Forcat Komando të kthyera nga Iraku fillojnë të trajnojnë të rinjtë (11 Maj 2004)

Lajme Arkiva 2004
Forcat komando të cilat sapo janë kthyer nga Iraku i gjetëm në një ditë normale stërvitje. Ata kanë marrë pjesë në kontingjentin e dytë të kompanisë paqeruajtëse Shqiptare në Mosul. Janë të gjithë oficerë dhe mbajnë grada të ndryshme. Tashmë gjithë eksperiencën si ushtarak apo edhe si paaqeruajtës në Irak ja përcjellin këtyre të rinjve, të cilët po trajnohen këtu në brigadën e forcave komando. Përpiqen ti mësojnë gjithçka që dinë sepse këta të rinj do të jenë përfaqësuesit e ardhshëm tëë forcve tona paqeruajtëse pas pak muajsh.
Kapiten Besimi, Edmondi dhe Ylli si edhe të rinjtë Ermiri dhe Marigleni, i sheh si gjithmonë bashkë. Ata dëshmojnë për gjithçka që u ndodh në stërvitje dhe që kaluan në Irak.
“Ne duhet tu tregojmë atyre, ato që ne mësuam nga të tjerët por edhe eksperiencën tonë t’ua kalojmë edhe brezave që do shkojnë pasi është në të mirën e tyre dhe në të mirën e gjithë ushtrisë me një fjalë që të përfitojmë nga përvoja e të parëve”.
“A lodheni duke mësuar ato çfarë dini komandove të reja?”
“Ne kemi për krenari që të stërvitim brezat e rinj, që ata të jenë sa më të përgatitur për detyrat që do të marrin”.
Mbi të gjitha në detyrën e tyre si ushtarakë ata zbatojnë urdhrat dhe detyrat në shërbim të atdheut.
“Jam ushtarak dhe këtu qëndron ndryshimi, megjithëse ishte një ndryshim i vogël kësaj radhe, se të gjithë pa përjashtim kanë shkuar me dëshirë, në radhë të parë është një detyrim si ushtarak. Unë nuk mendoj dot të mos i bindem urdhrit, çfarëdolloj urdhri me përjashtim të atyre urdhrave që thuhet që bien në kundërshtim me kushtetutën”.
Ndërsa toger Marigleni u dallua nga shokët e tij dhe për faktin që ai dinte pak më mirë se të tjerët gjuhën arabe. Kështu kalon dita dhe për komandot e tjera të rikthyer pranë repartit të tyre.
Kapiten Ylli tregon në hartë zonën e veprimit të forcave tona komando, ndërkohë dy javë pas kthimit nga misioni paqeruajtës ata sapo kanë marrë edhe pagesën në bazë t kontratës së shkruar para nisjes në Irak.
“Pagesat që na u dhanë pas vendimit të këshillit të ministrave, ishte dieta ditore 100 dollarë në ditë, të cilën ne e morëm 2 javë pasi erdhëm. Pasi bëmë dy javë pushime ditën e par të punës u likuiduam me pagesën tonë”.
Ndërsa largohemi nga kjo qendër ushtarake ku stërviten komandot shqiptare, na bën përshtypje kjo parudhë e shkruajtura me shkronja të mëdha e cila është edhe moto e trupave komando./tvklan.al
SUBSCRIBE to “RTV KLAN” on RUclips for more videos!
Për më shumë informacione vizitoni faqen tonë web tvklan.al/
Videot e fundit nga Tv Klan i gjeni në faqen tvklan.al/video/
Follow Tvklan on Facebook: / tvklan
Follow Tvklan on Instagram: / rtvklan
Programet e Tv Klan mund t’i ndiqni edhe në faqen tvklan.al/prog...