يا ونتـي ونـة كسيـر الجبـارة| ضيف الله بن تركي يرثي اخاه عبيد | الشاعر والإعلامي الراحل ياسر الروقي
HTML-код
- Опубликовано: 21 окт 2024
- ضيف الله بن تركي يرثي اخاه عبيد
يا ونتـي ونـة كسيـر الجبـارة=إلى وقف ما احتـال والياقعـد ون
عليك يـا شبـاب ضـو المنـارة=عليـك ترفـات الصبايـا ينوحـن
من مات قبـل عبيـد قلنـا وداره=لا باكـي عقبـه ولا قايـل مــن
تبكيـك صفـرٍ البسوهـا غيـاره=تبكيـك يـوم إن السبايـا يعنـن
وتبكيك وضـحٍ ربعـت بالزبـاره=اليا قزن مـن خايـع مـا يـردن
الخيل عقب عبيد مـا بـه نمـاره=وش عاد لو راحن واش عاد لو جن
يا شيخ ما تامـر عليهـم بغـاره=كود الجروح اللي على القلب يبرن
يقطع صبـي مـا ينـادي بثـاره=إلى اقبلـن ذولـى وذوليـك قفـن
ياهل الرمك كـل يعسـف مهـاره =والمنع ما نطريـه لاهـم ولا حـن
فأجابه شالح بن هدلان بقوله :
ضيف الله اشرب ما شربنا مـراره=إصبر وكنـك شالـحٍ يـوم حـزن
راح الفديع اللـي علينـا خسـاره=واخذ قضاه عبيـد حامـي ثقلهـن
يمنى رمت به ما تجيهـا الجبـاره=اللي رمت بعبيـد فـي معتلجهـن
من نسل ابوي وضـاري للشطـاره=يصيب رمحه يوم الارمـاح يخطـن
وعبيـد خللـي طايـحٍ بالمعـاره=عليه عكفـان المخالـب يحومـن
وعاداتنـا بالصيـد ناخـذ خيـاره=ثلاثة الجذعان غصبـن بـلا مـن
يا قاطع الحسنى ترى العلم شـاره=لابـد دورات الليـالـي يــدورن
حريبنـا كنـه رقـيـد الخـبـاره=خطر عليه اليا توقـظ مـن الجـن
مانـي بقـصـادٍ بلـيـا نـمـاره= أجدع نطيحي بالسهـل وإن تلافـن
من حل دار النـاس حلـوا ديـاره=لابـد مـا تسكـن ديـاره ويغبـن
ومن شق ستر الناس شقوا ستـاره=ومن ضحك بالثرمان يضحك بلا سن
وان كان ضيف الله يعسف مهـاره=فمهارنا من عصـر نـوح يطيعـن
تدنـا لصبيـانٍ سـواة النـمـاره=شهـب لماضيـن الفعايـل يعنـن
الله يرحمهم ويسكنهم فسيح جناته يارب
امين
الاخ :
لو كثرت وجيه العرب و الآصاحيب
ياخوك ماكل الفعول تشابه .