Paschal Stichera in Church Slavonic (byzantine chant)

Full the Stichera of Pascha plus doxastikon plus troparion of Pascha - Christ is risen - perfmormed by youth choir of st. John Damascene from Russia. English subtitles. Byzantine melody - the 5th tone.
Stihirile Pastilor + Ziua Invierii + Hristos a inviat.
Stihire Pashe + Voskresenija den + tropar Hristos vaskrse
стихиры Пасхи + Воскресения день + Тропарь Христос воскресе
Stichery Paschy + Zmartwychwstania dzień + troparion Chrystus zmartwychwstal
Да воскреснет Бог, и расточатся врази Его.
Пасха священная нам днесь показася; Пасха нова святая; Пасха таинственная; Пасха всечестная. Пасха Христос Избавитель; Пасха непорочная; Пасха великая; Пасха верных. Пасха двери райския нам отверзающая. Пасха всех освящающая верных.
Яко исчезает дым, да исчезнут.
Приидите от видения жены благовестницы, и Сиону рцыте: приими от нас радости благовещения, Воскресения Христова: красуйся, ликуй и радуйся, Иерусалиме, Царя Христа узрев из гроба, яко жениха происходяща.
Тако да погибнут грешницы от Лица Божия, а праведницы да возвеселятся.
Мироносицы жены, утру глубоку, представша гробу Живодавца, обретоша Ангела на камени седяща, и той провещав им, сице глаголаше: что ищете Живаго с мертвыми; что плачете Нетленнаго во тли? Шедше, проповедите учеником Его.
Сей день, егоже сотвори Господь, возрадуемся и возвеселимся в онь.
Пасха красная, Пасха, Господня Пасха! Пасха всечестная нам возсия. Пасха, радостию друг друга обымем. О Пасха! Избавление скорби, ибо из гроба днесь, яко от чертога возсияв Христос, жены радости исполни, глаголя: проповедите апостолом.
Слава, и ныне: Воскресения день, и просветимся торжеством, и друг друга обымем. Рцем братие, и ненавидящим нас, простим вся Воскресением, и тако возопиим:
Христос воскресе из мертвых, смертию смерть поправ, и сущим во гробех живот даровав.