"Көмүс саас" аҕам саастаахтар күннэрэ. Бордоҥ куустатын аҕам саастаах дьонун үөрүүлээх тэрээһинэ

Алтынньы ый 7 күнүгэр "Айыллаан" СКК аҕам саастаахтар декадаларын чэрчитинэн "Көмүс саас" Бордоҥ куустатын нэһилиэктэрэ Тэнкэ, Илимниир аҕам саастаах дьонун көрсүһүүтэ үрдүк таһымнаахтык ыытылынна. "Көмүс күһүн көмүс куолаһа" - бастыҥ музыкальнай эҕэрдэ күрэх кыайыылааҕа Пелагея Спирова Илимниир нэһилиэгин Герой ийэтэ ылла. "Сиэдэрэй сервировка" - бастыҥ сервировкалаах остуол кыайыылаахтарынан Илимниир нэһилиэгэ буолла. "Баай-талым астаах быйаҥнаах сандалы"- бастыҥ астаах остуол анал ааты Тэнкэ нэһилиэгин аҕам саастаахтара ыллылар. "Кэрэ - мааны Хотун" - мааны таҥастаах, кэрэ сэбэрэлээх кэрэ аҥардарга Галина Яковлева ылла. " Тойон Эр бэрдэ" - маанытык таҥныбыт көстүүмнээх эр бэртэригэр Илимнииртэн Трофим Федоров буолла. " Көрү-нары көҕүлүттэн тутааччы" -саамай активнай кыттааччы үрдүк ааты Юрий Иванов ылла. Илимниир нэһилиэгин аҕа баһылыга Ипатий Иннокентьевич Иванов, Бордоҥ нэһилиэгин баһылыга Константин Александрович Уаров, Тэнкэ нэһилиэгин "Кустук" культура киинин уус - уран салайааччыта Алена Владимировна Васильева эҕэрдэ тыллары, сэмэй подароктары туттардылар.