سيبي الملك للمالك || المراية || أحمد عيسى
HTML-код
- Опубликовано: 11 сен 2024
- لنفسه بص في مرايته
وقال يانفسي ايه مالك ؟؟...
يا دنيا ليه الوجع فيكي
بيتعكز على عيالك ...
ماترخي شوية في احبالك
وسيبي الملك للمالك ...
حزينة يا نفسي وعيونك
بتستقوى وبتكابر ....
وماشية لوحدها في سكة
لا فيها ونيس ولا جابر ...
يا صابر رغم كل مافيك
وكل مافيك ماهوش قادر ...
أمانة تقول لدنيتنا
بإن وجعها مش هيطول ...
وإن الليل ولو ظالم
مصير الليل وظلمه يزول ...
أمانة تقول بعين راضية
مصير السعي بشرى وصول ..
مصير إيدك في يوم هتطول
نجوم ساكنة في حضن سماك ...
يا علة وساكنة جوه الروح
مصيرك تتعتر في دواك ...
يا واخد قلبها وياك
وهي بروحها كفيانة ...
فيه حد يحب فتلاقي
بحبك روحه دفيانة ...
فلانة قلبها مش ليك
ماتتشعلقش في فلانة ...
ياروحك اللي مليانة
براءة وطيبة م الخالصة ...
وهي يعني كات ناقصة
تحب فلانة مش حباك ...
يا واخد قلبها وياك
وهي هواها مش ف هواك ...
ياعم افتحلها بابك
أو ارميها من الشباك ...
ياعم ارمي اللي مش ماسك
في حبل وصالك المفتول ...
وشيل في عيونك الشاري
وصحي قلبك المقتول ...
وقول لعيونك الشاهد
من القصة و م الموضوع ...
وشهدها على البايع
بدون حرقة وفرط دموع ...
وطوع روحك الطاهرة
لقوة قلبك الموجوع ...
وغير نوع بشر جواك
يجوز تلقي اللي فيك اتشال ...
وتلقى غطاك اللي كان مقطوع
بيتبدل بطرحة وشال ...
يجوز الشال
هيستر قلبك المجروح ...
يجوز ان الوجع
هيروح ...
يجوز بعدك عن الزايل
هيعدل قلبك المايل ...
بلاش على حد تتحايل
وترجع تشكي تقله عليك ...
ماتستسهلش واتعلم
تحاول تعمل اللي عليك ...
عنيك فاضحاك ودي مصيبة
ماتتعكزش عالطيبة
لأن الطيبة مش بتعين ...
ماتتخمش ياقلب حزين
في عالم طبعهم بايعين ...
يعاشرو قلبك المبسوط
ولو تحزن يقولوا دا مين ؟؟ ..
سنين عايش ومش شايف
وقلبك لاجلهم خايف
وحالف تمشي وياهم
ولا جربت تنساهم
وهما كل ما بتبعد
على بعدك يقولوا آمين ...
خلاصة القول
ماتبقاش إلا للي شاريك ...
عيون قلبك مابتشوفش
فشوف بعنيك ...
وركز في اللي هتكونله
وسطر صفحتك بإديك ...
#Ahmed_Eysa
