小肥 - 《負親》 (Official Music Video)
HTML-код
- Опубликовано: 4 дек 2024
- 《負親》Available on iTunes NOW: smarturl.it/father
由火火悉心策劃, 為小肥度身訂造的新歌《負親》, 原唱者是小肥的澳門好友龍世傑, 經過重新改編歌詞及編曲後，全新版本希望為大家帶來不一樣的感覺。
填詞人兼今次MV導演火火, 依據小肥去年父親離世心情上的高低起跌, 導出失去至親的心情，小肥坦言收到歌詞時呆了一呆，因為火火的詞好像完全知道整件事情的來龍去脈似的, 小肥說經驗豐富的火火果然有一種動察秋毫的能力, 一眼便看穿他心中所想。
新歌《負親》MV的故事內容跟歌詞意思相同, 從前沒有好好珍惜跟父親的相處時間, 得病後才懂得後悔及學會珍惜，這MV最想帶出一個重要訊息，就是希望大家珍惜身邊的親人，因為生命並非我們掌握之內，失去了才後悔便太遲。
MV拍攝由零晨開始，先到柴灣歌連臣角墳場，再到老人院，最後在公屋實景跟資深導演兼演員張同祖拍攝從前不懂珍惜的父子生活片段。小肥在墳場面對墓碑拍攝時一時有所感觸淚流滿面，開朗的他還笑說希望出來效果會因此而更好吧。小肥說：「能夠將我的內心世界放進MV中，證明火火導演實力非同凡響。」
_____________________________________________________
曲: 蘇耀光@chessman
詞: 火火
編: Walter Wong
監: 陳西敏 / Walter Wong
在回味當初次接觸你
而我害怕鬚根粗糙的你
嚎哭退開 你卻溫暖地和媽媽蜜意低聲說：
「他真百厭。」
然後六歲亦 未敢挨近你
是你莊嚴正氣 像說 別要騷擾你
從此講一聲晚安
還需苦苦掙扎過
和你似愛侶分手那樣無助
讓光陰如水 我跟你到了某天相對
晚餐裡
比不相識更沒趣
十年後的一晚看到你
而你睡了呼吸都靠機器
微溫兩手 到我親切地來捉起在你身邊說：
「別要別離。」
重新講一聲晚安
才知今天的你我
無法訴說個開心故事回望
奪出的淚水 我知道與你這天相對
瞬間裡
置身黑色派對
時光返不到最初
回憶一天天錯過
難以對你再親口說下承諾
但心聲藏於 我心裡暗暗建的堡壘
抹不去
錯失中的過去
曾經收起的抱擁
曾經懶去寄 的書信
留到葬禮那一刻已是無用
墓碑的旁邊 我即使向你談論今天的瑣碎
你都不覆半句
若當天孩子 懂得將我愛你這一句
豁出去
或會拉近差距
![黃偉文x麥浚龍 (Wyman Wong x Juno Mak) - 《耿耿於懷三部曲》 耿耿於懷丨念念不忘丨羅生門 [歌詞同步/粵拼字幕][Jyutping Lyrics]](/img/1.gif)
呢首歌究竟令左幾多人流眼淚
Wai Wai 戈
屌 返工睇睇下喊左
我係巴士上睇，喊到收唔到
次次睇，次次喊
人一大隻眼就淺到不得了
有幾多人而家仲係聽緊呢首歌， 仍然感動落淚？ 香港樂壇真係欠小肥一個交代！
关我燃事
我父親節又嚟喊,我晚晚同阿爸講早抖,但呢首歌都好感動到我...喺維園見過火火真人,當年同老婆/女玩,仔重未出世,想去讚佢呢首歌填得好,又唔敢阻佢family day喎
膠你老舞
@@YCBTNMSL 你啲唔識寫繁體字嘅人, 梗係唔係香港人，更加唔可以代表香港樂壇，所以你啱 "關你撚事"…
@@tokyo991992993 你老母咁辛苦生你出嚟，有書唔讀連字都唔識寫！ 我真係為佢悲哀， 激死老母搵山拜， 不思長進, 爛泥扶唔上壁。
呢首歌..對我嚟講根本係寫照,媽媽為咗生我,有癌症都要生,到我出世媽媽就過身,我爸爸一直到大都無叫過我個名,只係叫喂 .
由細到大,佢都覺得係我害死我媽媽.家長日係我學生涯完全無出現過
到咗2011年 ,爸爸有病到過身...
到我返屋企,打開佢手機,,,我聯絡人個名係打仔仔 ,我中四時拎咗4科第一名佢有傳去佢公司同事群組分享,,,,,
原來我一直都係佢心中好重要,原來好多野都係自己自以為,,,, 當聽到呢首歌時,真係好入肉....真係眼淚滴到個MON.
艾爾頓 加油
加油
加油啊💪
加油
我媽媽冇事， 但係由細到大我阿爸就係同呢首歌裏面嗰個一模一樣， 我只要做錯小小事佢就會鬧到我飛起， 所以我喺屋企冇一樣嘢都做得好小心， 佢畀我嘅感覺就係見到佢佢個威嚴已經震呀住我。 由細到大都畀朋友話我淆底獸， 但係佢哋根本就唔明白我驚啲咩。 呢首歌講得好啱 食飯嗰陣我同佢根本仲慘過對住一個陌生人， 望到佢都唔敢同佢對眼， 我公司都係好忙， 佢病到入咗院我都冇時間去睇佢， 我好驚真係好驚有一日我會變到好似小肥咁， 佢離開咗世界。 我喺 我媽媽口中聽到 其實佢好想我同佢傾計， 佢覺得好 內疚唔應該對我咁嚴格， 好後悔。 我聽到呢首歌之後 我真係喊到個心痛到抽筋…… 我真係唔知我可以點做
係我17歲嘅時候 我第一次睇住MV聽呢首歌 嗰陣從來都冇諗過屋企人會走 覺得好似好遙遠咁 但聽呢首歌嘅時候令我不禁幻想老豆走嘅情景 雖然唔係真嘅 但我都不自覺咁喊咗。
老豆同啊媽係我好細個就離咗婚，我仲記得細個五六年班嘅時候，我每個星期六日都會去搵佢玩，就算佢冇咩錢，佢都會買我鍾意嘅玩具俾我，買我鍾意嘅檸檬茶俾我。
後尾升咗中學，我有新嘅圈子，朋友多咗，就少咗同佢聯絡，見面嘅時間由每個禮拜一次慢慢變做幾個月飲一次茶。
上年八月升咗大學之後，我哋飲咗一次茶，之後你就返咗大陸過年。原本你今年年頭就會返嚟，但係因為疫情關係，你拖到五月先話返嚟。
四月嘅時候你入咗醫院吊鹽水，我打電話關心你嘅時候，你話你冇事，好快好返，仲應承咗我返嚟同我飲茶。你喺5月23號同媽咪講話聽日返，但係你捱唔到嗰日，24號就走咗。
喺我聽到呢個消息之後，我唔知比咩反應，我不斷咁聽呢首歌，就算你好惡好大男人主義，但係你從來都冇鬧過我。你唔會講啲肉麻嘢，但係我feel到你好愛我。
我好內糾…你有時朝頭早打俾我，我未起身，當我起身之後都冇打返俾你。就算我哋傾電話，都係一兩分鐘就cut線。對唔住，從來都冇做過仔嘅責任同你慶祝父親節同生日。對唔住我從來冇講過我愛你。
估唔到第一次幫你慶祝父親節就要係廟到…上個禮拜，我發咗一個夢，夢入邊我用第三者角度睇我同你嘅回憶，係我細個嘅時候捱夜睇頭文字D, 送我返幼稚園，飲完茶之後你一個人走嘅背影。我好想摸你粗糙嘅鬚根，好想聽你叫我阿B,好想見你，好想講我愛你。
前幾日上你屋企執嘢，見到你嘅衣服，老花眼鏡，見到你keep 嘅紙入面有幾張係寫我嘅時辰八字，就連你嘅銀行卡密碼都係我生日，過去兩個月一直逃避現實嘅我終於頂唔順大喊咗一場。
呢個月就係你生日啦，爸爸，對唔住，我愛你。
十分明白你的心情！學習放下吧（我勸你放下，但我自己卻未能完全做到，雖然我的父親逝世已七年，但間中仍懷念哭泣😢! ）前面的路還是要繼續走下去，我們只有努力加油吧！
加油bro
有幾多人2020仲聽緊小肥唱?
做緊仔嘅我由2014年第一次聽依首歌 當時無咩感覺 細個老豆只係出去賺錢又無點陪過我 只係會帶我食吓M記同我去公園玩吓咁 一直都係啊媽照顧我 細個有時仲覺得工人姐姐比佢仲錫我 可能個時仲細唔明白 到左18年屋企出左事 有一日你好平靜咁講話自己頂唔順 原來你差緊一大舊錢然後仲突然走埋 我個時好嬲你點解可以就咁dum低我同啊媽 當時我仲係個大專生 又要做功課又要照顧啊媽又要日常支出 我好大壓力又唔敢講出來怕人地笑又怕啊媽擔心
幾年前你身體一直都唔係咁好 間中又要出入醫院 為左唔令我擔心我知你講左唔知幾多個大話 望住你老身體又開始變差 我都唔知可以點做「十年後的一晚看到你 而你睡了呼吸都靠機器」有啲野可能係男人之間唔會點講肉麻嘅野 搞到好似好多野都不理不睬咁 雖然我同自己講有日如果你走左我都唔會傷心 其實我好怕有日你突然走左我會唔知點 有時我會諗點解我廿幾歲 你地都已經60幾 可以的話我好想成日陪住你地 同你講我無再嬲你 「時光返不到最初 回憶一天天錯過」有啲野一定要失去先識去珍惜 但係往往當你失去左你先明白到 「留到葬禮那一刻已是無用 墓碑的旁邊 我即使向你談論今天的瑣碎 你都不覆半句」個種無奈
「老豆 對唔住...我愛你 只係單純因為你係我老豆」
真的很怕有這樣的1天, 很怕收到醫院來的電話
我家境好複雜 我爸爸係我二三年級就同媽咪分開咗 去到六年級 呀媽同另一個男人一齊左 個男人好好 當我同哥哥親生仔女咁 咩都盡自己能力比最好既野我地 大概佢有一萬蚊佢都會將嗰一萬蚊比哂我哋三母子咁、今年我啱啱好20歲 佢5月確診左肺癌4期...(有咳去睇醫生一驗就已經4期)佢入醫院嗰個月 日日都會探佢 好驚收到醫院電話 見到醫院打黎又要懶鎮定 內心又驚又擔心...直至一個月後既有日凌晨4點收到醫院通知佢捱唔得耐 仲有一個鐘左右 但我地半個鐘去到醫院 佢已經唔係到....每次聽親呢隻歌都好後悔 我好男仔格 又係有咩唔鐘意講出口 鐘意收收埋埋 覺得講出口好肉麻好老土 但依加成日都後悔點解唔對佢好啲 陪佢多啲 同佢傾多啲計(佢好鐘人同佢講野,但以前成日hea應佢..)佢一直都好希望我地嗌佢聲老豆 我地去到佢臨死先尷尷尬尬咁嗌佢 有多野都未同佢講 好後悔 聽親呢首歌都喊到7彩 //而我老豆 佢都就黎70 其實對我都好好 但偏偏又係咁大年幾 又同媽咪分開左 好難抽時間去陪佢 我先20歲仲讀緊書...真係好辛苦 同你一樣講出黎又怕比人笑 媽咪冇左個伴 要顧住佢...阿哥又唔生性...搞到好大壓力....成日係到諗再大個啲有能力照顧佢地就好 好驚兩老再有啲咩冬瓜豆腐 好驚再失去
2021.4.9
2021仲聽緊，第一次聽覺得旋律好正，跟手認真睇睇歌詞，再聽即流淚
以前無感覺 2021再聽 喊到停唔到
就咁聽過幾次都無乜野,但睇埋mv真係眼濕濕
捕獲tik哥
同時光既感覺好似
+TIK LEE me too
TIK
TIK!
爸爸，你醒番啦...雖然你依加插住喉但係希望你醒番啦，你醒番即使係植物人都唔洗怕，我一定會照顧你，唔會離你而去，亦都希望你唔好離我而去...我同呀妹都仲細呀...祈求奇跡發生...
時光返不到最初
回憶一天天錯過
難以對你再親口說下承諾
但心聲藏於 我心裡暗暗建的堡壘
抹不去
錯失中的過去
我明既 對呀媽好d呀
希望你爸爸可以快D醒番啦
希望你爸爸可以知道你這份心意 祝福你們 希望你爸爸快D醒翻 珍惜現在=]
祝令堂快D醒番, 明白你既孝順
加油！！！！！
其實呢個MV應該早就破千萬點擊，只係我地唔想再流眼淚。
絕對正確，biu眼水biu到個頭好累...
老豆未死都喊到嘔泡
+Joyce Leung +1
流下男兒淚
哈哈
幾年前睇個mv都冇乜野 依加睇 差d出事
真係得罪做女ge都講句
真係做仔先寫得出依d詞
老豆同仔之間個種愛又怕肉麻 但又互相明白ge無奈 真係男人先知
又正正係甘做成極大遺憾
+Sit Ho 十分認同
十分認同 x2
+Sit Ho X3
+Sit Ho x4
+Sit Ho 好多朋友同我一樣,同自己個老豆由細到大真係無乜交流~但係人大左出黎做野多左先知道父親係非常偉大..
樹欲靜而風不息 子欲養而親不在
琴日老爹走左，我再聽番呢首歌，我先真正體會呢首歌既每句歌詞，尤其是嗰句「難以對你再親口說下承諾」，人地講幾多都用，唔親身經歷一次，你唔會明白，到你明白，已經番唔到轉頭
UC HIST 節哀順變 bro
加油，堅強
加油
加油
真心•心痛....
有一晚我醉左，抱住老豆同佢講好多謝你做我老豆。喊左好耐。
我放低左啦，睇留言既各位
請你地今晚就抱住爸爸媽媽，
講聲多謝你做我父母。
呢首歌好大威力 聽左幾年 每次聽都兩行眼淚 有時會唔敢click入黎
係...
2021.....都仲係喊左
2024都仲喊緊，仲要搭緊地鐵，都吾知有冇嚇親人😭
海外的學生聽這首歌特別感觸。加油！
是的。因為這個疫情, 我連我爸最後一面都見不到, 遠在美國用電話跟他說話, 其他親人在醫院病床邊告訴我他昏迷但能聽到的。我邊哭邊說, 聽不到任何回應, 我很想忍著不哭不想讓他知道我如此傷心, 可, 我不能。
聽了三次,三次都哭了
我估我每聽一次都會哭一次
活左30年人，我第一次聽歌聽到喊左10分鐘，好多同爸爸相處片段浮現腦海。多謝你，小肥！
你爸爸已經逝世左？
爸爸....我真係好後悔無好好照顧你
我實在太不孝
對唔住.....爸爸
養育之恩來生再報
同你一樣
首歌好真實 同我既經歷好似
17歲我爸媽就分開了 我就跟爸爸
爸爸係一個長期病患者
起我20歲既時候 爸爸因病過身
爸爸走左之後就一直自己一個人住
以前每晚我收工佢都會係車站等我落車
會煮定飯等我番屋企有得食
依家每次好夜番屋企既時候
我都好掛住爸爸會係天橋等我同我一齊行番屋企
你離開之後呢幾年我都變得好獨立
但我仍然都好想有你在……
🫂
叔叔會依舊照看著你，只是方式變了，加油。來自陌生人的感嘆和祝福。
加油啊自己要變得強大
@@professort2873 謝謝你😊
@@professort2873 知道💪🏻謝謝你
多年前聽到呢首佳作，每次聽都好感動，由其夜欄人静時，今日第一次睇埋個MV，令一個登六嘅呀伯眼淚鼻涕係咁流😭😭😭真正一首滄海遺珠之作品。👍👍👍👍👍
2021年了，有冇人仲係同父母親交唔到心？
人愈大，愈冇勇氣去同年紀差太遠嘅父母去溝通。但眼見佢地愈來愈老，真係心傷。
甘即係証明你仍未成熟, 不是挖苦你, 自己真心諗下, 希望你早點覺醒。
人總是失去
才會明白
明白珍惜是甚麼
不坊陪陪屋企人
陪他們度過最後的時光
嗯 我超認同 聽完這首歌 看到你這個評論我都哭出來了
+Peter Peterleung +1
+Peter Peterleung me too
不可聽..不可唱...因為真的會控制不了淚水...
我爸爸突然離開我已經有3個月，聽呢首歌完全喊到豬頭，歌詞好到肉
唯一,每次聽都想喊既歌
識聽
個MV真係拍得好好 好感人
我是個沒父親的孩子...
原本認為少一分愛也沒什麼大不了的~
但這首歌卻狠狠的刺穿我那一點的孤獨感~
希望小肥繼續努力...不會因為現實而凋零...
打飛機啦
睇一次 喊一次 幸好我父親健在 但這首歌令到我知道珍惜 報答 我哩個不俏子 老頭死慳死抵都係為左我,而我連一句多謝都未曾講過,晚安又未講過所以哩首歌打中我紅心,聽完哩首歌,我就唔會比自己後悔,系不論父親還是母親,都要好好報答:'(
聽親都眼濕濕... 老豆咁就走左兩年...
順便介紹大家睇一套戲... "About Time" 講穿梭時空, 但果父子情果PART超感動, 做左幾十年人一向都唔眼淺, 呢套係唯一一套睇到我眼淚停唔到既戲
歌詞真係好感人。每聽到第二段副歌就會喊出來。珍惜眼前人
吾知有冇人好似我咁 吾敢睇呢個mv 因為感動因為慚愧 愈睇就愈覺得自己規欠屋企人好多 明明日日對住佢地 但就冇好好孝順佢地
做仔女嘅真係唔好怕羞，有爸爸媽媽健在嘅就要親口講句爸媽我愛您！第時你想對住佢哋講可能巳經無機會！講一句我愛您一啲都唔難㗎！今日唔知聽日事，人嘅嘢話唔埋㗎，珍惜眼前人！
多半支配權本體多數之外
屋企唔係用黎講道理既地方
親情唔需要道理
爸 我愛你
不能同意更多，講親情點會唔講道理，你唔講道理，親情唔理你
唔知點解見到小肥拆信封嘅時候，有種哽咽嘅感覺，個喉嚨好似有Ｄ野頂住，跟住就開始流眼淚啦... ...
Yui Simon +1
自從爸媽離婚 , 可能見到爸爸日子好少，兩個人坐低食飯又唔會講咩，但大家男人又好少開口講咁感性既說話，近年爸爸身體又開始差，真係睇完個mv 喊左，我知道我好少直接咁同你講，但我想講爸爸 我愛你，我希望你可以好番，睇住我慢慢成家立室，做個令你放心既兒子
加油啊！！！支持你！！！
唉~我爸媽也離了婚，我老豆日日賭錢，阿媽我五年都没見過佢
TCH419
爸走了很多年，每次想念他時都會聽呢首歌，想起從前同他爭吵片段，自己搬了出去住.到搬回家想開始孝順他時，一次他身體不適帶他檢查，已經發現他有了癌症4期沒有辦法醫治.一直出入醫院.直到那晚陪他上了救傷車到醫院已經沒法好好呼吸表達自己，幾天後病情惡化走了！他走了後才想起我真的負了他，那種後悔我永遠忘不了.感謝小肥及火火這首歌令我可以閒時聽下此歌反省自己，哭一下發洩，希望大家有時間陪伴多點父母親.
今次真係喊出黎! 最感動個位莫過於小肥響父親逝世後發現父親生前親手寫既信，原來父親一切做的也是源於愛佢(兒子)，可是不懂怎樣表達，打他丶罵他亦是為了保護他，免他再次受傷。 可惜兒子不明白父親的苦意，反跟他處處作對, 兩父子無言以對，直到父親的離開才知道自己做錯了! 唯已太遲了，已再不可和父親認錯丶盡一點孝心。 男人本來就不常顯露自己的情感，片中的父親亦是，他唯有透過信中字裡行間憑字寄意，釋懷。 希望兒子日後看到這封信時能明白他的苦心。
其實只要大家肯行出一步，好多野都會迎刃而解，愛情如是丶 友情如是丶親情如是! 雖然老土，但都希望大家能珍惜眼前人!!!
本身最近心情因為家庭事已經好低落,
一聽埋依首歌,即刻一路聽一路喊,收唔倒聲,舒發左出黎
呢一首真係我第一首聽到想喊既歌, 多謝你小肥
其實金融風暴之後,我已經無同老豆講過一句說話
佢亦都無理過屋企,無交租,無比家用
到最後我只可以放棄學業,出黎做野撐住頭家,
到早幾年,佢直頭搬埋走,我諗住終於都雨過天青
但今日睇番呢隻歌既MV,我忍唔住喊,其實佢都係人,佢都會攰
呢隻歌雖然我聽左幾年,但真真正正睇隻MV係第一次
如果早幾年我早D睇,旱D明白到,多少少關心,喺佢角度諗下,個結果又會唔會好似今日咁呢?
30/6/2017 仍然聽到喊,明白做男人要撐住係幾辛苦一件事
希望各位仲同父母一齊住,未到關係好差既時間,試下行出第一步
同佢講一句對唔住,又或者一個擁抱,食飯既時候夾一次送比佢
個結果可能係大團圓結局
30/6/2017 永遠支持小肥
師兄加油
從前沒有好好珍惜跟父親的相處時間, 得病後才懂得後悔及學會珍惜,希望大家珍惜身邊的親人，因為生命並非我們掌握之內，失去了才後悔便太遲。
謝謝小肥 因為現首歌 我才可以放聲大哭 我爸爸係琴日離開左我 我一直忍 直到我聽番現首 我能哭崩 謝謝😭🙏
父親節我都同你一樣
習慣就好😢
每次聽都會喊或想喊,利申我爸在我好細果時已經死左,我係已經習慣冇爸爸,因為果時得5歲,我根本冇爸爸的記憶,但聽呢首我會不知不覺幻想如果我有爸爸會點,聽呢首既時候會有畫面係個腦海浮現出黎。
小肥唱歌真係好正,可惜紅唔起因為佢個樣,但我覺得佢個樣好可愛,都唔明聽歌點解要咁在乎樣
失去父親的人 聽特別有感
當我今天整理有關父親節的講章，知道小肥曾填上了「負親」這歌詞，火火拍了MV，是一個十分叫人觸動的故事！也是不少嚴父與兒子的寫照！我對結尾時的一句歌詞很有感觸：「若當天孩子，懂得將”我愛你”這一句豁出去，或會拉近差距！」希望大家的看過這個MV後，不論你是父親或是兒子，有所感觸時，不要停在那裡，就馬上給你的父親、兒子來一個擁抱吧！
「樹欲靜而風不息，子欲養而親不在！」當父親不在時，我們有沒有想過多少時候我們是「負親」了？盼大家懂得珍惜眼前人！
個詞好厲害，2020年12月尾了，我再聽又再喊。火火好勁，小肥又唱得好
時隔幾年再聽這首歌 仍然會落淚
細個十二三歲時幼稚 不懂珍惜與家人一齊的寶貴時光
在爸爸受病症之痛時 仍與父母詏撬
願爸爸離開人世後沒有痛苦 在上天的他也能得到緬懷和關愛
不過 慶幸自己現在廿歲仔終算明白父母的愛 應該爲時未晚
希望日後能盡自己能力 好好報答這份愛
2021還在聽的點個讚吧~~
小肥唱功好勁，加埋的詞同mv好洋葱......
女仔可聽泳兒搖籃曲，都係異曲同工......
2019仲聽緊, 仍然仲會喊到pk, 個mv真係睇一次喊一次
2018年再來聽一次,在地鐵哽咽,淚水都差不多滴出來,兩年前爸爸中風,才意識到父母是會有離去的一天,才學會去關心他們,多打電話給他們,才學會去照顧人,不讓他們擔心
我以前係吾會聽歌/睇mv而喊
但今日，我係第一次聽歌+睇mv而喊
小肥把聲同啲歌詞都令我深深感受到佢對爸爸的愧疚感同愛……
小肥把聲真係好靚呀
加油!!支持你!!!!!
一直很羨慕那些 和父母無話不談的人 我這個人很不會說說 平時有很多話想和父母說可是真的不知道 怎麼開口 有時候甚至對他們很兇 可是每次說完后心裡就會反省不應該和她們那麼的說 我也知道他們很辛苦照顧我 甚至很多時候我的任性他們都很包容 我很感謝他們 雖然我爸媽還健在 但是聽到這首歌的時候已經哭到不知道怎麼反應好了 太打動我了
之前聽既時候你還健在，你走後我一直都唔敢聽，到今日聽番，眼淚就止不住，爸，我好想你
加油
我都想爸B
真的哭了。。。好感动的一首歌~ 歌词不美丽但真实，不像那种虚假的字词，每一句都有它的意义所在。 还要夸一夸导演，MV真的很棒，能够很好地表达出歌曲的内容。
有时候我们真的忽略了父母，我们真的是“亲人的负担”，要好好珍惜这些时光。孩童时不懂事，经常闹翻天，现在长大了才发现，自己实在不应该！我不是后悔，只是不停回忆，因为我们无法回头~ 所以要懂得珍惜啊！！！
2017.04.19 還是喜歡
雖然唔想講粗口，但每次入到嚟都會喊到好撚攰...
每次睇都會提自己「懂得將我愛你這一句豁出去」
仍然學習中...
感謝作曲嘅蘇耀光、MV同詞嘅火火、仲有小肥嘅真誠演繹，做咗一首咁動容嘅粵語作品
睇到喊左.真係要E加爸爸未去世前多多孝順佢.
我會架！！
希望大家真係珍惜眼前人 係7月頭 我呀爸因肺癌走左 每一日都好掛住佢 好多野冇做 之前好想攬住佢 哩個機會都冇 到送去火葬 就知以後冇得再見佢 大家唔好怕羞 踏出個一步 唔好到走先黎後悔
我呀爸都係8月頭因癌症走左 同你一樣 好多野都無做過。都依家先懂得珍惜 希望大家肯每樣事肯踏出多一步
「難以對你再親口說下承諾」聽到呢一句成個人起雞皮，不自覺合埋咗眼...阿媽走左十年，而家望住老豆一日一日咁老....大家要珍惜眼前人
睇到哩到ｄ留言，我真係覺得自己好幸福，父母健在。同時地亦好驚，驚將來始終要面對生離死别而咩都做唔到
2年前聽呢首歌 睇埋MV 眼濕濕
1年前聽呢首歌 爭點喊
依加聽已經喊左(睇信果PART)
父親節快樂
聽到真係好有feel
每次都覺得自己不應該又聽呢首歌, 每次都好心Up
每次聽呢首“負親”一定會喊出黎，整個MV令人內心對家人，特別父母之關關係，要好好珍惜佢地，失去左後永遠都無得再見面，連佢地把聲都無得聽
因为小胖的 《一首歌》而来到这里，这首歌的歌词和mv里面真的让我有所感触，男孩都是比较挣扎对爸爸说出我爱你之类的，父亲也是一样，久而久之就不说了，转眼间自己长大了，而亲爱的爸爸可能就不能陪我们到最后了，《负亲》真的是一首好歌，谢谢你让我们听见，感恩父母对我们无私的付出，多抽点几时陪伴他们，在外打拼也要时常打电话给他们，因为在父母眼里，孩子长大了还是孩子。愿天下的孩子都可以孝顺父母
因為自己同呀爸既經歷 聽左頭幾句已經喊到收唔到聲 每次聽都喊 回想細個呀爸成日叫我寶寶女 一返到屋企就攬住我 到之後開始驚佢因為佢好惡 到依家我地關係已經差到冇兩句⋯如果世界可以停留 我想永遠做佢既寶寶女 唔好發生個件令大家都有好大條刺既事 依家既我 連叫一聲呀爸都覺得好難 但呢首歌令我想同返呀爸回復返好既關係 多謝你 小肥！
個Mv拍得好有感情 睇完真係喊出嚟
2020年因為疫情關係我同你已經一年沒有見了~只能通過視像知道你的近況..直到2021年你突然身體不舒服入院..病程急轉直下...
每一次視像我都好想係你身邊陪你同你打氣叫你加油.堅持住~每次和你視像完都有一種有心無力..
而你睡了呼吸都靠機器
微溫兩手 到我親切地來捉起在你身邊說：「別要別離。」可惜我連捉你手既機會都冇...
直到你臨走前兩個鍾我和你最後一次視像..我知道你係聽到我聲音 點了一下頭的反應.
我知道你好辛苦~就算隔著電話我都感受到..直到知道你係在睡中離開.都算是一種快樂的離開..
但願希望你到另一個世界可以開開心心生活 吾洗再擔心我..我會努力生活
你親愛的孫仔上~ i love you 阿爺~
唯一一首歌令我每次聽每次都喊到淚流滿面🥺
其實我好中意首個，但我唱K永遠不會唱，因爲每次聼我都頂唔順爆喊
一路睇住個MV一路唱 喊到痴左線!! 小肥加油 香港樂壇需要你!!
每次憤怒，為公事，家事所煩惱，想抱怨，想發洩， 都來認真聽一次
你，到底為了些什麼而努力向上， 生活，到最後最深刻的，只有你的家人。
好大威力的一首歌
听这首歌暂停了至少五遍，每次暂停眼眶都有泪水
好感动好感动，i miss my dad...
每一次聽都忍唔住喊...
歌詞同M V對我都有好大感觸，因為我從細個到宜家同老豆關係都一般般，佢講過好多傷害我既說話，雖然我唔憎佢，亦憎唔落。但係都唔係幾中意佢，但係有時又諗翻佢係我病左果陣關心同照顧我，我又會覺得好窩心。呢首歌令我放低左過往老豆傷害過我既回憶，因為我相信每一個老豆(正常果種)就算幾唔識得表達自己同埋好大男人，內心其實都好緊張自己仔女。幸好我老豆仍然健健康康，如果唔係我諗我聽完首歌都會後悔終生......
另外，我想講小肥既歌真係好好聽同埋觸動人心，但奈何佢懷才不遇，比間垃圾公司遺棄。實力派始終都敵不過偶像派，我真係好想佢可以出新歌比我地聽吖！！！！！！！！！！！！！！！！！！！！！！
第一个能让我流泪的mv
呢隻碟真係好正，無獨自呻吟的情歌，首首都係好歌，有勵志，有親情，唱我好加個mv都拍我好！連首音樂都作得好好聽，呢首同撐起個音樂，旋律都好正，好入心！！不再是只彈chord,成首歌有層次，有信息，加唱功一流！點會唔大熱！！！速年廣東話歌少有的佳作！！ 嘩〜好少寫感受既我，竟然寫左咁多野！！總之，希望你地加油！小肥加油！！
聽一次喊一次 真係太感人 願大家珍惜眼前人！ 小肥係我心目中我最喜愛男歌手 沒有之一
訓了呼吸都靠機器。
這一幕真的直接插中我心。
淚水自動流出。
除左呢套MV,....未試過有一套MV可以感動到我,,,,
唔明點解冇金曲獎 實在太好聽詞寫得太好太感動
真係一首好難得的正歌和很不錯的歌手~
香港而家好少呢D咁發人深省的歌了.....
希望火火可以繼續寫出如此感人的歌詞！
小肥的嗓音和情感也十分正～
我一定會直持你地的！！！
加油！！！
小肥可以唱更多呢類既歌麻。。 好感觸
睇左幾次都係不停流淚
火火，西利!
每次因為D小事同屋企人嘈 再聽下首歌 就會喊
甘你5好同家人嘈，盡量忍下，加油
tsun kit ho 其實如果可以改變溝通方式，令家人知道自己嘅立場都係好事。屈埋屈埋反而唔好。
爸爸。人大左。希望我可以用健康換來經濟回來。等媽咪老年。可以照顧媽咪走人生最後一刻。心滿意足。
呢個moment,無懼世事變改 還是越難越愛
I just don't get how artist like him don't get fame and credit... just cuz he doesn't have the looks like other artist doesn't mean he can't sing... Probably one of the best songs ever by Terence.
2017仲有聽既，系呢度！！唔系講笑，一路聽一路喊
聽一次喊一次....襯現在還有機會...襯一切仍未變得太遲.....想做的想講的努力好好的去做.
今日6月9號 我親愛既爸爸過左世，我係眾多親友面前，好堅持自己唔會哭，但望到最後一刻見到爸爸個遺體，真係會忍唔住大哭，立即 呈現身前相處嘅一點一滴，仲記得前一晚仲還好，大家有講有笑，估唔到第二朝就去突然咁離世，爸爸受病魔侵襲 每日都同病魔搏鬥，辛苦您養大一家人，我會一世都記住您，親愛的爸爸 我愛您 😭😭
失去先發現要珍惜😢有時候大家都係當好多嘢當理所當然 保重呀Ching😢😢😢
你爸爸只係去咗一個無病病嘅地方生活，但終有一日會再相見的！加油！
天上的父親 父親節快樂..
2021了，到目前为止这个mv这首歌是我唯一不敢在大庭广众开来看和听的～因为我知道我会喊到眼泪流不停😭
2022～夜深人静，我又回来了
2023～零6时分，回来清洗眼睛时候了
當初吾識好好珍惜，重視。。而家後悔都莫及。。。別離別離。曾經收起的抱擁。時光機返不到最初。我深信呢幾句系好多人都好想系最後時候對至親既人講既野。。。首歌好聽之處在於佢既歌詞同小肥真系有個種感覺去唱呢首歌。小肥。支持你。加油
珍惜每一日與家人的相處
若然因為各種原因而減少見面
後悔的是自己
父母一天一天老去
每聽一次眼淚就流下一次，爸雖然係我好細個七歲就唔係度啦，但我仲好記得同佢既回憶，仲清楚記得佢訓係醫院上插哂喉，訓係靈堂上既樣子，雖然已經過左17年但都無將我既回憶沖淡，爸我好掛住你！
煲劇要用十幾個鐘先會睇到流眼淚,
但呢首五分鐘既歌已經好催淚!
要好好珍惜身邊的親人!
要珍惜及孝順父母！
第二年冇老豆嘅父親節，舊年生日時走嘅，呢隻歌陪伴我度過最欲哭無淚嘅時候。希望佢係早啲忘記做我地，早登極樂，來世再會。
2020年既今日3月3日，醫生話爸爸肺癌末期，未必捱到一個月，呢首歌正正係心聲，有得揀既話，好想用自己條命換佢身體安好😭😭😭
咁講又唔好
人始終有生就必有死
你老豆如果有得揀用你一日命換佢一日命，佢都唔制啦。。。
😭
「我即使向你談論今天的瑣碎，你都不覆半句。」
心up，珍惜。
好感動! 眼淚流出來, 不要錯過了才後悔. ( 小肥, 好棒! 支持你! 唱得好好呀! )