1995 жыл. Қанат пен Айткүл Құдайбергеновтер ақын Нүсіпбек Исахметовтың 60-жылдық мерейтойында.

Қанат пен Айткүл Құдайбергеновтер ақын Нүсіпбек Исахметовтың 60-жылдық мерейтойында. Алматы облысы Іле ауданы Ынтымақ ауылы. 1995 жыл
Қанат пен Айткүл Құдайбергеновтер - Қазақстан Республикасының еңбек сіңірген әртістері (1998 ж.). Домбырамен ең алғаш болып қазақ әндерін дуэтпен орындаған кәсіби әншілер.
Құдайбергеновтердің отбасылық ансамблінің құрылу тарихы
Құдайбергеновтер жанұялық ансамблінің құрылу тарихы Қанат пенен Айткүлдің тұзының жарасып, шаңырақ көтеруінен басталды.
Екеуі Алматыдағы "Қазақконцерт" бірлестігі жанындағы жастар эстрада-цирк студиясын (қазіргі Ж. Елебеков атындағы Алматы эстрада-цирк өнері колледжі) бірге оқыды (1975-1977 ж.ж.). Қанат профессор, күйші Құбыш Мұхитовтың класынан дәріс алған. Айткүл Халық әртісі Ғарифолла Құрманғалиевтің класынан халық әндерін, жырларын орындаушы әншілікті меңгерді.
1977 жылы Мәдениет Министрлігінің жолдамасымен, қос әнші өнер жолын Қарағанды облыстық филармониясының жанынан құрылған "Гәкку" ансамблінде бастады.
1983 жылы Республикамыздың мемлекеттік "Гүлдер" ансамбліне шақырылып әнші, күйші ретінде өздерін кәсіби тұрғыда жоғары дәрежеде көрсете білді.
Бірнеше республикалық және халықаралық фестивалдардың жүлдегері болды.
Бүкілодақтық жастар творчествосы конкурсының лауреаты атағын алды.
Өнерлері жоғары бағаланып Әлемнің түкпір-түкпірін шарлады. Шет мемлекеттерде қазақ өнерін дәріптеді. Швеция, Үндістан, Кипр, Польша, Ауғанстан, Мексика, Жапония, Түркия, Болгария, Шри-Ланка тағы басқа көптеген шет мемлекеттерде қазақтың домбырасын, әнін, күйін паш етті.
1988 жылдан бастап ерлі-зайыпты Құдайбергеновтер Сүйінбай атындағы Алматы облыстық филармониясында жанұялық ансамбль құрып, еңбек етіп келеді. Ансамбль құрамында өздерімен бірге іні-қарындастары, балалары мен немерелері өнер көрсетіп жүр. Сондай-ақ "Терісқақпай" әзіл-сықақ театрымен тығыз шығармашылық байланыста.
Мәлімет kk.wikipedia.o... сайтынан алынған
Каналымызға жазылуға ұмытпаңыздар!

[@user-mw5ox4wy5u]

Тамаша

[@user-vt3zc9re6g]

Көкем мен жеңгем, рахмет сіздерге

[@user-mb1pj6br8v]

Керрремет@