لازم تشتري فيات 127 🇮🇹 | شرح مفصل مواصفات ومزايا وعيوب ١٢٧. FIAT 127
HTML-код
- Опубликовано: 8 сен 2024
- #فيات
#سيارات_معدلة
#سيارات_مستعملة
#سيارات_مستعملة_للبيع
#ريتمو
لازم تشتري فيات127 . شرح مفصل مواصفات ومزايا وعيوب ١٢٧
شرح مفصل لفيات ١٢٧ من مواصفات ومميزات وعيوب و اعلي سعر واقل سعر ومتوسط السعر
فيات ١٢٧
لو عايز تعرف تاريخ ومواصفات و مميزات وعيوب ١٢٧ يبقي الفيديو دا عشانك
اهلا ب اخواتي و حبايب سينما السيارات_CARS CINEMA
استكمالا لسلسله ارخص سيارات في مصر
تيجي رقم ١ فيات ١٢٧
١٢٧ عربيه جدليه من بدايتها
جدليه من اول ما المفوض الهندسي للشركه قرر يستعين بخبير من برا شركه فيات عشان يصمم فيات ١٢٧
ودا ال شركه فيات مش متعوده عليه لان عندها خبرائها بيضممو كل عربيات فيات
ونجح فعلا انه يجيب بايلو مانزوني
ال صمم تصميم مطور من فيات ٦٠٠
وكان دا المشروع رقم ١٢٧ لشركه فيات عشان كدا العربيه اتسمت بالاسم دا
واكتسح بيها السوق الاوربي في الوقت دا
والعربيه فعلا اثبتت نفسها وكسرت الدنيا وعملت مبيعات تخطت وقتها المليون عربيه مبيعات في ٣ سنين
وزي م قلنا ان ال ٢٧ جايه تحل محل فيات ٦٠٠ فكان ليها مواصفات مطوره في الوقت دا وتم التطوير بنسخه ٤ ابواب سنه ٧٤ وفي سنه ٧٧ اتطورت بشكل رياضي مميز وسنه ٨١ كان الجيل التالت ليها
ال ١٢٧ نزلت ب ٣ مواتير
٩٠٠ cc ١٠٥٠ cc 1300 cc
لكل الموديلات
الموتور ٩٠٠ و ١٠٥٠ بينزلو ب ٤ سرعات
اما موتور ١٣٠٠ بينزل ب ٥
نيجي بقي لمميزات العربيه دي
اول ميزه شكلها
انت يعني كنت متخيل اني هقولك ان شكلها دا ميزه !
عايز اقولك اني دي تعتبر اهم ميزه في ٢٧
العربيه دي لو شدتها وعدلتها
شكلها بيبقي في حته تانيه خالص
يخلي كدا كل الناس تبص عليها
تاني ميزه
قطع الغيار و الصيانه
ال ٢٧ قطع غيارها رخيييصه جدا جدا
ي ريس دا اغلي حاجه فيها الموتور
وهو كله علي بعضه ب ٥٠٠٠ ج او ازيد شويه
دا غير ان قطع غيارها متوفره في كل مكان
اما بقي صيانتها فتعتبر ميزه كبيره لان اي صنايعي بيقدر يشتغل فيها
اما تالت ميزه
ف العربيه دي احسن عربيه تقدر تتعلم فيها السواقه او تعلم حد تبعك بسبب حجمها وابعادها
رابع ميزه سعهرها
ودا ال وضحته في الفيديو ال فات لسعر ال ٢٧ وعربيات تانيه رخيصه جدا
وقلتلك ان سعر ال ٢٧ من ١٠.٠٠٠ ل ٢٠٠٠٠
و المتوسط ١٥٠٠٠
خامس ميزه معانا وهي اعاده بيعها
بسبب سعرها الرخيص
و قطع غيارها المتوفره
والمزايا ال قلتلك عليها دي
فكل دا بيسهل اعاده بيعها في اي وقت
نييجي بقي للعيوب
اولا بحكم ان العربيه قديمه فأعطالها كتير الا لو انت مهتم بصيانتهاربشكل دوري مش هتحس اوي بالموضوع دا
تاني عيب المسافات
العربيه متقدرش تدوس معاك في مسافات بعيده لانها ممكن تسخن منك وتعملها معاك
ودا حلها انك تغير المكنه وتسقط مكنه جديده احسن
لو هتعتمد عليها في مشوار المسافات
تالت عيب العفشه
بحكم بردو انها عربيه قديمه فالعفشه بتاعتها بتحتاج صيانات بشكل كبير
الا لو انت جبت من الاخر
وشديت العفشه مره واحده
او غيرتها لو هتعدل
طيب في المجمل العربيه حلوه ولا وحشه
انا شايف ان مميزات العربيه دي اكتر من عيوبها
ال ٢٧ تعتبر فعلا قيمه مقابل سعر
ف انت ي صحبي لو رايح تجيب الموتسيكل
فكر تاني ف الموضوع دا وهات ال ٢٧ وشدها وخد صحابك او طلباتك فيها
واقضي مشاويرك زي م انت عايز
وسيبك من حوار انك تمشي علي عجلتين دا
وبكدا ي صحبي نبقي خلصنا الفيديو عن ال ٢٧ وتابع معايا سلسله العربيات من ١٠٠٠٠ ل ٥٠٠٠٠
سلام ي وحش
يسطا طريقتك حلوه فشخ بجد عاش ليك اوي استمر يا وحش♥️♥️
#سينما_السيارات #فيات ❤️
رائع و الله ، و أسلوبك جميل 👍
كمل يا باشا و أستمر
شكرا جدااا لتشجيعك فعلا اتشرفت برأي حضرتك ❤️
برافو .. استمر ✔️👍🙏🙏🥰
رينو r4 و r5 و فيات باندا و فيات ريتمو و سيتروان كاديان و بيجو 104 اقوى منها في الهيكل و المحرك و هذه السيارات الفرنسية موجودة في تونس و اعتقد انها نادرة في مصر و في نفس الفئة السعرية
فعلا وجودها موجود لكن بشكل نادر جدا تحياتنا لاخواتنا في تونس ❤️❤️❤️
عااش اوي 👏❤️❤️🙏
✋❤️
يارتني شوفت الفديو ده من زمان
وصلت 37 الف دلوقتي
انا بس عايزها عشان اعملها مشروع قهوة
#سينما_السيارات ❤️
طيب من فضلك هي ازاي بتتعدل بلشكل التحفه ده ثانيا هو التعديل ده بيكون مكلف كتير ولا حدود كام
ال ٢٧ ممكن تجيبها بسعرها وتجمع كوليكشن صوىدر بعد كدا بتبدا بالسمكره والدوكو لو محتاجه و بتروح طبعا لمكان فايبر وتنكيل بالصور ال انت محتاج تنفذها وبتبتدي شغل و ال انت عنده هيوجهك للمكان ال انت محتاج تخلص في اي شغل تاني
و دا ف حاله انك مش عايز تصرف كتير
لكن لو حابب توفر ع نفسك المشاوير تقدر تروح لمراكز تعديل مخصصه هتعملك كل حاجه في مكان واحد
شكرا جدا لحضرتك علي الافاده
هو فيه منها ٤ باب ولا هي ٢ باب بس ؟
موجود ٤ باب علي حسب الفئه
#سينما_السيارات ❤️
قطع الغيار مش متوفرة حاليا وغالية
قطع غيارها الاصليه مش موجوده بشكل كبير لكن متاح منها نسبيا الاستيراد وقطع الغيار العاديه ليها لكن مش اعتماديه اوي .
اما بالنسبه لسعرها فمفيش حاجه مغليتش لكن بالمقارنه بأسعار قطع غيار لعربيات من نفس الفئه ف ال ٢٧ تعتبر ارخصهم
@@muhamedawad8193
أحسنت
أحسن الله إليك
سلام عليكم.. هل ممكن اعدل ١٢٧ على كارونه بدل كبلن؟ وشكرا
عربية حماره شغل الصراحة وبتستحمل
#فيات ❤️