02_Стихиры на хвалитех: "Ангельския предъидите силы" (день второй)

ДЕНЬ ВТОРОЙ (21 декабря/3 января н.ст.)
Свято-Троицкая Сергиева лавра. Успенский собор. 2 января 2018 год.
Управляет - архимандрит Диодор.
Канонарх - архимандрит Лаврентий (Постников)
На хвали́тех стихи́ры предпра́зднства, гла́с 6. Подо́бен: "Ангельския предъидите силы"
Соде́тельная / ны́не предгряде́т Прему́дрость: / проро́честии отверза́ются о́блацы, / благода́ть процвета́ет, / и́стина возсия́; / престаю́т гада́ния сено́вная, / Еде́мова отве́рзеся две́рь. / Ада́ме, лику́й, / Созда́тель Бо́г на́ш // во́льно созда́ся.
Рече́ния исполня́я / проро́ческая и виде́ния, / ражда́ется пло́тию / и одебелева́ет Сло́во / и в я́слех безслове́сных,/ ро́ждся, возлега́ет. / Сие́ кра́йнее схожде́ние, / сие́ стра́шное смотре́ние, / его́же ра́ди пое́м: / Ца́рь Изра́илев, // Христо́с прихо́дит.
Се́ Чи́стая / па́че ума́ и сло́ва / ражда́ет Сы́на Бо́жия, / Его́же проро́цы /пропове́даша дре́вле, / прови́дяще Ду́хом Святы́м, / нескве́рну Тя́ сохраня́юща / и разреша́ющаго Ада́ма от греха́. / Лю́дие, рце́м: / Ца́рь на́ш, Христо́с // пло́тию прихо́дит.
Не́др Оте́ческих не отставль, / Челове́к яви́лся еси́ / и, девическими держи́мь рука́ми, / волхвы́ от Перси́ды / звездо́ю призва́л еси́, / Царю́ Тебе́ и Бо́гу покланя́ющияся. / Ду́хом усте́н / нече́ствующия кня́зи язы́ческия погуби́ши / и упасе́ши / лю́ди // осуществе́нныя.
Сла́ва, гла́с и подо́бен то́йже:
Слово, / иже Отцу единосущен Сый, / от девственных растворение прием / чистых кровей, / и зиждется, / и растет временным разстоянием: / паки и раждается в вертепе: / ужас велий: / Ангели воспевают, / человецы же руками плещут: / Царь Израилев // Христос приходит.
И ны́не, гла́с и подо́бен то́йже:
Волхва Валаама проречения / исполнение приемлют/: перскими бо знамении / облияни бывше/, звезды необычныя сиянием,/ незаходимаго Солнца Христа, / осияни бывше/, в Вифлееме воплощеннаго / Бога Царя/ и вольнаго мертвеца // дарми назнаменуют.