هل لازم ابدأ البيزنس بتاعى وانا تقيل ؟

لازم تبقي فاهم ومقتنع 100% ان النجاح بييجي لما تجتهد عموما
بس لازم تبقي فاهم انك متستناش يكون معاك شهادات الدنيا علشان تفتح بيزنس علشان كده جايبلك اهم 50 نصيحه في البيزنس مهمين جدااااااااااا ياريت تقرأهم كويس :
1- اكبر غلطة انك تفتح من باب المخاطرة وما تكونش حاسبها مادياً صح.
2- كل اللى حيقفوا جانبك ومعاك ممكن فى لحظة يكونوا منافسين واعداء.
3- مافيش حاجة اسمها افكار عبقرية لكن في تنفيذ لأى فكرة بشكل عبقري.
4- اعمل حسابك حتخسر حياتك الشخصية وحتفقد حبك للحياة مع ضغط الشغل والفلوس.
5- وظف اللى يقولك تعمل اية وازاى وامتى ما توظفش اللى تعمل عليهم مدير وتسوقهم.
6- اياك تصرف من اللى بتدخلة وتلف فى دايرة (منه فية).. لازم يكون فى رأس مال.
7- ركز فى ان كل استثمار له تكلفة وله عائد وغير كده تبقى ماشى غلط ولازم تصلح الغلط.
8- ارتقى!! ثم ارتقى فى اللى بتعرفهم واللى بتتعامل معاهم وخبراتك وتجاربك وخطواتك.
9- لو حسيت انك بتخسر، ما تعاندش .. ارجع خطوة للوراء وعيد حساباتك صح.
10- ما تدورش على مستثمر غير وانت ناجح، غير كده تبقى بتبيع نفسك لغيرك.
11- نعمة البيزنس فى فريق العمل بتاعك هما دول اهلك وناسك واصحابك ونجاحاتك.
12- ما تروحش مؤتمرات ومعارض وقمم وتقول بتعلم 🙂 روح عشان تعمل علاقات مش اكثر.
13- شوف غيرك بيعمل اية وذاكر تجاربهم وجرب فى نفسك وعلى نفسك حتنجح.
14- ما تسمعش لحد غير للى ناجح بجد لان الفاشل بينقل الصورة من وجهة نظرة والعكس صحيح.
15- اختار طريق (يا تبدأ صغير وتكبر..يا تبدأ كبير وتفضل كبير) الفلوس بتجيب فلوس.
16- دارى على شمعتك تفضل منورة دى بجد خير نصيحة ليك كصاحب بيزنس مش للبيزنس نفسة.
17- التسويق ثم العلاقات العامة ثم الإعلان ثم الإبهار ثم التوسع ثم الإنتشار.
18- ما تنساش نفسك واهلك وحياتك مهما البيزنس خطفك وشدك ليه.
19- عملائك هم ثروتك ومحفظتك ما تتكلمش عنهم لحد ولا تدى حد معلومات البيزنس بتاعك.
20- وسط الناس حتلاقى كتير مش ناجحين بس محتاجين فرصة وهما دول مكسبك وهدفك.
21- خلى علاقاتك على المستوى الخارجى العالمى اكثر من المستوى المحلى الداخلى دائماً.
22- تذكر دائماً ان الناجحون لا يتحدثون عن نفسهم كثيراً ولا عن اعمالهم ولا عن بيعملوا ايه.
23- ركز اكثر لو البيزنس بتاعك قائم على الخدمات مش المنتجات وصارع من اجل الوصول.
24- العملاء بيهتموا بالمظاهر وحتنجح لو وثقوا فيك وقدمت خدماتك صح وفى الوقت المحدد.
25- اصطفى عملائك واعمل لنفسك Image فى السوق وما تنساش ان منافسيك هم من حولك.
26- لازم دراسة جدوى ولازم خطة عمل ولازم ورق ودراسات وتحليل وأرقام صدقني
27- فكر فى كل خطوة على المدى البعيد حتكون نتائجها اية وبلاش المخاطرات الجماعية.
28- ماتنساش فى مرحلة معينة تركز على الــBusiness Development أكثر من التسويق والبيع.
29- ابنى قاعدة عريضة من الشراكات والتحالفات والوكلاء والموزعين ... هما دول المستقبل.
30- السر فى بيئة العمل الخاصة بالبيزنس بتاعك، لو كويسة شغلك حيمشى كويس.
31- من غير توفيق ربنا والبركة فى العمل مافيش حاجة حتمشى كويس عن تجربة.
32- مثلث البيزنس الناجح (فريق العمل - العملاء - المنتج والخدمة) وبس كده.
33- افهم يعنى اية الـ customer life cycle ويعنى اية customer lifetime value.
34- اتباعك بيتفرجوا عليك مش دايماً بيفرحوا بيك .... لما تنجح حيصفقوا ولا تفشل حيسكتوا.
35- اختار Business Model من أول لحظة لنفسك وللبيزنس بتاعك ولخمس سنين قدام.
36- اصعب حاجة انك تعمل Business Ethics بس لو عملتها انت ناجح ناجح ناجح.
37- استمرار البيزنس مش معناه نجاحك، لكن مراحل تطور البيزنس هى اللى بتقيس النجاح.
38- لو لقيت موظف مقدم سيرتة الذاتية لشركة تانية يبقى لازم تدق ناقوس الخطر لان فى مشكلة.
39- ادرس كويس حسابات ومعادلات وافهم الارقام فى كل قسم وادارة ماشية ازاى.
40- اى بيزنس بكل اللى جواة هو اربع خطوات ومراحل Identify, Evaluate, Plan, Implement.
41- حياتك على السوشيال نيتورك بتعرفك على ناس وبتعمل بيها علاقات ولا يمكن اغفالها.
42- ابعد عن العواطف والمشاعر والعلاقات الشخصية فى العمل لانها بتهده.
43- حواء فى البيزنس بتاعك خليها بيزنس من اى حاجة تانية وركز كويس فى النقطة دى.
44- بعد 3 سنوات من البيزنس لازم تتحاسب على كل خطوة ولازم تبقى قائد مش مدير.
45- انت مش اللى بيمشى البيزنس ولا بيعمله انت بتراقبه وتاخد القرارات الاستراتيجية فقط.
46- البهدلة فى البيزنس شىء محترم بس لو فضلت متبهدل تبقى فاشل يا فاشل.
47- الكفاح فى البيزنس هو الكفاح فى مرحلة التأسيس وخليك فاكر نجاحك فى مراحل استمرارك.
48- لازم البيزنس يكون ماشى فى ثلاث طرق فى نفس الوقت B2B و B2C و H2H.
49- ماتنساش حاجة اسمها social responsibility البيزنس لازم يكونله جزء مجتمعى.
50- انت قصة النجاح والتوفيق من عند الله وخذ بالاسباب واحسبها صح واتعلم من اللى حواليك.
ازيكوا انا محمد بنداري غرضي من كل فيديو بنزله تطوير تطوير ثم التطوير ليه؟
لان الانسان لو عايش علشان ياكل ويشرب بس يبقي مش انسان لا فرق بينه وبين الحيوانات تماما فانا محتاج منكم تساعدوني اوصل فيديوهاتي لاكبر عدد ممكن من الناس الكومنت بتاعك هيفرق معايا جدا والشير هيفرق اكتر واكتر ........
وده لينك البيدج بتاعتي علي الفيس بوك خش اعملي اد وهقبله علي طول
profile.php?...
وده لينك الانستجرام لو حابب تتعرف علي حياتي الخاصه
elbendary31...
وده لينكدان لو عاوز تعرف شغلي ايه وانا مين وبرضو لو محتاجني في شغل تواصل معايا بعد ما تعرفني من عليه
www.linkedin.com/in/bendaryat
وده لينك اليوتيوب بتاعي
/ @mohamedelbendary
#bendaryat
دمتم بألف خير وسعاده