Herlen murnii udsheer D.Gantsooj Хэрлэн мөрний үдшээр. Дуучин Д.Ганцоож
HTML-код
- Опубликовано: 8 сен 2024
- Үг: Н.Баянмөнх /МУСГЗ/ Ая: Д.Бердибек Дуучин Д.Ганцоож
Хэрлэн мөрний үдшээр.
Хэрлэн мөрний үдшээр дуугаа бүсгүй аялана аа
Хээнцэр ятгын аялгуу тунарч байх шиг санагдана аа
Сул асгасан гэзэг нь аясын салхинд задарна аа
Сууж л байгаад сонсмоор яасан ч уянгалаг юм бэ
дахилт:
Хааны танхил охидууд зүсээ толдсон Хэрлэн минь
Хайрын ямархан аялгуу бүүвэйлж намуухан урсана вэ
Хэрлэн мөрний үдшээр сарнаар бүсгүй алхана аа
Хээнцэр талын цэцгүүд бүжиж байх шиг санагдана аа
Уран гоолиг галбир нь усны гэгээнд тодорно оо
Удаан суугаад хармаар яасан ч үзэсгэлэн юм бэ
дахилт:
Хааны танхил охидууд зүсээ толдсон Хэрлэн минь
Хайрын ямархан аялгуу бүүвэйлж намуухан урсана вэ
Хэрлэн мөрний үдшээр хайрын салхин сэвэлзэнэ
Хээнцэр бүсгүйн сайханд нь зүрхний угаас татагдана аа
Зөөлөн ялдам харцанд нь сэтгэлийн сайхан гэрэлтэнэ
Зөнгөө дагаад дуулмаар яасан ч эгшиглэн юм бэ
дахилт:
Хааны танхил охидууд зүсээ толдсон Хэрлэн минь
Хайрын ямархан аялгуу бүүвэйлж намуухан урсана вэ
Хааны танхил охидууд зүсээ толдсон Хэрлэн минь
Хайрын ямархан аялгуу бүүвэйлж намуухан урсана вэ
Бүүвэйлж намуухан урсана вэ.