Сэтгүүлч Н.Өнөрцэцэгийн ар гэрийнхэн суулт зарлалаа

Сэтгүүлч Н.Өнөрцэцэгийн ар гэрийнхэн давж заалдах шатны шүүх хурлыг нээлттэй явуулахыг шаардан, суулт зарлаж эхэллээ. Түүнд Сүхбаатар дүүргийн Эрүүгийн хэргийн анхан шатны шүүхээс 4 жил 9 сарын хугацаатай хорих ял оноосноос хойш 109 өдөр өнгөрч байна. Улмаар өчигдөр өглөөнөөс эхлэн сэтгүүлч Н.Өнөрцэцэг өөрийн шүүх хурлыг мөн л нээлттэй явуулахыг хүсэж, өлсгөлөн зарласан. Тэгвэл болж байгаа үйл явдалтай холбоотойгоор Н.Өнөрцэцэгийн аавын бие муудаж, эмнэлэгт хэвтээд гарсан гэлээ. Тэгвэл “шүүх хуралдааны зарим хэсгийг нээлттэй явуулах хууль зүйн боломжгүй. Цаашлаад Н.Өнөрцэцэгт холбогдох эрүүгийн хэргийн оролцогч биш этгээдийг давж заалдах шатны шүүх хуралдаанд оролцуулах боломжгүй” гэж Нийслэлийн Эрүүгийн хэргийн давж заалдах шатны шүүхээс мэдээлээд байна.