NAJBOJI ČOVEK NA SVETE - Dražen Turina Šajeta (Audio)

20. Festival čakavske šansone „ČAnsonfest - Kastav 2024.“ (CD audio snimka)
NAJBOJI ČOVEK NA SVETE
(opatijska čakavština)
Dražen Turina Šajeta / Dražen Turina Šajeta / Ivan Popeskić
Interpret: Dražen Turina Šajeta
KANTAL SAN VEĆ KANCONI I OD BOGA I VRAGA
OD POLITIKE, JUBAVI I OD JUDI I OD BLAGA
PA SE PITAN KEMU NISAN JOŠ VERŠI REGALAL
A DA JE TO NAJVIŠE NA SVETE ZAMERITAL
ON JE I VEČERASKA TUKA S NAMI
NJEGA RADA ZOVU VA SI PROGRAMI
PO DUŠE ĆE STORIT I KAD NI ZA PLATIT
TAKOV SE MORDA VIŠE NIKADA NEĆE RODIT
NE ZNAN NIKEGA KI TAKO VOLI JUDI I NAŠ KRAJ
KAD SE NASMEJE Z ONEN REPIĆUN KOT SAMURAJ
ZAJENO SI BOJE VOJE AŠ ON ZA TO IMA ŽICU
JOŠ REČE: DAJ DA TI POVEDEN JENU SMEŠICU
I TEPLINA SRCA MU GRE
VA ONISTE VELE RUKI KOT LOPATE
MA DRAGI VI, ČA VAN GOVORIN, TR SE VEĆ ZNATE
NAJBOJI ČOVEK NA SVETE I NAJVEĆA FACA
JE NAŠ DUŠKO JELIČIĆ - DULE BONACA
PASUJU FESTIVALI KAKO PARANGALI
STOMANJA, STARKE I OPET JE NA BARKE
KOT ŠKAMPAR VA VRŠI STAVJA MAŽINETI
ČEKAJU GA KANCONE, MAŠKARE I KARETI
ON JE TAKO NAŠ I TAKO SVOJ
NIKEMU NE DAVAN NJEGOV BROJ
STRAŠNO ME RAZJADI KAD GA NEKI NASADI
AŠ ON MORE SE, SAMO NE ZNA NIKEMU REĆ NE
MA KAKOV DŽEGER, SINATRA, ROBIĆ AL FREDI
DOSTI SU SILVANA, EDI, GLAS I TE BESEDI
VOLOSKO, OPATIJA, LOVRAN I LUBENICE
KANTA VAN VNUK OD DALMATINSKE BUTIGERICE
DA GA SILVANA NI ZMUTILA I NOVI AUTO KUPILA
JOŠ BI SE VA ČRJENEN STOJADINE PO SVETE PEJALI
ONISTI MLADIĆ Z GRUPE ROYALI
VA PORTE S KRUHUN HRANI RIBI I KUKALI
NE ZNAN NIKEGA KI TAKO VOLI JUDI I NAŠ KRAJ
KAD SE NASMEJE Z ONEN REPIĆUN KOT SAMURAJ
ZAJENO SI BOJE VOJE AŠ ON ZA TO IMA ŽICU
JOŠ REČE: DAJ DA TI POVEDEN JENU SMEŠICU
A TEPLINA SRCA MU GRE
VA ONISTE VELE RUKI KOT LOPATE
MA ČA VAN GOVORIN, DRAGI VI, ONPUTA TR SE VEĆ ZNATE
NAJBOJI ČOVEK NA SVETE I NAJVEĆA FACA
JE NAŠ DUŠKO JELIČIĆ - DULE BONACA
--
© Udruga "Kanat" Kastav i "Grafik" Rijeka, 2024.

[@lavina58]

Bravo. Odlična pjesma 🙌🙌👍🍀💞🙏

[@alenbabic981]

Šajo je šajo a dule jee čovek na svojen meste

[@matejsurina2909]

Svaka čast i Šajeti i Duletu, istinske legende Opatijske okolice i čakavštine!

[@user-dw3pp3gy9m]

Pravo je opjeval našega Duleta baš kakov je bravo❤❤❤

[@zorpap]

Bravo Šajo!

[@user-dw3pp3gy9m]

Šajo odstaje šajo vavek dobar