak senatè kap volè depi lè manda l debite
Son w ayisyen ki gonw chèk mò
Ki retade salè yon pwofesè kap fè efò
Ki rann lavi l pa ka miyò
Son w ayisyen ki kidnapè, sonw lòt ki bandi a
Nou enstale laperèz isi pyès moun pap envesti la
Nou tankou moun kap pase kap pase kap pase
Komsi son w teritwa nap likide
Refren ( Bis)/ Lead and Choral : The Voice
Ayisyen viv kou etranje
Nan pwòp peyi l
Li pa gen dwa a lasante
nan pwòp peyi l
Grangou plis ensekirite
Moun ap mouri
Drapo a pase anba pye
Tout sou kouri
Kò yo la, nanm yo fly
Eskal y ap fè, eskal y ap fè la
Sak paka al etazini, lage yo brezil chili
Eskal y ap fè, Eskal y ap fè la
Yo finn piye kès leta , yo pran avyon al laba
Eskal y ap fè, eskal y ap fè la
Kò yo la nanm yo fly, yo bay peyi a vag
Eskal y ap fè, eskal y ap fè la
Yo peyi, yo kraze, yo lase
Ak kob peyi a
Lid ak Koral : F-The Winner
Viza se diplòm pou ayisyen depi l gen youn li reyisi
Se plis sak pa gen lechwa ki reziye yo ret isi
Rezide kou ilegal
Tout moun vle kite la
Kòmsi la pa teritwa n
Fè l tounen depotwa
Se lè ayisyen an nan peyi l, li move sitwayen
Aletranje yo peye taks, yo mache dwat dwat
Se lè ayisyen an nan peyi l, li move sitwayen
Lè yo kay blan yo chanje fas
Refren (Bis)
Lid ak Choral : Dougé
Siw tandon w kri
anmweyyy
Se fofa k fon w krim, krim
M te diw pa vin anba m
m te diw twò piti
Siw tandonw kri
anmweeyyy
Fofa fon w viktim, tim
Pa gen pwa pou nou, dyaz yo twò easy
Se nou k gen feeling, ling
Se nou k sonnen clean, clean
Ching a ling a ling
Lari a fofa sèl king, king
Yo move
Yo fache
yo boude
yo gonfle tankou blad, Fofa pase l pete l bow
W move w gonfle
fofa pete l bow
W move w gonfle papa
Pete l bow
W move w gonfle
Fofa petel
Bow
Fofa pete l
Lid ak koral : The voice
Fè lapli tonbe
Fè gwo van soufle
Fè dife leve
Chak lè FOFA pran laria
Fè mèvèy oooo
Tonnèboulem jazz saaa
Fè lòbèy ooo
FOFA, fè mèvèy ooo
Tonnèkrazem jazz sa
Fè lòbèy ooo
Koral
Wiiii
Se nou
Hein hein
Les malades de FOFA
Waw
Nou bèl
Jazz nou rèd
E nou pa pè pèpap
Koral ak Lid : Dougé
Anyi an an an
Te fè w vole kou papiyon
Anyi an an an
Te fè w plane kon w avyon
Anyi an an an
Kounya n mennen w pont d’avignon
N pral fè w danse tout en rond
Sur le groove de FOFA
Sur le groove de FOFA
On y danse
Sur le groove de FOFA
On y danse tout en rond
Sur le groove de FOFA
Et oui, on y danse
Sur le groove de FOFA
On y danse tout en rond
Nou vire nan mitan bann nan n vire
Nou vire nan mitan bann nan n vire
Nou vire nan mitan bann nan n vire
Nou vire nan mitan bann nan n vire
Lid ak Koral : F-The Winner
Depi w pale de mal de FOFA
Tizè moveee
Di FOFA pa dous
Tout plim sou do leveee
FOFA saa
Ka fè nèg boude, sote, ponpe
Pou jazz sa
Ka bay nèg gwo kè, swete n kraze
FOFA saa
Tizè ka goumen, pete fache
Pou jazz sa
Fanatik ka kriye
Depi w pale de mal de FOFA
Tizè moveee
Di FOFA pa dous
Tout plim sou do leveee
Koral ak Lid : F-the Winner
Pa te la, nou rive
Mete mi nan domino a
FOFA gate l nan men w nèt
Pa te la, nou rive
Met maggi nan sobrino a
FOFA gate sa
Koral ak lid : The Voice
Mele w, mele
Depi n la, w antrave
Mele w, mele
Depi n la, w andanje
Mele w, mele
E nou ki kòmande
Mele w, mele
Mele w, mele
Lid ak koral : Dougé
Woyyy m pa menm sou koulè m
Wè m rete m retire mayo mw
Fofa dejwe m, jazz la gate m
Komanman
M pa menm sou koulè m
Wè m rete retire chemiz mw
Fofa dejwe m
FOFA fè m fè vantilatèèè
Vire chemiz, vire mayo
FOFA fè m fè elikoptè
Vire mouchwa yo, m awoyo
Li fè m santi m ap pas’anlè
Vire chemiz, vire mayo
FOFA fè 2 pye m pèdi
Vire mouchwa, m awoyo
Koral ak lid : The Voice (Bis)
Lid ak koral : Dougé (Bis)
Swiv nou :::::::
Soundcloud:
/ s-9s7z3j109ef
Facebook:
/ 45soldiers
Instagram:
/ 45officiel