【

去年懲教署喺 #羅湖懲教所 開始推行「#更生輔助犬服務」先導計劃，由 #臨床心理學家 為在囚人士提供 #動物輔助治療。在囚人士透過同輔助犬有意義嘅互動及建立感情連繫🐶，可以紓緩佢哋嘅抑鬱同焦慮情緒、減低壓力同暴力傾向，並從中反思個人成長經歷、行為同價值❤️。
喺尋日嘅周年記者會上，參與計劃嘅在囚人士Lee（化名）就同輔助犬Fay Fay 拍住上🐕‍🦺，即場嚟個默契大考驗，為大家示範唔同嘅訓練動作。「初入獄時，我無時無刻都好想喊，好抑鬱、情緒好唔穩定。同Fay Fay相處係我最開心嘅時刻，佢嘅陪伴就好似屋企人咁，俾到我親切感同溫暖，令我情緒改善咗好多，亦教識我要喺人哋角度思考。我希望以後諗嘢可以更全面、用和諧嘅態度睇呢個世界。」
今年署方會正式喺 #羅湖懲教所 及 #豐力樓 推行呢項以「實證為本」嘅「更生輔助犬服務」，輔助犬將會延續呢份使命，繼續同在囚人士更生同行拍住上！除咗 #輔助犬，小編嚟緊仲會為大家介紹 #智慧監獄 嘅最新科技 #機械犬，大家記得追post喇😉！
_____________________
📌【 #懲教署周年記者會 | 跨越挑戰．邁步前行 】
bit.ly/CSDAPC
_____________________
📌 相關新聞公報：
www.info.gov.h...
_____________________
#懲教署
#CSD
#周年記者會
#延伸故事
#更生同行
#與毛孩拍住上
#好治癒