Ronald en Carien-Neet oet te legke LVK 2024

Tekst: Job van Hoof / Robert Janssen , muziek: Job van Hoof,
Arrangement en productie: Ronald Moonen, Studio Difference.
Gitaar: Cor Mutsers, Schuiftrombone: Peter-Paul Geraets, Trompet: Pieter Melis
Studio koor: Gerlinde, Dian, Rick en Marcel
Clip:Teun Lempens/Sweet Motion, Jolie Van De Mortel/Media Motion
Figuranten: Burgemeester Raymond Vlecken, ‘Oma’ Jenny, ‘Opa’ Jos, onze buren, raambeschildering Ruud en Natasja/RUNA, Hairstudio Twins en V.V. De Batrave, Bakkerij Broekmans
Tekst:
Koeplet1:
Wi-j keumtj ‘t det eder jaor bliêktj, det vae fieëstendj verdwale.
En völ mieër as meugelik liêktj, oet d’n daag kinne hale
Vae zeen aan dees lachendje minse
vastelaovendj guftj os kieër op kieër, nog mieër dan vae wînse
Refrein:
‘t És neet oet te légke, mét weurd neet te zegke
Waat vastelaovendj beteîkentj vör os.
In e bieëldj neet te vânge, wi-j völ vae verlânge.
Waat maaktj vastelaovendj toch allemaol los
Want det geveul det vae Limburgers kinne,
És neet te beschriêve, det veuldje van binne....
‘t És neet oet te légke, mét weurd neet te zégke,
waat vastelaovendj beteîkentj vör os.
Koeplet2:
Wi-j kân ‘t det vae eîn vör eîn, de zjuuste snaor rake
En op ‘t toppûnt van gekdje mét eîn, ‘t nog boonter make.
Dees leefdje um same te viere,
di-j greutj en di-j bleutj in oos hert, det véltj neet te lieëre!
Brök
Woeë vae mét zeen groeët gebrachtj, kriegse neet oetgelagdj,
Mer minse det és um ‘t aeve,
Vastelaovend blieftj voeërtbestaon, zal noeëts verlore gaon,
Zoeëlang vae det Limburgs geveul mer door bliêve gaeve!