Çiklo Sigurt 🚴

“Me një Biçikletë s’vjen vera…” 🚴☀️
Me këtë video vetëdijësuese për transportin çiklistik po e përmbyllim projektin “Çiklo Sigurt Prishtinë’’, qëllimi i të cilit ka qenë vetëdijësimi dhe nxitja e shoqërisë drejt përdorimit të transportit të qëndrueshëm dhe miqësor me ambientin (përdorimit të biçikletës).
Falënderim të veçantë për donatorët që financuan dhe mundësuan realizimin e projektit. Projekti “Çiklo Sigurt Prishtinë” ka qenë pjesë e projektit "Empower - Engage - Build Ownership", i financuar nga fondet e Bashkimit Evropian, të menaxhuara nga Zyra e Bashkimit Evropian në Kosovë, mbështetur nga Balkan Green Foundation (BGF) dhe Institute for Development Policy (INDEP), si dhe implementuar nga Klubi Alpin Prishtina.
Implementimi i projektit ka zgjatur gjashtë muaj (janar - korrik 2020) dhe përfshin një llojllojshmëri të aktiviteteve në lidhje me vetëdijësimin, rritjen e sigurisë dhe përmirësimin e kushteve të infrastrukturës për çiklistë në Prishtinë.
Projekti është realizuar me sukses përkundër vështirësive të hasura gjatë pandemisë. Gjithashtu kjo periudhë pandemie konsiderohet si rasti ideal për të vlerësuar se si duket Prishtina pa një trafik të ngarkuar dhe me mjedis të pastër! Në kohën e izolimit, pasi u bllokuan rrugët për qarkullim të veturave, shumë qytetarë e shfrytëzuan dhe e shijuan biçikletën si mjet transporti dhe ishte periudha ideale kur mund të çiklonin SIGURT në qytet.
Komuna e Prishtinës ka premtuar që do të fokusohet drejt promovimit të çiklizmit si mjet transporti. Prandaj ne vazhdojmë t’i bëjmë thirrje komunës së Prishtinës që të punojë drejt krijimit/përmirësimit të kushteve të transportit çiklistik në qytet si dhe të rrisë SIGURINË e çiklistëve në trafik.
T’a promovojmë dhe t’a përdorim sa më shumë këtë transport të gjelbër.
Le të kontribuojmë pozitivisht në shëndetin tonë dhe në mjedisin tonë.
Falënderojmë gjithashtu vullnetarët nga grupi Marakli t'Biciklave dhe Bike Friendly Café & Shop powered by Supercyclists, të cilët vazhdimisht kanë kontribuar në realizimin e aktiviteteve, si dhe Arber Dinarama për realizimin e videos.
#ciklosigurt #KAP