وين أقوى شاورما سورية ولبنانية في باريس ؟ - أطيب شاورما بالعالم - Best Shawarma in Paris

اليوم اخترت روح على باريس حتى ابحث عن أطيب شاورما سورية وشاورما لبنانية بباريس , جولتنا بدأت مع تاريخ الشاورما التركي يلي بيرجع لمدينة بورصة التركية , وبعدا رحنا وزرنا أطيب محل شاورما سورية بباريس وتفاجئنا بالطعمة يلي ما بتختلف أبداً عن الشاورما بنص سوريا
كفينا جولتنا للبحث عن أقوى شاورما في باريس وهل مرة رحنا على محل كاستي أو بالعربي قصتي , محل مختص بالشاورما اللبنانية على أصولا , ومملوك من قبل الشيف آلان جيام يلي حائز على نجمتين ميشلان لجودة الطعام , تجربة أكثر من رائعة دقنا فيا أقوى شاورما لبنانية ممكن تلاقوها بباريس مع الشيف كميل يلي محضرا بدياته , والمحل بساوي شاورما لحمة وشاورما دجاج بجودة وطمعمة بتجنن وبيستاهل لقب أطيب شاورما لبنانية في باريس بكل جدارة
كفينا جولتنا وزرنا مطاعم تانية منن مطعم نورا اللبناني يلي بساوي شاورما وأطباق تانية , وأهم شي زرنا مطعم لوكس يلي بساوي صندويش الدونر التركي الأصلي حتى نقارنا بالشاورما السورية والشاورما اللبنانية , كانت تجربة كتير حلوة بهل مطعم ودقنا صندويش دونر كتير طيب
أما المحطة الأخيرة فكانت من نصيب مطعم دومامي يلي بيعمل شاورما سورية , تجربة جداً جميلة وشاورما جداً قوية , بشكل عام مستوى الشاورما بباريس كان فوق التوقعات وقضينا حلقة من العمر
بتمنى تستمتعوا بالشماهدة ولا تنسوا تشتركوا بالقناة ازا عجبكن المحتوى وتتركولي رئيكن بالتعليقات , مع كل الحب
عناوين المطاعم :
Shawarma lovers : 79 Rue Saint-Martin, 75004 Paris
Qasti shawarma : 214 Rue Saint-Martin, 75003 Paris
Lüks kebab : 24 Rue de la Grange aux Belles, 75010 Paris
Chawarma de mamie : 31 Rue Pierre Fontaine, 75009 Paris