شنهو اليفيد - الميرزا محمد الخياط | الملا محمود أسيري
HTML-код
- Опубликовано: 5 фев 2025
- الشاعر: عبدالله بوحمد
استشهاد الإمام موسى بن جعفر الكاظم (عليه السلام)
الإمام موسى بن جعفر الكاظم (عليه السلام)
دولة الكويت -
مكساج: حسين نجم
مونتاج: أحمد جعفر
إنتاج وتنفيذ | شبيهة فاطمة - للإنتاج الحسيني
![I.N "HALLUCINATION" | [Stray Kids : SKZ-PLAYER]](http://i.ytimg.com/vi/n5B5q1Hwt_U/mqdefault.jpg)
عظم الله لكم الاجر ملانا محمود الغالي والميرزا محمد الخياط عراس والله انتو
احسنتم عمر رائع
صورة شعرية وكلمات واداء فد شي ...
موفقين يالجعفرية
عمل رائع💙
ما تتصور ملا الميرزا و ملا محمود كيف مت من البكي 😭😢😿🙀✌☝💘
من اهل البحرين اهني صوتك الله الله الله
طابت أنفاسكم يا خدام موسى بن جعفر
السلام عليك يا سيدي ومولاي موسى ابن جعفر يا باب الحوائج اقضي حاجه كل محتاج
عمت عيني عليك ياموسى ابن جعفر اه مؤلمه
سلام الله عليك سيدي أبا إبراهيم😔💔
الله أعلم بما جرى عليك من الظالمين الفجرة 😔😔😢😢
موفقين
يا كاظم الغيظ دخيلك اشفع لنا 🙏🙏
بارك الله فيك على كل خير
الله قصيدة تخبل وتبجي وكلماتها تخبل وسهله
وصوت محمود مو طبيعي
يا باب الحوائج، بعدني منتظرك تنطيني طلبتي منك
ياكاظم الغيظ
#واماماه
#واسيداه
#وامسموماه
#واكاظماه
#واغريباه
#وابا_الرضاه
واويلي عليك ياسيدي يا موسى بن جعفر 😭😭😭😭
أحسنتم طيب الله انفاسكم
موفقين بحق محمد وال محمد 😘
فدوة لهالاصوات
بالتوفيق ڕبــﷻـﮱ يحفظك
اويلي 💔
فجيييعه 😭😭😭😭😭😭ياموسى بن جعفر
طيب اللة انفسكم
لطيف جداً لطيف
( شنهو اليفيد )
لـو طلعـت امــن الـسـجـن شنهـو اليـفـيـد
جسمي مــا بــي حـيـل مـن ثگــل الحـديـد
بالسلاسـل عيشتي .. ابنومتـي وابگعدتـي
رجلي مچتوفه و إديّـــه
••••••••••••
(1)
آنــه مـــا مرتـــاح لحظـــه .. كـل شــي بالرّاحــه نسـيتـه
و شكو للتعذيب معنـى .. بالسجــــن بيّـــــــــه لگيـتـه
ياكـــــل الگــيـــــد ابـرُگبتي .. يا ذنــب آنه الـجنيتـه
السلسلــــــــــه والله اخنگتني .. و الهوه اشگد دوّريتـه
من أدوّر عالهـــــــــــوه ابشـــگ الجــــدار
و اعله وجهــــــي الســـــوط يلفي چنّــه نار
و آنـه أوگـع عالوجـه .. مـدري لا ويـن اتّجــــه
و أبگـه مرمي اعله الوطيّه
••••••••••••
(2)
گــوّه ما بيهـــا إدينـــي .. و الله أگـــــــــــيادي ثگـيـلـه
حتّى مـــن أرفعهـــا توگـــع .. و الدمه يكـــثــــر مسيلـه
و جسمي بسّ اعظام صـايــر .. گيدي ما أگـــــدر أشيلـه
و لو ردت چـــم خطوه أمشي .. تبگــه خطواتي قليلـه
ابرجـلـي أغــلال العده ابوزن الجـــبال
و أدري بالطّامـــوره مــا بيهـا مجــــال
اعليّـه تصعـب مشيتي .. و صعبه حــتّــى وگـفـتــي
و منهو يـدري شاللّي بيّــه
••••••••••••
(3)
قصّــة الطامـــــوره قصّـــه .. أنظر إلها اشگــــد زغـيــــره
لا هــــوه و لا نـور بيها .. و حسرتــــــي بيها چــبيـــــره
أظلــــــم امن الليل هــيّــه .. بيها مـاشـوف الحصيره
لو أغــمّــــض لو أفتّـــح .. حـالـــه وحــــــده كلها حـــيره
و ساگي مرضوض اشكثر وآلامـــــه دوم
و لو گمت من سجدتـــــــي مگــــدر أگوم
و الألـــم يا مكــثــــــره .. اعظامــي چنها امكسّره
و چــم نــذل يـشـمت علـيّـــه
••••••••••••
(4)
متني چنّــه فوگــه جمره .. امن الضـرب يومـيّـــه يلهب
و انظر السّـجّــــان گاســـي .. ايزيد ضربــــه لمّن أتعـب
موسى بـــن جعفر ترانـــي .. إسمي منّ ايسمعه يغضب
ويّا كل ضربه أسمعـــه .. ايسب علي و هــمّ آنه أنسـب
ايگلّـي انتــه ابـلا أهـــل و ابـلا معـيـن
ايگلّـي هارون الملك و انتــــه السّجيـن
و لا فرد يفزع إلي .. بـعّـدوا عـنّـي هـلـي
و احبـس ادموعــي الجريّـــه
••••••••••••
(5)
الينصطــر عالعــيــن مرّه .. يــشــعــر ابعـــــيناه جمـــره
و يسمـــح ابچفّــــه عليها .. بالعجل رايدهـــــــــا تبـــــره
و آنــه چم مرّه اصطروني .. خلّوا ابكل عيــــن صطـره
صعبه أمسحهـــــن بديّـــه .. عندي چم گــيـــد الأجـــرّه
و آنـــه من كثر الضرب مگدر أشــوف
أشعــر ابعيـنــاي متركـــــــزه سيــوف
چنّي مصيوب ابعمه .. تنزف اعيوني دمــه
و حـالتـــي مثـــل الزچــيّـــه
••••••••••••
(6)
شـنهـــو ينفــع لو إجونــي .. و من سجنـهـــم طلّعـــونــي
اسبعطعش عـام ابحقدهم .. همّـــه چــم مرّه اذبحونـــي
چبدي متـــگـــطّــع أحسّـــــه .. من گبل مَـيْـسمّمونـــي
آنه رايـــد عمـــري يخلص .. من كــثــر ما عذّبونــي
ولــو نمـت بجنازتــي حزنــي يعــــود
اجنازتــــي چنها سجــن كلهــا قــيــود
ابموتي أصعب معضله .. ايچفّــونــــي ابسلسلــه
و عالجسر أصبح رمـــيّـــه
••••••••••••••••••••••••
بمشاركة الرادود محمد الخياط
للشاعر عبد الله بو حمد
الله
🇮🇶💚❤
القصيدة
لو طلعت من السجن شنهو اليفيد
جسمي ما بيه حيل من ثقل الحديد
بالسلاسل عيشتي بنومتي وبقعدتي
رجلي مكتوفة وإديه
آنه ما مرتاح لحظة كل شي بالراحة نسيته
وشكو للتعذيب معنى بالسجن بيه لقيته
يا كل القيد ابرقبتي. يا ذنب آنه الجنيته
السلسه والله اخنقتني. والهواء اشقد دوريته
من ادور عالهواء ابشق الجدار
واعله وجهي السوط يلفي جنه نار
وآنه اوقع عالوجه. مدري لا وين اتجه
وا بقى مرمي عالوطية
قوه ما بيها ايديني والله اقيادي ثقيله
حتى من ارفعها توقع والدمه يكثر مسيله
وجسمي بس اعظام صاير. قيدي ما اقدر اشيله
ولو ردت جم خطوه امشي. تبقى خطواتي قليلة
ابرجلي اغلال العده ابوزن الجبال
وادري بالطاموره ما بيها مجال
اعليه تصعب مشيتي وصعبه حتى وقفتي
ومنهو يدري شاللي بيه
قصة الطاموره قصه انظر إلها اشقد زغيره
لا هواء ولا نور بيها. وحسرتي بيها كبيره
اظلم من الليل هيه. بيها ما شوف الحصيره
لو اغمض لو افتّح حاله وحده كلها حيره
وساقي مرضوض اشكثر وآلامه دوم
لو قمت من سجدتي مقدر اقوم
والألم يا مكثره. اعظامي كأنها امكسره
وكم نذل يشمت عليه
متني ماراقدر احركه. من الضرب يوميه يلهب
وانظر السجان قاسي ايزيد ضربه لمن اتعب
موسى بن جعفر تراني اسمي من ايسمعه يغضب
ويا كل ضربه اسمعه. ايسب علي وهم آنه انسب
يقلي انته بلا اهل وابلا معين
ايقلي هارون الملك وانته السجين
ولا فرد يفزع إلي
بعدوا عني هلي
وأحبس دموعي الجريه
الينصطر عالعين مره يشعر ابعيناه جمره
ويمسح ابجفه عليها بالعجل رايدها تبره
وآنه جم مره اصطروني خلوا ابكل عين سطره
صعبه امسحهن بديه عندي كم قيد الأجره
وآنه من كثر الضرب مقدر اشوف
اشعر ابعيناي متركزه سيوف
جني مصيوب ابعمه
تنزف اعيوني دمه
و حالتي مثل الزجيه
شنهوا ينفع لو اجوني ومن سجنهم طلعوني
اسبعطعش عام ابحقدهم. وهمه جم مره اذبحوني
جبدي متقطع احسه من قبل ميسمموني
آنه رايد عمري يخلص. من كثر ماعذبوني
لو نمت بجنازتي حزني يعود
جنازتي كنها سجن كلها قيود
ابموتي اصعب معضله
كفنوني ابسلسله
ورجلي مكتوفه واديه
لشاعرها /عبدالله بوحمد