برادو الصين هافال H9 شرح مواصفات 2024
HTML-код
- Опубликовано: 10 окт 2023
- العملاق الصيني من شركة قريت وول GWM هافال H9 الجبال و الملقب بإسم ( برادو الصين ) شي جبار و فخم و لن يخذلك أبداً طول العمر ( تحديث كامل ماكان ينقص تم تجميعه و اعادة صياغته في هافال H 9 ) 👌 .
لا تنسون الاشتراك في القناة و تفعيل زر الجرس لتصلكم أخر التغطيات و التحديثات في عالم سيارات ☺️👌.
تابعوني في وسائل التواصل الإجتماعي :-
أنستقرام insta :- cars965show
سناب شات snap:- cars965show
تيك توك tik-tok:- cars965show 
Авто/Мото
عندي نفس الموتر صار له سنه ماشي سبعين الف و كارفه سفر و بر و بحر موتر مريح و ممتاز و اعتمادي و بصراحه الموتر ما ندمت اني اخذته مواصفات و سعر جدا ممتازين انا اخذت اعلى فئه و شي جدا جبار حتى استهلاك البانزين ممتاز و مريح بالسفر و جامد بالبر
مٓـا شَــاءَ اللَّهُ عسى الله يبارك لك فيه و يجازيك خيره و يكافيك شره يارب 🤲🏻
الله يبارك لك
ماشاء الله تبارك الله يعني تنصح فيها
@@user-fe6qr6pd9x اي انصح فيه و اعتمادي الموتر
الله يبارك لك.. بس 70 ألف بدري تحكم عليه انو اعتمادي
روعه ماشاء الله تبارك الله
كفو يا هافال
السيارة كيف استخدامها وقطع غيارها ركز على الامور المهمه وهل فيها عيوب
الاكسسورات مهي ذات اهميه
اخوي مشعل ممكن تنزل فديو تست درايف فورد اكسبدشن 2023 وتعطينا ايجابيات السياره والسلبيات🌹
باذن الله إِنْ شَــاءَ اللَّهُ اذا توافرت الفرصة بأقرب وقت ممكن إِنْ شَــاءَ اللَّهُ 👍
@@cars965رأيك بالسياره نفسها بكل صراحه؟ هل تنصح بالشراء؟
تحي داخليه جملي؟
انا عشاق لاند برادو✅️
ممكن تسوي تغطية على اسعار السيرفس؟
باذن الله موجودة و راح انزلها بأقرب وقت ممكن و موجودة عندي الأسعار ناقصها بس تصوير 👍
تقنية المحرك اودي ايه 4 قديم وتم معالجه اغلب العيوب التي به
اخوي معاه مثلها سيارة حلوه وجبارة
في طلوع الجبال والحجر جبارة جدا
في الرمال فاشلة جدا ..
فيها 3 دفلوك
الان لها قريب 3 سنوات ماشيه حدود 70 الف ..
الحمدلله لم تتعطل يوم بفضل الله
لكن انكسرت علية الشمعه الامامية يسار بسبب حجره
طبعا الشمعه غير موجوده طلبيه
وقيمتها 5896 ريال .. صدمه السعر
وغير متوفر
يعني شمعتين بقيمه اكسنت 2013 😂
الله يعينك الشمعه قريب ٦ آلاف ريال وغير موجوده مافي منها تجاري
و ليش زعلان، نفس اسعار الشمعات الليد عند غالب السيارات ، و اللي ينظفون الشمعات قالوا ان بلاستيكها قوي جدأ و سميك،،
يعني ما تقدر تمشي في الرمل ؟
@user-pd9ct8ly4x السيارة دبلها قوي مثل البرادو
@@cars965 اخوي انا بنت ما افهم بالسيارات تنصحني فيها؟
كيف العزل
هافال احسن سيارات صينية
شكرا، منو وكيلها بالكويت؟
وكيلها الغانم و مكان المعرض خلف أبيات بالشويخ
كم سعرها
خلفيته دمار
عالاقل العده كاملة مو نفس تويوتا يشيلون منها كم قطعه 😅
اي والله قبل دلع العدة اما الحين الظاهر مدخلين اشباه الموصلات مع العدة 😂
حلوة السيارة بس الي ينرفزها رنقها@@
فخامة بعدها بأيام تخرب والواحد دافع عليه ١٤٧ ألف ومدري كم
لا ما عليييك 👍🏼 ، بالذات الهافال مٓـا شَــاءَ اللَّهُ روح البرادو الي فيه تغني عن التعريف و السيارة مجربة فلا تحاتي
المواتر ما نقدر نحكم على اعتماديته الا بعد ٢٥٠ ألف على أدنى حد .. الكوري على عمره بالسوق مازالت مكاينه ضعيفه مو اللي تعمر معاك ، ما بالك بالصيني اللي ماله تاريخ عندنا و لا هو مجرب على فتره طويله ..
بالعكس طال عمرك ، لمعلوماتك شركة قريت وول لها تاريخ قديم من الثمانينات و هي مشهورة بسياراتها خاصة البيك اب و تطوير المحرك الي صار على الهافال منافس قوي للمحركات اليابانية و الأمريكية خاصة بأن هناك نقطة تم معالجتها في السيارات و كان من المفروض بأن المنافسين يعالجونها من قبل .
في الوقت الحالي الهافال في السعودية منتشرة بشكل كبير و الكل يمدح و يثني على السيارة من امكانيات و من اعتمادية على المدى الطويل .
كفالة السيارة لغاية ٢٥٠ الف كيلو او ٦ سنوات يعني ما بعد هالكفالة كلام صراحة شي قوي و منافس .
@@cars965 كلام جميل ، لكن من واقع تجربه ، الكفاله ما تعبر عن حقيقة و جودة الصناعه .. جيب الموهافي كانت كفالته خمس سنوات بعداد مفتوح من المصنع نفسه مو من الوكيل نفس الساير و نيسان .. تخيل ! .. لكن هو حاط نظام يشفطك فيه شفط ، بحيث لو خرب قير او مكينه تحت الكفاله و يبدله لك و هو مطلع سعره منك .. و فوق هذا عمر مكاينه مع صيانه صح و استعمال حشمه بالياله ٣٠٠ ألف ..
٢٥٠ ألف ولا شي ، عشان احدد جودة المكينه و القير ، ٢٥٠ الف كيلو يعني ١٥٠ ألف ميل .. السؤال اللي المفروض ينسأل ، هل الواحد مستعد ياخذ صيني مستعمل مثل هافال ماشي ٢٥٠ الف ؟ .. شنو نسبة المخاطره فيها ، أنا عن نفسي ممكن آخذ تويوتا مصين صح ماشي فوق ٢٥٠ ألف او اخذ امريكي قديم مكاين ال اس ماشي فوق ٢٥٠ الف او اخذ باترول ماشي فوق ٢٥٠ الف ،، هني تبين لك مدى الثقة بجودة التصنيع .. اخذ و انا ضامن و مأمن ان الموتر يخدمني فوق ال ١٠٠ الف على ممشاه العالي .. ما اتوقع الصيني ان طاحت عنه الكفاله ممكن احد يفكر يقرب صوبه ..
@mohalostath و ليش اخذ سيارة مستعملة و مستهلكة ماشية فوق ٢٥٠ الف كيلو طبيعي انها تحتاج تتبدل فيها كذا قطعة استهلاكية عشان تكمل معاك و الكلام يمشي على كل السيارات مو بس عليها لكن اهني يعتمد على حسب طريقة الصيانة لصاحب السيارة السابق اذا كان فعلاً محافظ عليها بالصيانة الدورية او لا .
و بعدين انسى يتعطل عليك شي اذا كنت محافظ على الجدول في الصيانة من ناحية تبديل بواجي او تبديل زيوت عامةً سواء قير او مكينة او دفرنسات ورا و قدام مع باقي الزيوت مثل المقود و البريك و سائل التبريد و غيرها من الامور الضرورية للتبديل حتى يمشي معاك الموتر و يطول بعمر القطع الي المفروض ما تخرب لكن لا تنسى انه في الموضوع اشياء عميقة و كلام يمشي على الكل فاذا حاب تفاصيل اكثر تواصل معاي في السناب شات على نفس اسم القناة و الساعة المباركة الي اقدر اخدمك فيها و افيدك إِنْ شَــاءَ اللَّهُ
خلاص سيارات تويوتا صارت غاليه وحان الوقت للتغيير يعني البرادو الان ١٧ الف والشكل اليديد فوق ٢٠ الف
@@cars965
طال عمرك زمان شريت لاندكروزر موديل 91 مستعمل ماشي فوق 300 الف ، استمر معي حوالي 7 سنوات وصار علي حادث انقلاب وبعته وهو ماشي 470 الف واخذه مني احد الاخوة اليمنيين وصلحه ولا زال يستخدمه إلى حد اليوم وبسافر عليه إلى اليمن ، طبعا مكينته ما انفكت وهو معي ما غيرت فيه الا قطع استهلاكية وصيانات بسيطة ، هل تتوقع لو ان مكانه سيارة صيني تتحمل كل هذا الكرف ؟ انتم للاسف لازم تطبلون للصيني وتحطون منه شئ ولو قلت لاحدكم يشتري سيارة صيني انا اشك انه يقتنيها ، الامر الاخر تقول لي شركة جريت وول معروفة من الثمانينات، طيب الناس تعرفها وتعرف ونيت دير الي كان يصنع زمان ، سيارات فاشلة ودائما تخرب ولا لها امان وتقريبا صارت منقرضة ، في المقابل شوف الهايلوكس قديمة وموديلات الثمانينات والتسعينات لا زالت تكرف ولا عندها مشاكل .
المحرك صغير قياسا بالحجم
لو مكينته 3.0 والهورس باور فوق ال 350 والتورك فوق ال 450 نيوتن متر كان الموتر بتحول إلى منافس شرس لكل سيارات الأوفرود اليابانية. لكن مع الأسف الحلو ما يكمل 😢
لو كانت مكينته مثل ما ذكرت راح يرتفع سعره اكثر و بالتالي ماراح يمشي سوقه يعني عندك على سبيل المثال التانك ٥٠٠ سعره واصل ١٨ الف دينار ستة سلندر توين توربو قير ٨ غيار و فخم و كل شي فيه ممتاز لكن السعر تحسه غالي عليه فعشان جذي خلوا مكينته ٤ سلندر توربو و اهي صراحة مأدية الغرض .
عندي تجربة قيادة عنه الهافال اتش ناين انصحك تشوفها و تشوف ارقامه بالنسبة الى التسارع و المشي صراحة شي طيب 👌
متلى يغيرون شكلها الخارجي البشع
يعني مايعرفون ان السيارة بهذا الحجم يبيلها محرك 𝖵6 وش محرك النترا وتوربو ما نبيه
شوف تجربة قيادتي لها بالقناة صدقني راح تنصدم انا كنت اقول مثلك لكن بعد التجربة صدمة حتى رقم التسارع من صفر الى مية شي جبااار ، حط في بالك رقم تسارع اللاند كروزر الجديد قبل لا تشوف الفيديو ٠٠:٠٦:٧٠ ثانية و قارنه مع الهافال 👍 اتمنى لك مشاهدة طيبة
والله اني اغرمت في السيارة .. ومتردد ...
حالفين ما يغيرون الخلفية
😂😂😂😂😂
شكل السيارة الخارجي وخاصة الاسطبات الخلفيه الطويلة شكلها غبي
ماحبينا برادو اليابان فما بالك ببرادو الصين
مع ارتفاع الأسعار حالياً اتوقع الناس راح تتوجه لحجم السيارات هذي
ويش فرقت بينها وبين 2022😂
وايد بالغت في مدحها ، يبقى البرادو افضل من حيث الجوده
بالعكس والله اشوفها انها تستاهل سواء كمواصفات او جودة ، و الحمدلله انه فيه ناس مقتنين و مجربين السيارة و الكل قاعد يمدح فيها و يثني على انها سيارة اعتمادية و صدقني انا ما انزل شي عندي بالقناة إلا لمن أكون واثق فيه مية بالمية و مسوي بحث عنه و عن قيد تجربة سواء مني او من الناس الي شفتهم شاريها و الي منزلين تصاوير عنها باليوتيوب
علامك على الصيني 😂 نبي نشوف شي جديد غير الصيني
ياخي المواتر الي تعجبني و انصح الناس فيها تلقاني سيده على طول اوثقها عندي بالقناة لكن ابشر باقي هم تغطية وراها بنحول الموجة👍😁
اكره السيارة الي هي تقليد لسيارة اخرى
بالعكس تماماً هي تطوير للشيء نفسه و ما يحتاج من أمور طبعا اشياء كثيرة لو سويت بحث علمي عنها و تقارن راح تحس بأن هناك امور الأغلب غافل عنها
بس ارخص من الاصلي
@@user-it8ew2uz5k هو الانسان من يحب يقلل من شأن نفسه يحاول يقلد الآخرين
بس هذي صناعة و بالعكس صراحة ابدعوا في الجديد بل اني حسيته افضل من المشبه عليه لاني استعملته القديم
خفف من المدح واناخوك والمبالغه شوي كيف اللي طوله ١٧٥ يركب بالصف الثالث مرتاح هذي ماتجي قويه قويه
اقول كلامي من تجربه طبعاً
و انا بعد مجرب و اشوفه زين لكن طبيعي مو مثل الصف الثاني او الاول يااا السمي 👌😆 ، يأدي الغرض
واضح ان السيارات الصينية مقلب
عقبال ما نشوف سيارات صناعة عربية مثل لوسيد تكون فخامة و جودة ، اما الصيني بتكون حالته مثل حال السيارات الكورية الي برزت و اثبتت جدارتها و هذا طبيعي لان الصين بلد صناعي على مستوى العالم فطبيعي بكون عنده حلم مثل ما الياباني نافس الأمريكي و الأوروبي في بداية ظهوره حيث انه الصناع في هذاك الوقت كانوا اقدم منه في الصناعة و اخبر منه في هذا المجال