قصيدة المشاركة الثانية للشاعر فهد بن عبدالعزيز السهلي في برنامج شاعر القمة

لا طرق مستهلكين الشّعر طرقٍ قديم
آتطـرّق لي طواريق .. ما كنْها كلام
يقشعرّ الجسم منها ، و تضرب فالصميم
فالحِكم ولّا المواجيب ولّا فالغرام
أعطر من البدء واصفى من انسام النسيم
واقطع من الحق واخير من مسك الختام
كل بـيتٍ من تمامه يجي بـيتٍ يتيم
ولَا يجي بـيتٍ يتيمٍ وهو ماهوب تام
فالذهون أقوَى من غواية إبليس الرجيم
مير تأثيره لَا هو عيب و لَا هو حرام
من بيان العقل ، والعاقل لـ نفسه خصيم
نقتبس ما يطلق الوجه و يرد الملام
نحمد اللي مُلهمٍ عقل حاكمنا الحكيم
يوم سنّد جل حكمه على محمّد و قام ..
يسبق المستقبل و يبلج الليل البهيم
هيلعٍ يخلف معاديه .. حتى فالسلام
للعدو أشنع من الموت من سمٍ سميم
وللرفيق أحلى من التمر من عقب الصيام
عقبه العربان مثل الصراط المستقيم
كل شخصٍ له مقالٍ و كلٍ له مقام
أسس إلنا رؤيةٍ تحمل الخير العميم
رؤيةٍ بدري على شوف زرقاء اليمام
ازدهارات و تطوّر و تنظيمٍ عظيم
من يصدّق كل هذا يصير بـ كم عام !؟
نقلةٍ نوعيّـةٍ للمواطن و المقيم
حتى فالسيّـاح بانت مواريها شمام
من فضل ربي وجوده علينا مستديم
ما لاحد منّه ولَا فضل من بين الأنام
الـتمـنّـن بالفضايل من أخلاق اللئيم
والتمسّك بالفضايل من أخلاق الكرام
البشر غاياتهم تشبه نخيل القصيم
لو تشابه شكلها .. تختلف وقت الصرام
والجحيم أغلب دروبه على هيئة نعيم ..
مير نور الحق يشفي من أمراض الظلام
والحظيظ اللي سجد بين زمزم و الحطيم ..
وآخر العهْد بـ سجوده فـ بيت الله الحرام
#مشاركة #الشاعر #فهد بن #عبدالعزيز #السهلي في #برنامج #شاعر_القمه على #قناة #الواقع #الفضائية ب #قصيدة #مستهلكين #الشعر