Sağlamlıq İmkanları Məhdud Gənclərin Peşə Reabilitasiya Mərkəzinin təmirdən sonra açılışı olub

Dekabrın 24-də Bakının Yeni Ramana qəsəbəsində Sağlamlıq İmkanları Məhdud Gənclərin Peşə Reabilitasiya Mərkəzinin yenidənqurmadan sonra açılışı olub.
Azərbaycan Respublikasının Prezidenti İlham Əliyev və xanımı Mehriban Əliyeva açılış mərasimində iştirak ediblər.
Əvvəlcə buradakı tibb məntəqəsinə baxan dövlət başçısı və xanımı mərkəzdə sağlamlıq imkanları məhdud gənclər üçün yaradılmış şəraitlə, habelə idman zalı ilə də tanış oldular.
Sonda Prezident İlham Əliyev və xanımı Mehriban Əliyeva sağlamlıq imkanları məhdud gənclərlə görüşdülər.