يعني إيه ركيزة جاسئة و ركيزة لدنة | Rigid and Elastic Support

تعالوا نفهم يعني إيه Rigid Support و يعني إيه Elatic Support و إيه الفرق بينهم و بنشوف كل واحد فين في الحقيقة في الحياة العملية
أولا : الـ Rigid Support :
✅ الـ Rigid Support أو الركيزة الجاسئة يعني ركيزة مش من المتوقع إن يحصلها هبوط Deflection زي مثلا العمود عنصر قوي من المتوقع إنه ميحصلهوش هبوط فبالتالي ده ركيزة قوية أو جاسئة طب ده بنشوفه فين في الحقيقة بنشوفه في علاقة الكمرة بالعمود و علاقة الكمرة بالـ Shear Walls و علاقة البلاطة بالعمود في حالة البلاطة الـ Flat Slab
✅ من الممكن برضه إننا نعتبر الركيزة Rigid ده في حالة إن العنصر الشايل الـ Stiffness بتاعته مقارنة بالعنصر المتشال كبيرة جدا و ده بنشوفه في الحقيقة في علاقة بلاطة Solid سمكها صغير 12 سم مثلا متشالة علي كمرة سمكها 80سم مثلا و طولها قصير 2 متر مثلا (هنا الكمرة هيحصلها هبوط - Deflection- بس الـ Stiffness بتاعتها أكبر من Stiffness البلاطة بكتير فبالتالي الكمرة في الحالة دي Rigid Support بالنسبة للبلاطة)
✅ طيب هنستفيد من ده إيه : هنلاحظ إن في حالة الـRigid Support بنلاقي العنصر المتشال في منطقة الـ Rigid Support جايب عزوم علوية كبيرة (-Ve moment) و ده منطقي لإن الـ Support قوي أو مش هيحصله هبوط فهيرفع العنصر المتشال لفوق
ثانيا : الـ Elastic Support :
✅ الـ Elastic Support أو الركيزة اللدنة يعني ركيزة بنسبة كبيرة هيحصلها هبوط Deflection زي مثلا لو عندنا كمرة طويلة طولها 7 متر و الكمرة الطويلة دي هتشيل من المنتصف كمرة تانية طب الكمرة الشايلة أصلا طولها كبير و عليها أحمال عالية فأكيد هيحصلها هبوط طيب هل الكمرة الشايلة اللي طولها 7 متر دي هتقدر تشيل الكمرة المتشالة بنفس الكفائة كما لو كانت عمود ؟
الإجابة لأطبعا هي هتشيل الكمرة بس هتتصرف في الحالة دي كـ Elastic Support
✅ من الممكن برضه إننا نعتبر الركيزة Elastic ده في حالة إن العنصر الشايل الـ Stiffness بتاعته مقارنة بالعنصر المتشال عليه مش كبيرة و ده بنشوفه في علاقة الـ Column Strip مع الـ Filed Strip في حالة البلاطة الـ Flat Slab هما الإتنين نفس الجساءة تقريبا علشان نفس السمك فبالتالي مفيش فرق جساءة كبيرة ففي هذه الحالة نقدر نقول إن الـ Columns Strip بالنسبة للـ Filed Strip هتكون Elastic Support
✅ طيب هنستفيد من ده إيه : هتلاحظ إن في حالة الـ Elastic Support بنلاقي العنصر المتشال في منطقة الـ Elastic Support جايب عزوم علوية صغيرة أو من الممكن ميكونش فيه عزوم علوية أصلا و ده منطقي لإن الـ Support مش قوي أوي أو هيحصله هبوط كبير فمش هيقدر يرفع العنصر المتشال لفوق بنفس كفاءة العمود
✅ و ده بنقدرنلاحظه فقط لما بعمل تحليل إنشائي علي البرامج بيظهر معانا تأثير الـ Elastic Support و مش بيظهر معانا في الحل المانيول لإننا في الحل المانيول بنعتبر إن كل الـ Supports هي Rigid و ده تقريب بس علشان نقدر نحل نقدر نحل بمخنا عدد مجاهيل في عدد معادلات قليل إنما الكمبيوتر بيديك التصرف اللي بيحصل في الحقيقة و معندهوش مشكلة يحل ألف مجهول في ألف معادلة و ده أحد الأسباب اللي بطلع خلافات بين الحل المانيول و الحل بالبرامج

[@alialafeef129]

والله متعه هندسيه لما اشوفك يا بش مهندس
المعلومه تجيبها من داااااخل قلبك
ويستغربوا ليش انت وأحمد العواد ومحمد عطا اكتسبوا احترامي الكبير

[@osamaeid7243]

أسلوب رائع في نقل العلم ❤

[@mohammedmustafa769]

والتربه بالنسبه للاساسات تعتبر elastic support علي ما اعتقد

[@mohamedelhawary98]

الله ينور عليك انا مكنتش فاهم سبب ان المومنت سفلي فقط فالقواعد ليه بس الكلمة دي لفتت انتباهي الان للسبب

[@-mohamedali3944]

الله ينور عليك يا هندسة ماينفعش نفوت فيديو ليك

[@hassankhalil1388]

ربنا يجعله في ميزان حسناتك يا هندسه

[@abdelghafourlemarin7597]

الله يحفضك و يرزقك الصحة والهناء يا هندسة

[@kash5797]

شكرا ،استفدت من الفيديو

[@أحمدمحروس-خ4و]

طب ياهندسة. ايه هو. نظام elastic hing الي في الساب. ؟ عندك فكرة

[@mahmoudomarelanbary8902]

Spectacular video

[@abdallayousif5197]

شكرا مهندس،،،، عندي استفسار بشمهندس لو عندي كمرة كابولي ولكن الامتداد الخاص بالشوكة تم ادخله فالعمود لأن مافي كمره فالخلف هل هذا أمن انشائي ويتم أخذه ف الاعتبار بالتصميم وشو الشي اللي لازم نتأكد منه فالتصميم؟. ونقطه أخرى شو الأفضل يتم عمل slab edge فالسقف الأرضي والسطح لحمل الجدار او عمل كمرات كابولي ولكن الشوكة تكون فالعمود

[@sabergad9265]

جميل.