SIRDARYO UNIVERSAL OYNA HATLOV 22

Xatlov jarayonida soliq qarzdorliklari undirilmoqda
Soliqlar yurtimiz osoyishtaligi, xalqimiz faravonligi uchun sarflanadi. Afsuski, ayrim hollarda tadbirkorlar o‘z majburiyatlarini unutib, soliq to’lovlarini o’z vaqtida to’lamaydi, natijada soliq qarzdorligi vujudga keladi.
Sirdaryo viloyati soliq boshqarmasi Majburiy ijro byurosi mas’ul xodimlari bilan hamkorlikda yuridik va jismoniy shaxslarning egaligidagi mol-mulklari hisobidan soliq qarzdorligini undirish yuzasidan viloyatning barcha tuman va shaharlarida xatlov tadbirlari o‘tkazilmoqda.
Sirdaryo tumanida faoliyat yuritayotgan “Universal” MChJ tomonidan joriy yilning 1-iyulidan 8-avgustiga qadar soliq qarzdorligi hisobidan jami 516,6 mln.so‘m mablag‘ to‘langan. Jamiyatning 8-avgust holatiga soliq qarzdorligi 2 mlrd. so‘mni tashkil etadi. Tumandagi yana bir soliq qarzdorligi katta bo‘lgan “Glass” MChJ tomonidan joriy yilning 1-iyulidan 8-avgustiga qadar soliq qarzdorligi hisobidan jami 550,7 mln.so‘m mablag‘ to‘langan. Jamiyatning 8-avgust holatiga soliq qarzdorligi 3 mlrd 953 mln. so‘mni tashkil etadi.
Soliq qarzdorligini mol-mulki hisobidan undirish maqsadida soliq boshqarmasi hamda Majburiy ijro byurosining Sirdaryo tuman bo‘limi xodimlari korxonalar faoliyat manziliga borilganda, mavjud texnikalar, ofis jihozlari, bino va inshoatlar xatlanishi haqida xabar topgan korxona rahbarlari shu kuni 500 mln. so‘m soliq qarzdorligi uchun to‘lovlarni amalga oshirdi. Shuningdek, mavjud qarzdorlikni tez orada to‘lab berishini ma’lum qilib kafolat xati berishdi.
Qayd etish lozimki, Soliq kodeksining Soliq qarzini undirish to'g'risidagi 15-bobi talablariga muvofiq qarzdorga tegishli bankdagi hisob-raqamiga band solinadi va unga tegishli bo‘lgan mol-mulklar to’liq xatlanadi. Shunday ekan soliqlarni o’z vaqtida to’lab, ortiqcha ovoragarchiliklardan qutulib, ko’ngil xotirjamligiga ega bo’lishni tavsiya qilamiz.
Sirdaryo viloyati soliq boshqarmasi Matbuot xizmati