Shije Shtëpie - Strudel me mollë nga Znj. Vjollca - Tv Klan

#ShijeShtëpie në #TvKlan. Emision edukues, informues & argëtues me znj. Vjollca dhe Katerina Trungu. Çdo ditë me recetat e thjeshta dhe mbi të gjitha ekonomike te znj. Vjollca duke edukuar amvisat si të ushqehemi shëndetshëm. Rubrika të ndryshme me të ftuar specialë me këshilla të thjeshta praktike, të kuptueshme nga të gjithë, për çdo aspekt të të përditshmes. Argëtim, me muzikë dhe quiz, lojëra gjithëpërfshirëse që të japin atë dëshirën për të luajtur dhe për të komunikuar live me Katerinën dhe të ftuarit e saj.
Strudel me mollë
1 petë sfoljatë
2 mollë
1 lugë gjelle lëng limoni
2 lugë gjelle sheqer kafe
2 lugë gjelle bukë të thekur të grirë (ose biskota)
1 lugë çaj kanellë
150 gr arra
50 gr rrush të thatë
70 gr reçel kajsie ose luleshtrydhe
Për sipërfaqen:
1 e verdhë veze
1 lugë gjelle qumësht
1 mollë
1 lugë gjelle sheqer kafe
Vendosim petën sfoliatë mbi një letër pjekje, spërkatim petën me pak niseshte. Në mesin e petës vendosim gjysmën e reçelit dhe e hapim në të gjithë sipërfaqen me furçë. Qërojmë mollët nga fara dhe lëkura dhe i presim ato në feta të holla. 2 mollë të prera i vendosim në një tas ku do të shtojmë sheqer kaf, kanellë, lëng limoni. I përziejmë mirë e në fund shtojmë edhe 1 lugë gjelle bukë të thekur ose biskota të grira hollë. I përziejmë përsëri.
Vendosim fetat e mollës në dy rreshta në pjesën ku kemi lyer me reçel. Vendosja e mollëve bëhet si tullat. Mbi mollë shpërndajmë rrushin e thatë dhe arrat e grira në copëza të vogla. Palosim njërën anë të petës dhe lyejmë sipërfaqen me reçelin e mbetur. Kthejmë edhe palosjen e anës tjetër dhe i japim formë strudelit duke i dhënë pak presion mbi letrën e pjekjes që mbyllja të bëhet mirë. E ndajmë në 6 ose 8 pjesë të barabarta.
Përziejmë të verdhën e vezës me qumësht dhe lyejmë sipërfaqen e strudelit me ndihmën e një furçe. Bëjmë 2 prerje në çdo racion dhe vendosim mbi të nga një ose 2 feta mollë të cilat i pudrosim me pak sheqer kaf që të karamelizohen. Vendosim strudelin në një tepsi e më pas në furrë në temperaturë 180 gradë për 25-30 minuta.
SUBSCRIBE to “RTV KLAN” on RUclips for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow rtvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog... #Receta#ZonjaVjollca#KaterinaTrungu