انا ممتنة كثير يابنتي وحببتي نورت طريقي اصبحت لدي اولوياتي واهدافي حققت كثير معك الكل كان بيضحك علي لكبر سني لكن حققت احلامي شكرا من قلبي بعد ماتبت الجدور اشتغل على مشاريعي بكل ثقة 👏👏👏
و الله ما حتصدقي كمية السعادة الي بتديهالنا يوم الاحد صباحا ، مش معقول بداية من الاسم و اللوغو و الرزانة الي في صوتك ، موضوعيتك و احاطتك بكل الموضوع من كل الزوايا فيديو مدروس و متعوب عليه الله وحده يجازيك عننا كل خير يا رب
السلام عليكم متابعك من ليبيا اتمني اتنزلي فيديو اتوري فيه تأثير التنظيم علي حياتك عشان يكون فيديو تحفيزي ويوري الفرق بين الانسان المنظم وغير المنظم وشكرا
اهلا بيك وشكرا لك على مرورك وتعليقك.... من وقت للتاني باعمل حلقات خاصة باتكلم فيها عن مواضيع شبيهة، اعتقد نوفمبر اللي فات او اللي قبله عملت فيديو مشابه، لكن فعلا هو قديم وقد احدثه مستقبلا... شكراجزيلا على الاقتراح..
شكرا لك انجي جدا جداااا عالمواضيع الرائعه والمفيدة وابشرك جلست ورتبت كل مهمه وتنظيف وشوي شوي وانتهت المهام مهما كانت بسيطة وقائمة طويله ❤❤❤ في انتظار طريقتك في التعليم الذاتي لاني عندي تسويف في هذا الامر للاسف +ممكن تعملي فيديو عن الكتب اللي قراتيها او فادتك ❤❤
مبروك حبيبتي ومن نجاح لنجاح دوما يا رب.. بالنسبة للكتب فانا لا اقرأ في المجال ده لانه بالنسبة لي ممارسة وتجربة مش نظرية، يمكن كتاب واحد اللي قرأته مثلا، اما القراءة بصفة عامة فدي قصة أخرى طبعا،، اما الدراسة الذاتية فدي قصة طويلة غالبا حيكون لها اكثر من حلقة ان شاء الله لان فعلا تفاصيلها كتير،، لكن لا اعتقد اقدر اتكلم فيها قبل ما اتحقق من الاسلوب اللي باتبعه حاليا الاول.
فيديوهاتك حلوة أوي ما شاء الله ❤ متابعاكي من زمان ودايما بستفيد منها ❤ بس كنت عايزة اسأل حضرتك الاقي فين الورق بتاع الاجندة السنوية والشهرية و شكرا جدا ❤
ربنا يباركلك استاذه انجى انا ام ومدرسه واخذت قرار اطور من نفسى بالقراءه وفعلا جبت كتابين سندريلا وشهراذات من سنه ولم التزم وقلت اسمع فديوهات تدبر سوره البقره ولم التزم ازاى اقاوم نفسى مع انى حبيت اتابع مسلسل وبستناه وشكراً
ما تغرقيش نفسك بكتب ومفيديوهات،، حتتوهك وانت لسه بتبدتي.. الحاجات دي تساعدك تكملي لما تكوني بدأتي لانك مش بتاخديها كلها انما بتاخدي افكار تعالج نقاط معينة،، فلو مش عارفة ايه النقاط اللي محتاجة تعالجيها اصلا انت كده بتخاطري بالتشتت.. ابدأي بحاجة بسيطة،، شوفي اكتر شيئ عامل لك مشكلة حاليا وهو ده اللي تتعاملي معاه اولا وقبل كل شيئ... ايه اكتر حاجة محتاجة تنظيم في حياتك وبدونها فيه مشكلة حقيقية عندك؟
فعلا التعليم الذاتي صعب وانا بعاني منه ان مفيش ديدلاين ولو حطيته لنفسي بحس ضغط اوممكن اتجاهله تماما حتى التنظيم والمتابعة بالنسباله غير كل المشاريع التانية ف بجد مستنية الفيديو الجاي بفارغ الصبر, كمان بضيع بين كل ابليكيشن والتاني عشان نفسي الاقي حاجة فيها progress par ومش بلاقي دا ومش عارفة هل الحل لدا هو الاجندة الورق واعمل فيها ايه ساعتها , وشكرا ليكي على كل حاجة بتقدميها
الفيديو ممكن يتأخر شوية لاني انا شخصيا لسه في اول الطريق ولسه بلاقي حلول لعقبات كتير منها ما ذكرتيه بالضبط،، بس بالنسبة للمواعيد انا حليتها باني خليت حدودي هي السنة الدراسية العادية، انا بدأت في سبتمبر وناوية ان شاء الله اخلص ابريل-مايو في موعد انتهاء السنة الدراسية العادية.. حطي منهجك ومصادرك وقوليلي حتقسميها ازاي من هنا لابريل القادم.
تسلمي ع الافكار الجميلة دي ❤ ممكن تقوليلي ازاي اشتغل ف الفترة المسائية عندي روتين مسائي للبيت والعناية بلتزم بيه بالعافية يوم اه واتنين لا وعندي حاجات مضغوطة فيها وكل يوم من 6-11 ده وقت ضايع بحس دماغي خلاص فصلت م مود الشغل والانجاز وعايزة اليوم يخلص وبس
ده طبيعي على فكرة انا بعد الشغل باكون غير قادرة على اي انجاز من اي نوع.. بحاول اي حاجة محتاجة اعملها تكون وقت الشغل لو لها علاقة بالعمل، او بعد الشغل مباشرة قبل ما اطلع البيت، يعني مثلا كنت باكتب سيناريوهات القناة او ادرس للماجستير بعد الشغل، باخد ورقي واروح اقعد في مكان اقدر اشتغل منه ساعة او ٢ قبل العودة للبيت لاني عارفة اني لو روحت مش حانجز اي شيئ،، او ادرس قبل الشغل، كنت باصحى الساعة ٥ وادرس ساعتين قبل ما ييجي موعد العمل، كان بيبقى صعب شوية التركيز بالنسبة لي بس ممكن جدا في هدوء الصباح... المهم اي شيئ محتاج تركيز كنت انجزه قبل العمل في البيت او بعد العمل في مكان آخر غير مرتبط في ذهني بالراحة... غير كده ممكن تعودي نفسك على العمل في البيت مساء، بتحتاج وقت ومجهود شوية لكن ممكنة جدا جدا واكثر استدامة كتير لو عملك ده حيستغرق منك وقت طويل، سنوات يعني زي الدراسة كده... بترجعي البيت تاخدي راحة تحاولي تنامي ٢٠ دقيقة فقط... مش اكثر من ذلك (بيسموها غفوة الطاقة، ودي اتكلمت عنها في سلسلة النوم) وتبدأي العمل في مكان ثابت ووقت ثابت مرتبطين في ذهنك بالعمل وياريت مش غرفة النوم،، حتلاقي نفسك مش بتركزي اكتر من ١٥ دقيقة ومرهقة، مش مشكلة كملي بقدر المستطاع وتدريجي حتلاقي نفسك اتعودتي وبتزودي المدة تدريجي تدريجي لحد الوقت اللي تفضليه. المسألة كلها مسألة اختيار الاسلوب الانسب لك،، مافيش قاعدة واحدة ولا صح وغلط، فيه تجربة لحد ما توصلي للحل الأنسب... الدافع القوي وترتيب الأولويات بيساعدوكي هنا كتير على تخطي الارهاق ده.
استخدمي اول حاجة تجيب معاكي نتيجة كويسة وما تفكريش تغيريها خالص حتى لو ظهر غيرها.. افتمري احنا مش بندور على الاداة المثالية، ومافيش حاجة حتستمر معانا العمر كله، احنا بندو على اللي يخلينا نعدي وبس..
كنت عملت عنه فيديو قبل كده في سلسلة هدفي هو وسلسلة خطوة بخطوة، أحد الافكار هي حساب متوسط الدخل وحساب الميزانية على اساسه، فما زاد منه في شهر لا يتم صرفه، لكن يتم الاحتفاظ به لتغطية العجز في الشهور الأخرى اللي يكون فيها الدخل اقل، وضروري طبعا عمل نوع من "صندوق الطوارئ" تحتفظ فيه بما يعادل مصاريف الحياة لمدة ٣ او ٦ شهور، للفترات اللي يكون الدخل فيها معدوم تماما.
السلام عليكم ورحمة الله وبركاته أولا جزاك الله خير الجزاء على افادتك َمعلوماتك القيمة دي ثانيا :حضرتك انا شخص بجد صعوبة جدا في التنظيم مش بعرف ارتب أولوياتي ولا بعرف أنظم وقتي ولا بعرف اعمل جدول أسبوعي ولا شهري ولا سنوي ولا حتى يومي ودايما بحس ان الوقت قليل جدا مش مكفي وانا في حاجات كتير جدا عايز اخلصها كلها مهمه وكلها ليها الأولوية ومش عارف اعمل أي او اتصرف ازاي عايز اعمل جدول أسبوعي يكون في وقت لكل جزء في حياتي بس دائما يبقى كبير وفي تاسكات كتير ودا لان الغالبية من المهام تتطلب شغل يوميا مينفعش فيها شغل يوم او يومين في الأسبوع وكمان غالبيه التاسكات بتكون اوراد بتاخد وقت كبير لادائها فأنا مشتت جدا وتائه جدا ومش عارف اعمل أي؟
لل شيئ مهم، ده أكيد.. لكن كل شيئ له الأولوية، مش ممكن.. الفكرة اننا في قلب المعركة دي وطول الوقت مشغولين باللي ورانا فبيكون صعب علينا بطبيعة الحال الفصل بين الأهم فالمهم.. ودي مهارة بتكتسب بالوقت والتمرين.. فيه فيديو حديث على القناة عن الادوات اللي ممكن نستعملها لتحديد الاولويات، أرجو ترجع له وتاخد منه بعض الأفكار اللي ممكن تساعد... مش كل الأفكار، لكن بعضها.. اما فكرة الجدول الاسبوعي والشهري واليومي فهي غير ضرورية ابدا،، ممكن جدا طبيعة حياتك ومهام لا تتناسب مع الزام نفسك بجداول بالشكل ده... ممكن مثلا قائمة مهام واحدة كبيرة فيها كل حاجة ومقسمة حسب الموضوع او التوقيت، أو المكان، تاخد منها كل يوم كيفما تيسر لك تكون انسب... بس المهم تراجعها يومي واسبوعي علشان تتأكد انك ماشي بشكل متوازن في مهامك ومافيش حاجة اتنست.. طبيعة مهامك واهدافك وشغلك بتفرق كتير، تفاصيل حياتك اليومية بتفرق كتير مش كل الطرق تناسب الجميع فما تلزمش نفسك بطريقة،، ابدأ بقائمة واحدة وجرب،، مع الوقت حتلاقي انك بترتب مهام معينة بشكل معين لأن الضرورة حتمت كده.. فحاول تبدأ بداية بسيطة كده وطورها بعد كده، مش مضطر تلوم نفسك بأسلوب تخطيط معين ابدا. المهم تحدد أولوياتك، وإلا تظل المشكلة قائمة،، جرب اي فكرة من الفيديو اللي ذكرته وقل لي وصلت لايه.
تدريجي كله بييجي ان شاء الله بس لازم ترتبي اولوياتك،،، اولا تهتمي بصحتك لان كل شيئ تاني مبني عليها، لو مش مرتاحة نفسيا او جسديا مافيش حاجة تانية حتمشي للاسف،، خليها اولوليتك انك ترتاحي وصحتك تتحسن، دي لوحدها حتختاج منك تركيز كبير، فحاول تأجلي اي شيئ تاني قابل للتأجيل لحد ما صحتك تتحسن، بعد كده ان شاء الله نبدأ نزود حاجة حاجة بالتدريج، لكن مش كل شيئ مع بعضه مرة واحدة.
مش موجودة في مكتبات خالص، فيه ناس بتعملها اونلاين زي Violet eve planner Myway craft studio وانا باعمل ورقي بنفسي مش باشتريه جاهز.. بس حكاية سعر حنين دي صعبة شوية لان تكلفة الأجندات فعلا عالية دلوقتي، الورق غلي ٤ اضعاف سعره الأصلي ولسه بيغلى، غير تكلفة الطباعة بكل الاحبار الملونة دي، والنقل والتوزيع وغيره وغيره... ربنا يسترها والله
بعمل like قبل ما أشوف ال Vedio وبعد مابشوف ال Vedio ❤❤ كل أفكارك حلوة أوي يا بجد ❤ ممكن تساعديني في حاجه يا إنجي لو تقدري، أنا بعمل To-do list ليومي والحمد لله بخلص كل حاجه بكتبها وأحيانا كتير بكون productive أوووي وبعمل حاجات زياده، وأيام تانيه أبقى مش عارفة أخلص الأساسيات من شغل وكتابه في ال thesis بتاعتي وترتيب في البيت والطبخ وكده😢 وعملت جدول لأسبوعي كان كارثة بالنسبالي وجالي إحباط إني معرفتش ألتزم بالجدول في حين لو عملت يوم بيوم ببقى كويسة إلى حد كبير، هل أنا شخصيتي كده مثلا؟ مش عارفة أنظم أسبوعيا بس يوميا عادي؟ وليه ببدأ في الحاجه بحماس ونظام وبعدين بقف في ربع أو نص الطريق؟ طبعا بحط أهداف منطقيه وخطوات عمليه ودارسة وعارفه المفروض أعمل ايه بالظبط بس بقف وبشوف كتير vedios ازاي أرجع أتحمس تاني وهكذا برجع أقف🥺
هي دي طريقتك في الشغل،، واعرف ناس كتير كده على فكرة، طاالما بتنجزي ومرتاحة يبقى انت ماشية صح ومافيش اي مشكلة ان شاء الله. المهم تفضلي متابعة ، عندك نظرة شاملة شوية ايه اللي المفروض يتعمل خلال الفترة الحالية علشان لو ايام كتير ورا بعض ما انجزتيش تبقي واخدة بالك ايه اللي محتاجة تهمي فيه شوية لما ترجعي تاني لحالة النشاط بتاعك وايه ممكن يستني لوقت تاني، علشان الحاجات المرتبطة بتوقيت زي الرسالة كده ما تضيعش منك.. فخليكي بس متابعة اول بأول ايه اتعمل وايه لأ.. طالما بتنجزي فعلا يبقى دي طريقتك فما تضغطيش على نفسك. وطبيعي برضه جدا ان الحماس ياخدنا الاول وبعدين يخفت ونرجع ندور على تشجيع، دي طبيعة الحماس، انه مؤقت وزائل كمان.. انت لو جعانة او عايزة تنامي حماسك للشغل حيقل! فده طبيعي... الحماس للبداية فقط وليس للاستمرار، الاستمرار نظام،، وطالما بترجعي تنجزي مع الوقت فما تقلقيش ان شاء الله.
دي مشكلة حقيقية فعلا احساسنا الدائم بالقلق، وده فعلا ممكن يعوق حياتنا كتير... لكن اللي محتاجين ندركه ان خططنا تتعلق فقط بما لنا سيطرة عليه،، حالة الحرب شيئ خارج سيطرتنا وبالتالي لا نقدر نعمل فيها حاجة ولا نقدر نبني حياتنا عليها، لانها في علم الغيب تماما، مهما كانت حوالينا من مؤشرات. ونفس الشيئ بالنسبة للارتباط كمان،، ده شيئ صعب نخطط له في الحالات الطبيعية اساسا لانه رزق في علم الغيب... فكري فيما لك عليه سيطرة اولا،، الحاجات البسيطة اللي بتريحك، وبالتسبة للمستقبل، خططي له، بس خليها خطط للمستقبل القريب،، كل سنة او سنتين او ٣... تدريجي لحد ما تحسي انك مسيطرة على مجريات حياتك اليومية على الاقل بشكل افضل،، فلما تيجي فرصة للارتباط يمكن تكوني أهدأ ساعتها ومتقبلة الفكرة رغم كل ما حولنا من عدم يقين. ربنا يصلح الأحوال ويحمي بلادنا يا رب.. ما تقلقيش،،، احنا مع بعض وان شاء الله خير..
@ayahtarek7996 القلق طبيعي بس الطبيعي برضه انك تحاولي تطلعي من الحالة دي ضروري، لان القلق ده ممكن يسيطر على حياتك تماما ويضيعك،، اعملي اللي تقدري عليه لانك لو استمريتي كده حتدخلي في حالة مش كويسة ابدا وده اللي حيكون مرحلة مش طبيعية. حاولي تتكلمي مع حد عن مخاوفك، مش باقول دكتور، لكن اهل او اصدقاء،، اول واحسن طريقة لتخفيف القلق انك تخففي الضغط اللي جواكي بالحديث عنه، لان القلق من الامور غير المنطقية او الامور اللي مالناش عليها سيطرة مش بيتعالج غير لما نخف الضغط ده شوية بالحديث عنها والا تتكتم جواكي وتكبر وتتوحش! انا ارتكبت الخطأ ده كتير زمان وندمت عليه، عطلني وضيعني سنين.
![Chino Pacas - Modo Capone (with Drake & Fuerza Regida) [Video Oficial]](http://i.ytimg.com/vi/zjv8TQ0gBkg/mqdefault.jpg)
انا ممتنة كثير يابنتي وحببتي نورت طريقي اصبحت لدي اولوياتي واهدافي حققت كثير معك الكل كان بيضحك علي لكبر سني لكن حققت احلامي شكرا من قلبي بعد ماتبت الجدور اشتغل على مشاريعي بكل ثقة 👏👏👏
ماشاء الله قد ايه حضرتك طاقة ايجابيه👍👍
الحمد لله،، كله بفضل الله ومثابرتك انت... حبيبتي ربنا يبارك لك ويسعدك وتحققي أكتر واكتر كمان 🧡🧡🧡🧡
ممكن تعطيني افكار كيف غيرتي حياتك للافضل ، انا كنت معلمة وتقاعدت مبكر بس فيني طاقه اعمل أمور بحياتي لكن متلخبطه مش عارفه ابدأ من فين ، انتي عملتي ايه ، ممكن تقولي لي تجربتك مع اجنده ❤
@@IngyAgenda( بفضل الله ثم مثابرتك )
انا ليسه دلوقتي بكلم نفسي وقول انا كبيرة بقالي ايه علشان اتغير فات الوقت على الغير واذا بتعليقك يطلعلي نعمة من عند ربنا. شكرا حبيبتي
و الله ما حتصدقي كمية السعادة الي بتديهالنا يوم الاحد صباحا ، مش معقول بداية من الاسم و اللوغو و الرزانة الي في صوتك ، موضوعيتك و احاطتك بكل الموضوع من كل الزوايا فيديو مدروس و متعوب عليه الله وحده يجازيك عننا كل خير يا رب
مش عارفة اقول ايه والله، سعيدة بالكلام ده لكن ادعو الله ان اكون على مستوى هذه التوقعات والله ويجعلني عند حسن ظنكم بي دايما يا رب
احلى تنظيم و اجمل صوت يريحني في كل RUclips. انت نعمة يجب ان نحمد الله عليها.
متتبعة وفية من فرنسا ❤.
حبيبتي تسلميلي يا رب 😘😘😘
ماشاء الله، فرق معايا جدا
وفي انتظار التخطيط للمشارع حقيقي🤗
❤❤❤❤وحشتيني نزليلي بقي set up للاجنده الورقيه بتاعتك اطبعها علشان انا بمشي بالأجندة بتاعتك سنوي وشهري
اكيد تعجبنا الأفكار
شكراً جزيلاً انجي ❤
من فضلك ما تغيبيش كثير...اشتقنا لك❤❤❤
شكراً على عودتك للنظام الوَرَقي 😍 هو المفضّل مهما تقدمت الوسائل وأساليب التنظيم ..شكراً على هذه الأفكار المميزة كما عودتينا دائماً 💐
وحشتني اوي فيديوهات التخطيط بتاعتك يا انجي وبتشجعني جدا ولازم بلاقي فيها افكار جديدة تسلمي ودايما مبدعة ❤
❤️❤️
وفعلاً ياريت تعطينا بعض الأفكار لتنظيم الميزانية .. وكيفية إدارتها وسط الظروف المحيطه
مذا حد طلب مني الميزانية وححاول اخليها في الخطة المقبلة ان شاء الله
دوما استفيد منك جزاك الله خيرا .
السلام عليكم متابعك من ليبيا اتمني اتنزلي فيديو اتوري فيه تأثير التنظيم علي حياتك عشان يكون فيديو تحفيزي ويوري الفرق بين الانسان المنظم وغير المنظم وشكرا
اهلا بيك وشكرا لك على مرورك وتعليقك.... من وقت للتاني باعمل حلقات خاصة باتكلم فيها عن مواضيع شبيهة، اعتقد نوفمبر اللي فات او اللي قبله عملت فيديو مشابه، لكن فعلا هو قديم وقد احدثه مستقبلا... شكراجزيلا على الاقتراح..
صباح النور والسرور...اكيد افكار حلوة ❤❤❤
شكرا لك انجي جدا جداااا عالمواضيع الرائعه والمفيدة وابشرك جلست ورتبت كل مهمه وتنظيف وشوي شوي وانتهت المهام مهما كانت بسيطة وقائمة طويله ❤❤❤
في انتظار طريقتك في التعليم الذاتي لاني عندي تسويف في هذا الامر للاسف
+ممكن تعملي فيديو عن الكتب اللي قراتيها او فادتك ❤❤
مبروك حبيبتي ومن نجاح لنجاح دوما يا رب..
بالنسبة للكتب فانا لا اقرأ في المجال ده لانه بالنسبة لي ممارسة وتجربة مش نظرية، يمكن كتاب واحد اللي قرأته مثلا، اما القراءة بصفة عامة فدي قصة أخرى طبعا،، اما الدراسة الذاتية فدي قصة طويلة غالبا حيكون لها اكثر من حلقة ان شاء الله لان فعلا تفاصيلها كتير،، لكن لا اعتقد اقدر اتكلم فيها قبل ما اتحقق من الاسلوب اللي باتبعه حاليا الاول.
وحشتينا جدا وشكرا على المحتوى الجميل المفيد جزاكى الله كل خير ربنا ينورلك طريقك زى مابتنورلنا طريقنت 💛
❤️❤️❤️
فيديوهاتك حلوة أوي ما شاء الله ❤ متابعاكي من زمان ودايما بستفيد منها ❤ بس كنت عايزة اسأل حضرتك الاقي فين الورق بتاع الاجندة السنوية والشهرية و شكرا جدا ❤
شكرا حبيبتي... ❤️💓
الورق ده انا باعمله بنفسي، يمكن انزل الجديد على السنة الجديدة، بس حاليا صعب تلاقي اجندات ٢٠٢٤ عموما، المكتبات بدأ ينزل فيها ٢٠٢٥
احلى صباح ده ولا ايه وحشتيني حبيبتي ingy my inergy ❤❤❤
حبيت ingy my energy ❤
حبيبتي 😘😘😘😘
@@IngyAgenda 🥰🥰🥰انجي ليا رجاء خاص يكون الفيديو أسبوعي بجد هتفرقي معانا وتكسبي ثواب 😍😍😍
@bosytarek3234 حبيبتي تسلمي، مش عايزة اوعدك بحاجة وما اوفيش بيها، بس دعواتك اقدر اعملها تاني ان شاء الله
@@IngyAgenda أن شاء الله خير حبيبتي 🥰🥰
ياريت متغبيش علينا وعايزين فيديوهات للميزانيه
ان شاء الله مع السنة الجديدة لاني باعمل لها نظام جديد وباشوف ايه اللي ممكن انزله عنها
ربنا يباركلك استاذه انجى انا ام ومدرسه واخذت قرار اطور من نفسى بالقراءه وفعلا جبت كتابين سندريلا وشهراذات من سنه ولم التزم وقلت اسمع فديوهات تدبر سوره البقره ولم التزم ازاى اقاوم نفسى مع انى حبيت اتابع مسلسل وبستناه وشكراً
ما تغرقيش نفسك بكتب ومفيديوهات،، حتتوهك وانت لسه بتبدتي.. الحاجات دي تساعدك تكملي لما تكوني بدأتي لانك مش بتاخديها كلها انما بتاخدي افكار تعالج نقاط معينة،، فلو مش عارفة ايه النقاط اللي محتاجة تعالجيها اصلا انت كده بتخاطري بالتشتت.. ابدأي بحاجة بسيطة،، شوفي اكتر شيئ عامل لك مشكلة حاليا وهو ده اللي تتعاملي معاه اولا وقبل كل شيئ... ايه اكتر حاجة محتاجة تنظيم في حياتك وبدونها فيه مشكلة حقيقية عندك؟
@@IngyAgenda شكرا لردك
فعلا التعليم الذاتي صعب وانا بعاني منه ان مفيش ديدلاين ولو حطيته لنفسي بحس ضغط اوممكن اتجاهله تماما حتى التنظيم والمتابعة بالنسباله غير كل المشاريع التانية ف بجد مستنية الفيديو الجاي بفارغ الصبر, كمان بضيع بين كل ابليكيشن والتاني عشان نفسي الاقي حاجة فيها progress par ومش بلاقي دا ومش عارفة هل الحل لدا هو الاجندة الورق واعمل فيها ايه ساعتها , وشكرا ليكي على كل حاجة بتقدميها
الفيديو ممكن يتأخر شوية لاني انا شخصيا لسه في اول الطريق ولسه بلاقي حلول لعقبات كتير منها ما ذكرتيه بالضبط،، بس بالنسبة للمواعيد انا حليتها باني خليت حدودي هي السنة الدراسية العادية، انا بدأت في سبتمبر وناوية ان شاء الله اخلص ابريل-مايو في موعد انتهاء السنة الدراسية العادية.. حطي منهجك ومصادرك وقوليلي حتقسميها ازاي من هنا لابريل القادم.
تسلمي ع الافكار الجميلة دي ❤
ممكن تقوليلي ازاي اشتغل ف الفترة المسائية
عندي روتين مسائي للبيت والعناية
بلتزم بيه بالعافية يوم اه واتنين لا
وعندي حاجات مضغوطة فيها وكل يوم من 6-11 ده وقت ضايع
بحس دماغي خلاص فصلت م مود الشغل والانجاز وعايزة اليوم يخلص وبس
ده طبيعي على فكرة انا بعد الشغل باكون غير قادرة على اي انجاز من اي نوع.. بحاول اي حاجة محتاجة اعملها تكون وقت الشغل لو لها علاقة بالعمل، او بعد الشغل مباشرة قبل ما اطلع البيت، يعني مثلا كنت باكتب سيناريوهات القناة او ادرس للماجستير بعد الشغل، باخد ورقي واروح اقعد في مكان اقدر اشتغل منه ساعة او ٢ قبل العودة للبيت لاني عارفة اني لو روحت مش حانجز اي شيئ،، او ادرس قبل الشغل، كنت باصحى الساعة ٥ وادرس ساعتين قبل ما ييجي موعد العمل، كان بيبقى صعب شوية التركيز بالنسبة لي بس ممكن جدا في هدوء الصباح... المهم اي شيئ محتاج تركيز كنت انجزه قبل العمل في البيت او بعد العمل في مكان آخر غير مرتبط في ذهني بالراحة...
غير كده ممكن تعودي نفسك على العمل في البيت مساء، بتحتاج وقت ومجهود شوية لكن ممكنة جدا جدا واكثر استدامة كتير لو عملك ده حيستغرق منك وقت طويل، سنوات يعني زي الدراسة كده... بترجعي البيت تاخدي راحة تحاولي تنامي ٢٠ دقيقة فقط... مش اكثر من ذلك (بيسموها غفوة الطاقة، ودي اتكلمت عنها في سلسلة النوم) وتبدأي العمل في مكان ثابت ووقت ثابت مرتبطين في ذهنك بالعمل وياريت مش غرفة النوم،، حتلاقي نفسك مش بتركزي اكتر من ١٥ دقيقة ومرهقة، مش مشكلة كملي بقدر المستطاع وتدريجي حتلاقي نفسك اتعودتي وبتزودي المدة تدريجي تدريجي لحد الوقت اللي تفضليه.
المسألة كلها مسألة اختيار الاسلوب الانسب لك،، مافيش قاعدة واحدة ولا صح وغلط، فيه تجربة لحد ما توصلي للحل الأنسب...
الدافع القوي وترتيب الأولويات بيساعدوكي هنا كتير على تخطي الارهاق ده.
ممكن يا انجي لينك البلانر ال ٣ شهور مع بعض
حبيبتي 💖💖💖💖💖
كمان ازاي نتغلب على فخ السعي الدائم للبحث عن افضل بلانر او ابليكيشن to do list
استخدمي اول حاجة تجيب معاكي نتيجة كويسة وما تفكريش تغيريها خالص حتى لو ظهر غيرها.. افتمري احنا مش بندور على الاداة المثالية، ومافيش حاجة حتستمر معانا العمر كله، احنا بندو على اللي يخلينا نعدي وبس..
إلك وحشة حبيبتي
كيف تقسيم ميزانيه الدخل الغير ثابت في العمل الحر افشل دائما في طريقة التخطيط للجانب المالي والتقسيم
كنت عملت عنه فيديو قبل كده في سلسلة هدفي هو وسلسلة خطوة بخطوة، أحد الافكار هي حساب متوسط الدخل وحساب الميزانية على اساسه، فما زاد منه في شهر لا يتم صرفه، لكن يتم الاحتفاظ به لتغطية العجز في الشهور الأخرى اللي يكون فيها الدخل اقل، وضروري طبعا عمل نوع من "صندوق الطوارئ" تحتفظ فيه بما يعادل مصاريف الحياة لمدة ٣ او ٦ شهور، للفترات اللي يكون الدخل فيها معدوم تماما.
السلام عليكم ورحمة الله وبركاته
أولا جزاك الله خير الجزاء على افادتك َمعلوماتك القيمة دي
ثانيا :حضرتك انا شخص بجد صعوبة جدا في التنظيم مش بعرف ارتب أولوياتي ولا بعرف أنظم وقتي ولا بعرف اعمل جدول أسبوعي ولا شهري ولا سنوي ولا حتى يومي ودايما بحس ان الوقت قليل جدا مش مكفي وانا في حاجات كتير جدا عايز اخلصها كلها مهمه وكلها ليها الأولوية ومش عارف اعمل أي او اتصرف ازاي عايز اعمل جدول أسبوعي يكون في وقت لكل جزء في حياتي بس دائما يبقى كبير وفي تاسكات كتير ودا لان الغالبية من المهام تتطلب شغل يوميا مينفعش فيها شغل يوم او يومين في الأسبوع وكمان غالبيه التاسكات بتكون اوراد بتاخد وقت كبير لادائها فأنا مشتت جدا وتائه جدا ومش عارف اعمل أي؟
لل شيئ مهم، ده أكيد.. لكن كل شيئ له الأولوية، مش ممكن.. الفكرة اننا في قلب المعركة دي وطول الوقت مشغولين باللي ورانا فبيكون صعب علينا بطبيعة الحال الفصل بين الأهم فالمهم.. ودي مهارة بتكتسب بالوقت والتمرين..
فيه فيديو حديث على القناة عن الادوات اللي ممكن نستعملها لتحديد الاولويات، أرجو ترجع له وتاخد منه بعض الأفكار اللي ممكن تساعد... مش كل الأفكار، لكن بعضها..
اما فكرة الجدول الاسبوعي والشهري واليومي فهي غير ضرورية ابدا،، ممكن جدا طبيعة حياتك ومهام لا تتناسب مع الزام نفسك بجداول بالشكل ده... ممكن مثلا قائمة مهام واحدة كبيرة فيها كل حاجة ومقسمة حسب الموضوع او التوقيت، أو المكان، تاخد منها كل يوم كيفما تيسر لك تكون انسب... بس المهم تراجعها يومي واسبوعي علشان تتأكد انك ماشي بشكل متوازن في مهامك ومافيش حاجة اتنست..
طبيعة مهامك واهدافك وشغلك بتفرق كتير، تفاصيل حياتك اليومية بتفرق كتير مش كل الطرق تناسب الجميع فما تلزمش نفسك بطريقة،، ابدأ بقائمة واحدة وجرب،، مع الوقت حتلاقي انك بترتب مهام معينة بشكل معين لأن الضرورة حتمت كده.. فحاول تبدأ بداية بسيطة كده وطورها بعد كده، مش مضطر تلوم نفسك بأسلوب تخطيط معين ابدا.
المهم تحدد أولوياتك، وإلا تظل المشكلة قائمة،، جرب اي فكرة من الفيديو اللي ذكرته وقل لي وصلت لايه.
لو سمحتي بتجيبي ترافل بلانر منين في مصر
الورق نفسه انا عاملاه، لكن الاغلفة من
Myway craft studio
او
Violet eve planner
دول الاتنين اللي اعرفهم بيعملوه كأغلفة وكورق، لكن موجودين على فيسبوك بس
❤❤❤❤
أنا تايهه ومش عارفه أخطط وأبدأ إزاي ولا منين أنا أم لطفلة وعندي مشاكل صحية ف تأخر الحمل ثانوي وده تعبلي نفسيتي وكمان زعلانه إني مش عارفه إشتغل حاجه معايا تربية عايزة أبدا دروس ومش عارفه اذاكر للدروس وعايزة اوظب ع ورد قرآن بحس اليوم يادوب شغل البيت ومذاكرة البنت وخلص
@Agenda
تدريجي كله بييجي ان شاء الله بس لازم ترتبي اولوياتك،،، اولا تهتمي بصحتك لان كل شيئ تاني مبني عليها، لو مش مرتاحة نفسيا او جسديا مافيش حاجة تانية حتمشي للاسف،، خليها اولوليتك انك ترتاحي وصحتك تتحسن، دي لوحدها حتختاج منك تركيز كبير، فحاول تأجلي اي شيئ تاني قابل للتأجيل لحد ما صحتك تتحسن، بعد كده ان شاء الله نبدأ نزود حاجة حاجة بالتدريج، لكن مش كل شيئ مع بعضه مرة واحدة.
مش عارفه اجيب اجندة زى دى اجيبها منين بسعر حنين
مش موجودة في مكتبات خالص، فيه ناس بتعملها اونلاين زي
Violet eve planner
Myway craft studio
وانا باعمل ورقي بنفسي مش باشتريه جاهز..
بس حكاية سعر حنين دي صعبة شوية لان تكلفة الأجندات فعلا عالية دلوقتي، الورق غلي ٤ اضعاف سعره الأصلي ولسه بيغلى، غير تكلفة الطباعة بكل الاحبار الملونة دي، والنقل والتوزيع وغيره وغيره... ربنا يسترها والله
بعمل like قبل ما أشوف ال Vedio وبعد مابشوف ال Vedio ❤❤ كل أفكارك حلوة أوي يا بجد ❤
ممكن تساعديني في حاجه يا إنجي لو تقدري، أنا بعمل To-do list ليومي والحمد لله بخلص كل حاجه بكتبها وأحيانا كتير بكون productive أوووي وبعمل حاجات زياده، وأيام تانيه أبقى مش عارفة أخلص الأساسيات من شغل وكتابه في ال thesis بتاعتي وترتيب في البيت والطبخ وكده😢 وعملت جدول لأسبوعي كان كارثة بالنسبالي وجالي إحباط إني معرفتش ألتزم بالجدول في حين لو عملت يوم بيوم ببقى كويسة إلى حد كبير، هل أنا شخصيتي كده مثلا؟ مش عارفة أنظم أسبوعيا بس يوميا عادي؟ وليه ببدأ في الحاجه بحماس ونظام وبعدين بقف في ربع أو نص الطريق؟ طبعا بحط أهداف منطقيه وخطوات عمليه ودارسة وعارفه المفروض أعمل ايه بالظبط بس بقف وبشوف كتير vedios ازاي أرجع أتحمس تاني وهكذا برجع أقف🥺
هي دي طريقتك في الشغل،، واعرف ناس كتير كده على فكرة، طاالما بتنجزي ومرتاحة يبقى انت ماشية صح ومافيش اي مشكلة ان شاء الله. المهم تفضلي متابعة ، عندك نظرة شاملة شوية ايه اللي المفروض يتعمل خلال الفترة الحالية علشان لو ايام كتير ورا بعض ما انجزتيش تبقي واخدة بالك ايه اللي محتاجة تهمي فيه شوية لما ترجعي تاني لحالة النشاط بتاعك وايه ممكن يستني لوقت تاني، علشان الحاجات المرتبطة بتوقيت زي الرسالة كده ما تضيعش منك.. فخليكي بس متابعة اول بأول ايه اتعمل وايه لأ.. طالما بتنجزي فعلا يبقى دي طريقتك فما تضغطيش على نفسك.
وطبيعي برضه جدا ان الحماس ياخدنا الاول وبعدين يخفت ونرجع ندور على تشجيع، دي طبيعة الحماس، انه مؤقت وزائل كمان.. انت لو جعانة او عايزة تنامي حماسك للشغل حيقل! فده طبيعي... الحماس للبداية فقط وليس للاستمرار، الاستمرار نظام،، وطالما بترجعي تنجزي مع الوقت فما تقلقيش ان شاء الله.
@@IngyAgenda شكرا أووووي بجد إنك رديتي عليا 😘😘 وشكرا إنك طمنتيني ❤️ ياريت تعمليلنا أفكار كتير كل مايكون عندك وقت، عن كل مايخص الانجاز والترتيب والمحافظة على شعلة النشاط بتاعتنا 😀
M
معلش انا عندى مشكلة ازاى احط خطط للمستقبل وممكن يحصل حرب أنا خايفة جدا لدرجه خايفة اتجوز او ارتبط احسن يحصل حرب قدام ولا حاجه ساعتها هعمل ايه
دي مشكلة حقيقية فعلا احساسنا الدائم بالقلق، وده فعلا ممكن يعوق حياتنا كتير...
لكن اللي محتاجين ندركه ان خططنا تتعلق فقط بما لنا سيطرة عليه،، حالة الحرب شيئ خارج سيطرتنا وبالتالي لا نقدر نعمل فيها حاجة ولا نقدر نبني حياتنا عليها، لانها في علم الغيب تماما، مهما كانت حوالينا من مؤشرات. ونفس الشيئ بالنسبة للارتباط كمان،، ده شيئ صعب نخطط له في الحالات الطبيعية اساسا لانه رزق في علم الغيب...
فكري فيما لك عليه سيطرة اولا،، الحاجات البسيطة اللي بتريحك، وبالتسبة للمستقبل، خططي له، بس خليها خطط للمستقبل القريب،، كل سنة او سنتين او ٣... تدريجي لحد ما تحسي انك مسيطرة على مجريات حياتك اليومية على الاقل بشكل افضل،، فلما تيجي فرصة للارتباط يمكن تكوني أهدأ ساعتها ومتقبلة الفكرة رغم كل ما حولنا من عدم يقين.
ربنا يصلح الأحوال ويحمي بلادنا يا رب..
ما تقلقيش،،، احنا مع بعض وان شاء الله خير..
انا بحاول بس عايشه فى رعب خايفة على مصر خايفة اتجوز واخلف طيب عيالى هيحصلهم زى اطفال غزه وكده ظغط فظيع هو طبيعى ابقى كده صح@@IngyAgenda
@ayahtarek7996 القلق طبيعي بس الطبيعي برضه انك تحاولي تطلعي من الحالة دي ضروري، لان القلق ده ممكن يسيطر على حياتك تماما ويضيعك،، اعملي اللي تقدري عليه لانك لو استمريتي كده حتدخلي في حالة مش كويسة ابدا وده اللي حيكون مرحلة مش طبيعية.
حاولي تتكلمي مع حد عن مخاوفك، مش باقول دكتور، لكن اهل او اصدقاء،، اول واحسن طريقة لتخفيف القلق انك تخففي الضغط اللي جواكي بالحديث عنه، لان القلق من الامور غير المنطقية او الامور اللي مالناش عليها سيطرة مش بيتعالج غير لما نخف الضغط ده شوية بالحديث عنها والا تتكتم جواكي وتكبر وتتوحش! انا ارتكبت الخطأ ده كتير زمان وندمت عليه، عطلني وضيعني سنين.
حقيقى انا ممتنه جدا ليكى بشكرك على اهتمامك وردك وأنا بحبك قوى ❤❤@@IngyAgenda
❤️❤️❤️❤️❤️