طريقه اطعم رز بالخلطة في الحياه ينفع جنب اي اكله و خصوصًا المشاوي
HTML-код
- Опубликовано: 3 окт 2024
- فضلا ادعوا لزوجي و والدي بالرحمة والمغفرة و ادعولي بالصبر 🤲🏻
.
.
متنسوش تعملوا شير للفيديو عشان الفيديو يظهر للناس ♥️
الرز بالخلطه بسيط و سهل اوي و طعمه حلو و كمان يشرف علي السفره
ممكن نعمله برز مصري عادي جدا
المكونات للرز :
٣ معلقه كبيره سكر و نكرمله
٣ كوب رز بسمتي مغسول و متصفي
٥ كوب ماء
٢ معلقه كبيره زبده
٢ معلقه كبيره زيت
بصله وسط مفرومه
٥ حبهان
٢ عود قرفه
٥ قرنفل
معلقه كبيره السبع بهارات
معلقه صغيره فلفل اسود
معلقه صغيره ملح
٢ مكعب مرقه
لخلطه الكبد و القوانص:
كبد و قوانص
ملح و فلفل اسود و رشه قرفه و حبهان
بصله وسط مفرومه
بنسلق القوانص الاول لمده ١٢ دقيقة في مياه و معاها ملح و فلفل اسود و حبهان و قرفه و بعد كدا نصفيهم كويس و نغسلهم و نقطعهم قطع صغيره اوي
نكون محضرين حله فيها بصله مفرومه متشوحه و ننزل القوانص المتقطعه و نرش ملح و فلفل اسود و نسيبهم شويه لحد ما القوانص تستوي بعدين ننزل عليهم بالكبد المتقطعه نيه عادي من غير سلق عشان مش بتاخد اي وقت في التسويه و نسيبها لحد ما تستوي هي كمان و خلاص نسيبها علي جنب بقي عشان نحطها علي وش الرز وقت التقديم مع شويه زبيب و فول سوداني او لوز
و بالهنا ♥️
لو عجبكم الفيديو اكتبولي رايكم في الكومنتات 🥰
