هل أتاكم | السيد طاهر المكي

هل اتاكم
الرادود
السيد طاهر المكي
الشاعر
ايمن علي الموسى
المكساج
حسن مرهون
مدير التصوير
ميثم الضيف
تصوير
قاسم بوشفيع
ناصر الجاسم
محمد المبارك
حسين الدندن
علي سمير
عبدالهادي بوشفيع
تسجيل صوت
سجاد علي
مونتاج
علي المنديل
المخطوطة
سيد حيدر البراهيم
•••••
هَلْ{آتَاكُمُ}… صدى صوت الـ( وَإِنْ )
{مَـا نَهَاكُـمْ}… ورا الـبـــاب و تــون
وصوت تكسير الضلع
بالعرش هَم ينسمع
•••••
(تَبَّتْ يَدَا) ذاكَ الذي أشعل الدار ابناره
وهالدار جبريل المَلَكَ يا ما تعنى وزاره
بس هسه صارت يا وسف نار وحطب خِطَّاره
وبمدافع الطاغي صفى بصدر الطهر بسماره
(انْقَلَبْتُمْ)… واجيتوها ابحطب
ابلايه رحمه… شعلتوها اللهب
النار ظلت ترتفع
بالعرش هَم ينسمع
•••••
بهالدار ما چنه النبي وصاهم ايحفظوها
ونكرو وصيته وبالحطب اِلتمو وحرگوها
گال (إحفظوها) والعدا ابطگ وعصر فهموها
گالت له آنا فاطمة (قَالَ: وَإِنْ) عصروها
إحفظوها… صفت عصره وألم
بِنتُ طه… ابغدر جاهه وهجم
وسَگط الماتم تسع
بالعرش هَم ينسمع
•••••
عالباب صارت معركة يا هو اللي يدفع أول
والورد كسرو له الغصن الگبل چان امدلل
يسگوه صارو بالحطب وبالنار صار امبلل
وسياط نزلت كالمطر والمتن منها اتهدل
الـ(يرضى الله)… اْلرضاها يا خَلگ
بابها شلون… عليها امن انطبگ
الجنه گوه تندفع
بالعرش هَم ينسمع
•••••
من گادو الوالي ابحبل ظليت اصيح ابناسي
(خلو إبن عمي) نَاشِدت لا والله اكشف راسي
وقنفذ بسوطه ابلا رَحَم يضربني وشگد قاسي
من كسرت ضلوعي اختنگ لمن اجر انفاسي
آية النور… وگع منها طفل
ومحور الكون… يجروه ابحبل
الكون ناح لهالوضع
بالعرش هَم ينسمع
•••••
غطت وجها فاطمة عن لا يشوف السطره
محنيّه تمشي ام الحسن وتگاسي مُر العصره
ماينّجبر منها الكسر امهشم ضلعها الزهره
وحيدر عليها منهظم وتاكل بگلبه الحسره
شاليجبره.. بعد منها الكسر
اتگاسي ظلت.. يويلي امن العصر
مِن دَفع ذاكَ الجذع
بالعرش هَم ينسمع
••••
من شال (حيدر) هالنعش واتزايدت حسراته
(قالع الباب) شيحتمل دمعه حفر وجناته
اليدفن احبابه ابگبر گوه يجر آهاته
رد بيته لا چن (فاطمة) ظلت تعيش ابذاته
دفن گلبه.. ورجع شابع ضِمّه
وظل يلچمه.. الحچي عن فاطمة
جرّح اجفونه الدمع
بالعرش هَم ينسمع