حمّل ابيارك | ياسين حميد الصالحي
HTML-код
- Опубликовано: 17 сен 2024
- حمّل ابيارك
واخذ گاعك يگلبي
الصحرة تتحچه ابنهَر
ويمِّم اعيونك بالإتراب اليثمِّن وگفتك
واحزم اظنونك تره الوِحدة سَفَر
دمَّك أرباح السلاطين …
وحسِرْتك عُمُر ثاني للشِجَر
لا اتعثّر نيّتك تَلّة الـ ( وين )
واطمئِن ، محّد يتبعك يااااا شَهَر
أنتَ فِكرة
مشيك ابلايه جدَم بس بيه أثَــر ..
شَنِّف اسماع الحِماد بِلُغة ركضك
واهجُر ادروس الكتاتيب القديمة
النّاس وصلت للقمَر
يا أسير ،
و لا اتفكّر باليگولونه ابوراك
الما يذب كلمة بگفاك ، ايذب حجَر
وادمك حوت
ولگوا ذَمّك بَحَر ..
أنتَ أوّل محترِگ طِبَّه الهدوء
والتَهَدَه اهنا ( عِثَر )..
يا غريب وربّك ايحب الغريب
الغربة : مِنّ اتحصِّل التشتاگله بس بالصوَر
شنهي ظلتك ؟
يالتساييرك شعر شعبي بعصر نجمه ( المَعَرِّي )
والنقد ما سَامَحَك
وباب بيتك : صورتك وأنتَ زغير
ياهو الإيشوفه ضَحَك
اِكْبَر … اِكْبَر
( داروِن ) حار اويَ ناسك حتى شايبهم زَغَر
وكتك ايسد ثلمة الحُب بالنهاوي
ديرتك راي المغول وأنتَ مكتبة النوابِغ
هاجموك وما حچيت
وفسّروها
البير مِن ينْطَگ ويسكِتْ يعني ( فارِغ )
وأنتَ مو بير … وحچوها
امشي ما دام الدروب إرماح والغُربة نَحَر ..
أنتَ بزر الريح واعلومك لُطُف
عَصبيتَك روجة تبرَد بالجُرُف
هاي وادم مو إلك
والعِشرة غَـــمْ
ومُجمَل اسلاحك دُعاء
وهَلَك خنجر يَمَنِـي
ما يرد البيته إذا ما بيه دَم
وبيئتك يِلَّة
ومُفاطيحك حِنانِي
ونعشك السوباط چان
وعُمرك ايحابب مِنيته
وبعدك امچسِّب صبُر
وغيرك امگضيها ( آآآآخ ) بـ ( آآآآخ ) دوم
لَوَن ينطگ بالعِميته
شيل ديوانك للإيسيّر عليك
وبَدَل سيفك
خل دلالك ما يطيحن مِن اديك
وين ربعك ؟
وين أهلك ؟
وين ذاك الچان نَعمّائي
وعناويني
وجديدي
الچانت اسنينه محابس كلّها بيدي
الگبُل گتله :
مِن شفت عينك عرفته شعجب لونه أخضر وريدي
كلّها راحت ..
ما بگه امخبِّر ابحربي … إلمن اصيح
كلّها چذبة
العِشِگ چذبة
الفزعة چذبة
الشُهرة چذبة
إلمن أصيح ..
حتى مِن چنّه اعلى گنطرة الحياة نفوت وانحط ايد بيد
مو ابدافِع حُب .. لچن عن لا نطيح
روحي مِن روحي تخاف
عيشة هم محسوبة هاي ؟
والنهر جِلده يكزبر مِن يطيح بمايه ماي
مركبات اسنيني مرّن
أشّر الهن وأنتَ تبْشِر ..
وما طعتني
وضِعِتْ راية
الراية چف ضايع ومدري إلمن يأشِّر ..
بعد يا گلبي انتهينا
وهذا حدّي
تريد تبقى إلواث مِعفي
حتى اعوفنّك واروح بِسُفِن (باچِر )
تريد تاخذ راي عقلك (نبي الباطن)
خل نسافِر ..
وظعن حِلْبة ارتحِل للبَـر
وكابِر بوجه الظهاري
بعد بيد الله المُطَر
يالإمغَرَّب
لا تذِب جرشك اويَ احّد
أنتَ مِن طينة مُحمَّد
زادك التوحيد وادروبك ضوه وعُمرك سِوَر
الله يحفضك ويبارك بيك
(لقاء ساعه لاتمحا من الذاكره) كبير سداذ ياسين فضل الله واهل لبيت
الله عليك ابو حسين
الله الله استاذ ياسين 💜 الله يحفظك
الله يحفظك❤
عملاق استاذ ياسين مبدع
البير م̷ـــِْن ينطك ويسكت يعني فارغ
•اللّـہ̣̥ •اللّـہ̣̥ •اللّـہ̣̥
دوما مبدع اخوي المعدل كبير
😢😢😢❤
الله عليك استاذي الحبيب مشتاقيلك
روحي من روحي تخاف هم عيشه هاي
الله عليك ❤
مبدع استاذ❤
3:57 مبدع دائماً ❤
الحبيب استاذ ياسين
الله عليك مبدع
❤❤
مبدع استاذ بمعنى لكلمه ربي يوفقك بلاعلى😢
ونعم الاستاذ😊
ونعم استاذ ياسين انسان طيب وبسيط بعض لاساتذه متكبره يعني اول مرا اشوف استاذ هيج يتعامل مع طلابه ك اب متدين وناصح دائما اتمناله الحياه سعيده يستاهل لافضل❤
مدري شگول أستاذ بس تستاهل التاريخ ما يضلمك
❤❤