Odil Yoqubov. Ko‘hna dunyo. 1-qism. Audio kitob

Odil Yoqubovga eng katta shuhrat keltirgan asarlaridan biri- «Ko‘hna dunyo» tarixiy romani hisoblanadi. Adabiy tanqidchilikning bahosiga ko‘ra, Odil Yoqubovning «Ko‘hna dunyo» romanining markazida Ibn Sino hamda Beruniy taqdirlari, ular yashagan davr turadi. Muallifning xulosalari va umumlashmalari keng, shuning uchun tarixiy haqiqatga ajib dolzarb maʼno bag‘ishlaydi. Zamonlar osha qilingan sayohat teran falsafiy umumlashmalar chiqarishga imkon beradi. Romanda tasvirlangan barcha voqealar hujjatlar bilan cheklab qo‘yilmagan. Odil Yoqubov tarixni xuddi ko‘rib turadi, tarix bilan bahslashadi, zamondoshlarga uzoq o‘tmishdoshlarining tajribalaridan guvohlik berayotganday bo‘ladi. U tarixga bugungi davr nuqtayi nazaridan qaraydi.