З.Түмэнжаргал Х.Билэгжаргал Дуулж л явъя даа

ДУУЛЖ Л ЯВЪЯ ДАА
(“Цахилж яваа гөрөөс” киноны дуу )
Нуугаад нуугаад уйлсан юмсан даа
Нулимсан дунд минь уулс дайвалзлаа.
Үйлээ даагаагүй заяа минь хөөрхий
Өнчрөөд хоцорсон зүрх минь хөөрхий.
Усны ангир шиг буцахыг чинь мэдсэнгүй
Уулсынхаа дунд уйлж л явахаас даа.
Аяархан аяархан мэгшсэн юмсан даа
Аниад харахад минь газар шаргалтлаа.
Хайр даагаагүй чи минь хөөрхий
Хайхрамжгүй явсан сэтгэл минь хөөрхий.
Зээрийн сүрэг шиг хулжихыг чинь мэдсэнгүй
Зэрэглээт талдаа дуулж л явахаас даа.
Дэндүү дэндүүхэн дассан юмсан даа
Дэнслээд шаналахад минь салхин аргадлаа.
Хатууд халирсан итгэл минь хөөрхий
Хажууд бүлтгэнэсэн үр минь хөөрхий.
Усны ангир шиг буцахыг чинь мэдсэнгүй
Уулсынхаа дунд уйлж л явахаас даа.
Зээрийн сүрэг шиг хулжихыг чинь мэдсэнгүй
Зэрэглээт талдаа дуулж л явахаас даа.