Fikr qil, odamsan hayvondan farqli...

Fikr qil, odamsan hayvondan farqli,
Har kuning o‘tmasdan qolmaydi zavqli.
Qilolsang kimnidir ozgina baxtli,
Sendan xursand bo'lsa shuyam bir Savob!
Notanish qoqilsa sal suyab o'tsang,
Yaqining zardasin ichinga yutsang.
Ojiz bandani qo'lidan tutsang,
Chin dildan qilolsang shuyam bir Savob!
Yig‘lagan ko'zlarga tutsang dastro'mol,
Ishq degan tuyg'uni qilmasang uvol.
G'am bosgan ko'ngildan so'rasang ahvol,
Og'rinmay bajarsang shuyam bir savob!
Padaring qo'liga bo'lolsang aso,
Seni deb yursa gar qomati raso.
Sandan rozi bo'lmay qilmasin qazo,
Duosini olsang shuyam bir savob.
Onangga shart emas atlasdan ko'ylak,
Kutmaydi hech nima mehrdan bo'lak.
Oyog'ini o'pib bo'lolchi o'rnak,
Qadrni bilolsang shuyam bir savob.
Boy bo'lib jigarga qurib berma taxt,
Ularga ajratgin qimmatbaho vaqt.
Oqibatli bo'lsang ular uchun baxt,
Rishtani uzmasang shuyam bir savob.
Ayoling qolmasin mehringga muhtoj,
Oilangga jon kuydir, ko'zlaringni och.
Xaromdan foyda yo'q halolda rivoj,
Farzandlar o'stirsang shuyam bir savob.
Sevib qolsang agar aytolsang unga,
Mehrni qozonsang mayli bir zumga.
Birga nafas olsang sevinsa shunga,
Telbadek suyunsa shuyam bir savob.
Obro'ying bor bo'lsa, g'ururli bo'lsang,
G'urur deb sevgiga egilmay qo'ysang.
Hijron azobida o'rtanib to'ysang
Sog'inib qo'yolsang shuyam bir savob.
Qalbi o'ksiklarni aldab yurmasang,
Tuyg'uda o'ynashib soxta kulmasang.
Ustida miriqib agar kulmasang
O'zingni tiyolsang shuyam bir savob.
Savobga zakot ham mehr ham o'tar,
Kimdir pul, kimdir muruvvat kutar.
Foniyda har ishing deyarin kutar
Nafsingni tiyolsang shuyam bir savob.
She'rimni o'qisang topolsang ma'no,
Mayli ichingda bir degin "Tasanno!".
Chala shoiraman emasman dono,
Yashang deb alqasang shuyam bir savob!
✍....
🎙Ilhomjonovna

[@Ergasheva.R]

Yashang ❤

[@Youk_Hayul]

👍🏻👍🏻👍🏻👍🏻

[@SeyranRozygeldyyew]

Тасанно❤️