Hajy Ýazmämmedow - Giç bolar (Sözleri K.Gurbannepesowyňky)

Kerim Gurbannepesowyň "Giç bolar" goşgusynyň sözleri esasynda, Hajy Ýazmämmedowyň ýerine ýetiren aýdymy.
Adamyň bir mätäc zady hoş sözdür,
Hoş söz aýdyň depesine täç bolar,
Dirglikde aýdyň dirikä sylaň,
Kim bilip dur bir ýyldan soň giç bolar.
Gowa gowy diýiň entek dirikä,
Gerek ýerde ýyly söz bir güýç bolar,
Hökman ölerine garaşyp durmaň
Kim bilip dur bir ýyldan soň giç bolar.
Ýagşy sözler gaýnap ýürekden çyksyn,
Şol närseden bärde çyksa hiç bolar,
Goldaberiň bir-biregi söz bilen,
Kim bilip dur bir hepdeden giç bolar.
Kalby çoýuň alkyş alyň adamlar,
Alkyşlynyň işi rowaç bolar,
Ertä tapylanok bu gün göreniň,
Şu gün çoýuň ertä belki giç bolar.
Sahabatsyz ömür bir gury töňňe,
Sahabatsyz ömrüň soňy puç bolar,
Sylaň bir-biregi wagtyňyz barka,
Mümkin ýene bir sagatdan giç bolar.