Autostradat pa pushimore e pika karburanti

Autostrada “Arbën Xhaferi” ka gjatësi prej 55 kilometrash, por nuk ka pushimore dhe as pika karburanti. Hapësirat e dedikuara për to janë boshe.
Ngjashëm është situata edhe përgjatë autostradës “Ibrahim Rugova”, ndonëse është përuruar para 11 vjetësh.
Ministria e Infrastrukturës nuk ka kthyer përgjigje në pyetjet e KOHËS, përkitazi me kohën kur autostradat do të bëhen me pushimore dhe pika karburanti.
E, njohësi i çështjeve të komunikacionit, Bekim Ahmeti, thotë se vendosja e tyre është e nevojshme.
“Ish dashtë që autostrada të mos startojë pa i përmbyllur të gjitha elementet përcjellëse. Mirëpo, kur je me fëmijë, edhe me të rritur nuk mundesh askund me gjetë ndihmë”, ka thënë Ahmeti, dhe ka kritikuar qasjen e institucioneve në raport me projektet e mëdha. “Dallon fushata me realitetin - te ne, në fushatë japin jashtëzakonisht premtime të mëdha, pa i analizuar kostot dhe burimet se ku do t’i marrim”.
Ndërtimi i pushimoreve dhe pikave të karburantit do të sillte edhe përfitime ekonomike, thotë ekonomisti Fidan Qerimi.
“Do të krijojnë një mundësi për të bërë biznes, për bizneset që do të operojnë. Gjithashtu do të gjenerojnë vende të reja të punës dhe me këtë do të ndikohej në zhvillimin ekonomik për aq sa do të qarkullojnë ato pika shitëse”, ka thënë Qerimi.
Autostrada në drejtim të Shkupit ka kushtuar rreth 600 milionë euro, ndërkaq ajo në drejtim të Tiranës mbi 700 milionë euro.
Në buxhetin e vitit 2024 janë ndarë 156 milionë euro për infrastrukturë rrugore, prej tyre 62 milionë euro për rehabilitimin e rrugëve, 34 milionë për ndërtimin e rrugëve të reja si dhe 18.5 milionë euro për ndërtimin e autostradave.
Për më shumë na ndiqni në:
Web
www.koha.net/
www.kohavision.tv
KOHA Ditore Online
https:/www.koha.net/koha-ditore/
Facebook
/ kohavisionzyrtare
/ portalikohanet
Instagram
/ kohavision.official
/ kohanetofficial
Twitter
/ kohavisionktv
/ portalikohanet