7 “Virtuozet” qe shkojne ne finale

Virtuozët finalistë të 9 mbrëmjeve spektakël talentesh në muzikën klasike janë shtatë. Treshja e jurisë dha verdiktin e saj, pasi i dëgjoi dhe i pa për të dytën herë në konkurrimin e së Dielës. Në gjininë e kantos, fitues janë dy djemtë, Arturi dhe Xhoideni.
Në balet, dy zonjushat Menajda dhe Eskejda.
Tre më të mirët në instrument, Laura ...Tedi...dhe Klaudio....
Konkurrimi mes 14 të rinjve, shpesh here i la vendin edhe të ftuarve të mbrëmjes. Mirjam Tola doli në profesionin e saj, të sopranos, pas 9 javësh gjyqtare te “Virtuozët”.
Nga Gjermania, e konkretisht nga Teatri i Operas së Berlinit, për të dhënë mesazhin e saj erdhi pianistja dhe dirigjentja Elda Laro.
Pak para shpalljes së finalistëve, për herë të parë në një skenë shqiptare u ngjit një emër i jashtëzakonshëm i baletit klasik, e vlerësuar në 2011 si balerina e dekadës, spanjollja Lucia Lacarra. Te “Virtuozët” kërceu me bashkëshortin e saj, një tjetër balerin shqiptar i suksesshëm, Marlon Dino.
Produksioni prezantoi në gjysmëfinale edhe kupën që do të çojë në shtëpi secili nga finalistet në gjininë e kantos, baletit dhe instrumentit, të Dielën e 15 Prillit, në Klan.