Top Channel/ Votimet në Kosovë, Serbia shqetëson qytetarët: Por të rinjve u intereson ekonomia!

Konflikti me Serbinë dominon mendjet e votuesve të Kosovës në këto zgjedhje të përgjithshme të saj, në të cilat Albin Kurti kërkon një mandat të dytë në krye të qeverisë. Kurti arriti të siguronte një fitore dërrmuese në 2021-shin, kur i rrëmbeu pushtetin koalicioneve të përbara nga nga Partia Demokratike e Kosovës (PDK) dhe Lidhja Demokratike e Kosovës (LDK), që drejtoheshin nga figura të lëvizjes për pavarësi të viteve 1990. Lëvizja social-demokratike e ish liderit studentor dhe ish-i burgosur politik nën regjimin e diktatorit serb Slobodan Milloshevic, u shfaq si një altërnativë e besueshme për popullin e Kosovës, që i dha votën e tij. Në këto katër vjet, Kurti e ka ndryshuar rrënjësisht drejtimin e politikës së jashtme të Kosovës. Ndërsa qeveritë e mëparshme të Kosovës kishin vepruar në bashkërendim të ngushtë me aleatët ndërkombëtarë, veçanërisht me Shtetet e Bashkuara të Amerikës, qeveria aktuale ka vepruar kryesisht në mënyrë të pavarur që nga viti 2021. Prioriteti kryesor i kryeministrit, Albin Kurti duket zbatimi i sovranitetit të plotë të Kosovës në raport me Serbinë dhe të çlirojë vendin nga ndikimi i fuqive ndërkombëtare mbrojtëse, politikat e të cilave Lëvizja Vetëvendosje i konsideron "kolonialiste", thotë DW. Që nga viti 2011, Bashkimi Europian përpiqet të arrijë normalizimin e marrëdhënieve midis Serbisë dhe Kosovës. Para se Kurti të merrte detyrën në vitin 2021, dialogu midis qeverive ishte pothuajse i ngrirë. Që atëherë, ai ka qenë praktikisht inekzistent. Kjo për shkak se Serbia nuk ka ndërmend të njohë sovranitetin e Kosovës, ndërsa Kosova refuzon të bëjë lëshime të përhershme që do t'i jepnin Serbisë mundësinë për të ndërhyrë në politikën e saj të brendshme.
Një nga pengesat kryesore në këtë aspekt është krijimi i Asociacionit të Komunave me Shumicë Serbe në Kosovë, një strukturë e qeverisjes lokale që kërkon një shkallë të caktuar autonomie kolektive. Në këmbim nga Serbia pritet të braktisë politikën e saj bllokuese dhe t'i lejojë Kosovës anëtarësimin në organizata globale si Kombet e Bashkuara.
Edhe pse nuk është bërë asnjë përparim në këtë çështje vitet e fundit, Kurti filloi shpejt zbatimin e politikës së sovranitetit pas ardhjes në pushtet. Kjo përfshinte vendosjen e euros si e vetmja valutë zyrtare në vend, përfshirë zonat me shumicë serbe që deri atëherë kishin përdorur dinarin serb për transaksione. Serbia u kundërpërgjigj duke rritur praninë ushtarake në kufi. Forcat paramilitare serbe në veri të Kosovës kryen disa akte dhune, gjë që kërkoi ndërhyrjen e trupave paqeruajtëse të udhëhequra nga NATO, KFOR. Konflikti me Serbinë vazhdon të përshkallëzohet. Presidenti Aleksandar Vuçic po përdor një ton gjithnjë e më agresiv ndaj Prishtinës. Kurse Qeveria e Kosovës po përballet me presion të madh nga BE dhe SHBA, të cilat nuk duan që ajo të refuzojë arritjen e "marrëveshjeve" me Serbinë. Një konflikt thelbësor padyshim, që ka pushtuar mendjet e votuesve më në moshë të Kosovës, të cilët e kanë përjetuar atë më nga afër. Por marrëdhënia me Beogradin nuk është i vetmi shqetësim për të rinjtë, të cilët duan të ecin përpara, e për këtë, e kthejnë më shumë vështrimin tek situata socio-ekonomike e vendit.
Pamje: AFP
Departamenti i Informacionit, më i madhi, më kryesori në Top Channel, i cili shënoi fillimin e televizionit me edicionin e lajmeve në 20 dhjetor 2001. Përmes informacioneve të shpejta, të sakta dhe të thelluara, reportazheve dhe rubrikave të tjera informative, Top Channel është kthyer në burimin kryesor dhe me prestigjioz të informimit të të gjithëve në Shqipëri, në hapësirën mbarëshqiptare dhe kudo tjetër në botë ku shqiptarët jetojnë. Top Channel është i pranishëm me kamerat dhe gazetarët e tij në të gjitha ngjarjet më të rëndësishme të vendit dhe në botë, me edicionet e tij informative.
Për më shumë vizitoni: top-channel.tv/
Subscribe to "Top Channel" on RUclips Channel for NEWS and TV
Shows HERE: bit.ly/2Y15KwK
For more content from click HERE: www.top-channel.tv
Like Top Channel on Facebook HERE: bit.ly/2FglWTs
Follow Top Channel on Instagram HERE: bit.ly/2uaYG2U
Follow Top Channel on Twitter HERE: bit.ly/2TJndeH
#Kosove#Zgjedhjet#TopChannelNews

[@dafina287]

Albin Kurti ❤

[@user-yl6or2qo6o]

Albin ❤️👏