قصيدة خالدة في مدح قبيلة العوازم من عتيبه

سلام تسليمن زهانا ونزهاه
على العوازم كلها مع عتيبه
تسليمن اوضح والشكالات مبداه
من خطّرن مستاسعاتن رحيبه
ينصى مقاديم الرجال المسماه
روس العوازم كاسبين الكسيبه
الاد عاصي مبعدين المناهاه
الا عاصي ناطحين الوجيبه
الاد عاصي محتمين المونّاه
الاد عاصي معطبين الضريبه
الاد عاصي رفعة الوجه والجاه
الاد عاصي ضاربين المهيبه
الاد روق ان جاء نهار المثاراه
نعمن بوقفتهم كتيبه كتيبه
نطاحتن حوض المنايا بغوشاه
فالساعه المتهيجه والغضيبه
روس العوازم ملحقين المخلاه
وما جابته بقعا تجيبه تجيبه
صتايمن مثل الزمول المثناه
لا خوف لا رهبه لا ذله لا هيبه
شعارهم لا جاء المزاحم زحمناه
وحنا كعام المستكيد وطبيبه
مقادمن ما يعرفون المراواه
وخيّالهم ماهو قريّب حضيبه
وحنا مطير وزغردي يالخونداه
وابشر بنا عند احتكام المصييه
وانتم عتيبه في نهار المباهاه
ستر العذارى لأزعجن بالنحيبه
وحنا مطير وكل خصمن لطمناه
ومفرّقه بين الحبيب وحبيبه
وانتم عتيبه والفخر مد يمناه
وانا مطيريً واقدر عتيبه
الشاعر : سعود القت المطيري