Ane Paška - A CA ĆU JA? (Improvizije, GKL Split)

Reka mi je da me iska po životiman
Pa me parića, obuka mi je njegove puknute gaće, jerbo su moje pokisle
Nasmija mi se s ona dva oka kaj dva drva za oganj užgat
poša je u butigu kupit kruva i parizera
potega me za ruku, poni na trajekt i parti skupa s manon na otok, ubrdo..
Na leđa je nosi boršu od sto kili, onda je i moju uze, i onda je i mene diga uzrak, i da vidiš kako me je nosi..
Niš ni govori, samo je diha.
Nisu me više vidili ni mat ni otac
niki me više ni vidi
zgubila san se u svoje sarce, a u gubicu mi je samo propuh osta.
Niš.
Niš mi ni uglavu ostalo dok ni pukla!
A ca ću jaaaa, a ca ću jaaaaa?
Kad je meni lipo s njin kuvat, lipo mi je s njih gedat u prazno
pa se punit tišinon
jerbo sve ca on ima za reć
sve stane u jednu jedinu besedu
ali neću van reć ka je, neću!
Jerbo previše je govoriju a premalo je živeju..
NE MORE TO TAKO! NE MORE!
I sunce su ubili, sunce je palo na zemlju i umrlo!
Ca misliš da je to lipo za vidit?
Ca misliš da je to lako za vidit?
I ca sad?
Sad triba dignut svoju glavu uzrak, ruke, noge, oci..
Sve diži uzrak!
I triba pivat
pa makar tiho, pa makar u tišinu
samo da sunce cuje da nismo Mi pali mrtvi
i da nas ima još ki živeju i pivaju
da nas ima još ki voliju
da nas ima još ki želiju
ki puno želiju da nam sunce živiš
jerbo ne moremo mi bez tebe živit
ne more!
Oživit ćeš ti sunce, jebentiboga, pa makar ja pala mrtva!
Sve ću dat, sve ću dat!
Vo su ti, noge, gubica, želudac, oci, sve nosi ća
u pizdumaterinu
sve nosi ća!
Sve nosi ća!
Sve nosi
Samo mi njega ostavi..
Kad me već iska po životiman
da se baren ovaj život još malo pipkamo i njušimo
pa nek se i pokaramo tu i tamo
ca ima veze?
Bitno da se smijemo...
A ca ću jaaaaaaaa....
A ca ću jaaaaaaaa....
Scena by Miranda Vidović
Kostim by Božena Spahija
Make up by Enia Milanko
Naušnice by Mladen Grubić (Grubić Design)
Dizajn zvuka by Eugen Jeličić
Kamere i montaža by Darko Škrobonja
Dizajn svjetla by Lucijan Roki
Ljubav i podrška u svakom smislu by Kaja Zulin
Magija prepoznavanja i širenja u prostor by Marijana Radoš
Produkcija: B613
booking: [e-mail]
00385 95 252 0012
/ anepaskaart
/ anepaska